SAN JUAN 13:21 - Tepehua Pisaflores

²¹ Akxni chunchacha naw'olh, an Jesús sawalhcha ta'oxila'alhilh, chi ixla'ts'awalanticha nawlh, jajuniy: ―Xapumatam uxitnani akima'axt'a'a', chi sawalhi tacha ani iklajunaw.

SAN JUAN 13:21 Kruisverwysings

SAN MATEO 26:21

Chi akxni ixtalakwayt'ajuncha, jajuniy: ―Sawalhi ani yu klajunaw, xapumatam yu uxitnani akima'axt'a'a'.

SAN MATEO 26:38

Jajuniy: ―An kintak'atsan sawalhcha ta'oxila'alhiy, wa tacha akniyacha ijk'atsan. Ani akilapakxaw jant'u k'alaklht'at'at'it.

SAN MARCOS 14:18

chi talaktawilhcha, tsukulhcha talakwajini an laka mesa, walh an Jesús jajuniy: ―Sawalhi ani yu aklajunaw, xapumatam yu uxitnani akima'axt'a'a', yu wachu kint'alakwayt'ajun.

SAN MARCOS 3:5

Pus talh'amancha jala'ts'in an Jesús chi lhita'oxila'alhiycha li yu'uncha jantu talhakapu'ani li kataja'a'tayjunulh, juniy an lapanak: ―K'alats'awalat'icha amimaka'. Walh lats'awalalhcha, tamaj'oxilhcha.

SAN JUAN 11:33

An Jesús akxni la'ts'incha an María li ix'alhuncha chi an judiojnin an yu tat'acha'alh wachucha ixtalaj'alhun, an Jesús sawalhcha ta'oxila'alhilh.

SAN JUAN 11:35

Wa chuncha an Jesús alhulhcha.

SAN JUAN 11:38

An Jesús, mu a'tamcha ixlita'oxila'alhipalay, pus alhi an tan ix'aknuyachalh an Lázaro. Wa tan'apilho'o'o an lakachiwxin, ixlakapuyawkantacha chiwxi an tan ixputanukanachalh.

SAN JUAN 12:27

’Chaway wanaj jantu k'is oxi ijk'atsan la kintak'atsan. ¿Chi tasicha aknawna'a? ¿Aknawna: “KimPay ak'ima'osunini ani tacha ijk'atsan, aknawna'”? ¡Kit'in yuchacha ikla'minta ani!

SAN JUAN 13:18

’Jantu minchuxk'ani iklalhichiwint'awnaw, kit'in ijk'atsayi tichini yu'unchacha yu ijkasakxtuta. Pero katapasaya tacha an najunta an tan ts'o'muk'akanta: “An yu kint'alakwayt'ajun wa akint'atasp'it'a'.”

SAN JUAN 13:2

Akxni ixtalakwayt'ajuncha puts'ista, an xapay makxkay'un ixtamaknunitacha la ixjatapast'ak'at an Judas Iscariote, ists'alh Simón, li kama'axt'a'a an Jesús.

SAN JUAN 13:22

Pus wa chuncha an ixt'alhtanan ixtalala'ts'impaxaycha, jantu ixtak'atsay tichini yuchacha.

LOS HECHOS 17:16

An Pablo akxni ixjapakxan'iyachalhcha la'acha'an Atenas an Silas chi an Timoteo, jantu k'is oxi lhiwilalh akxni la'ts'ilh an la'acha'an li wa stakcha ixlak'alin tanlhun yu tacha ixdioschak'an ixtala'ts'in an lapanakni.

1 JUAN 2:19

Yu'uncha tan t'awnawi tataxtulh, pero yu'uncha jantu sawalhi li yu tacha kitnan, mu li sawalhi li tacha kitnan kaxtawalh, xakintat'atamakajun. Li tataxtulh yu'uncha wa xliyu li katasulhi li jantu ixchuxk'ani yu de kitnan sawalh.