SAN JUAN 11:47 - Tepehua Pisaflores

⁴⁷ Pus an xalaj'ajin sacerdotejnin chi an fariseojnin tata'ayxto'lhi laka ay junta chi talajuniy: ―¿Tasu ka'ilhtuyawcha? Ani lapanak wa stakcha lakmasut'ajuni tanlhun yu la'lhima'anxkay.

SAN JUAN 11:47 Kruisverwysings

SAN MATEO 26:3

Wa chuncha an xalaj'ajin sacerdotejnin chi an xamaestrojnin lhamap'a'sin chi an laktatanincha yu ancha ixla'acha'ank'an, tata'ayxto'lhicha an la ixjatalakxtut an xa'aycha tukan sacerdote, yu junkan Caifás.

SAN MATEO 5:22

Pero kit'in klajunaw watichicha yu t'alama'talh'aman ixt'ala'ajun kalhimama'alh'ajnikana'. Chi watichicha yu kaxkayaj juna ixt'ala'ajun kalhimama'alh'ajnikana'. Chi yu kajuna ixt'ala'ajun, wa tontojk'at'i, yucha layi kamak'ankalh la xajikmi la'nin.

SAN MARCOS 14:1

Wa la'at'uycha wilhchani ists'an'ay para kachilhcha ixpaku paxku chi ixk'atan pan yu jantu lhiyalh lhamaskajan. An xalaj'ajin sacerdotejnin chi an xamaestrojnin lhamap'a'sin ixtalhipuxkawniycha tani katalhi'o'xcho'och'apayawlhcha an Jesús, para li katama'nilhcha.

SAN LUCAS 22:2

Chi an xalaj'ajin sacerdotejnin chi an xamaestrojnin lhamap'a'sin ixtalhipuxkawniycha tani katalhima'nilhcha an Jesús, pero jantu lay ixta'ilhtuy mu ixtatalhanani li wa lay katalhitalh'amalh chux an lapanakni.

SAN JUAN 11:57

An fariseojnin chi an xalaj'ajin sacerdotejnin ixtalhinajuntacha li ma xamati la'ts'in an Jesús, ma kanawlh, para li katach'apayawlhcha.

SAN JUAN 12:19

Pero an fariseojnin ixtalajumpaxay: ―La'ts'inatcha uxitnan li chuncha jantu tu'u kati'ilhtuw. K'ala'ts'int'it, ¡wanajcha ta lhichuxi tit'a'ankan!

SAN JUAN 2:11

Yucha anicha yu p'ulhnajcha masulh an Jesús, la'acha'an Caná xalakaat'un Galilea, masulhcha li alhp'asi yucha, chi an ixt'alhtanan takiklaka'ilhcha.

SAN JUAN 6:2

Wanaj lhilhuwi ixch'a'o'akanta, mu ixtala'ts'incha tacha an ixjak'uch'uy an ta'an'anin.

SAN JUAN 7:32

An fariseojnin ta'alha'asmatlhi an lapanakni li chunchacha ixtalhichiwiniy an Jesús. Pus an xalaj'ajin sacerdotejnin chi an fariseojnin tamala'achalhi lapanakni para li katach'apayawlh.

SAN JUAN 7:45

An yu ixtajalhistaknan an laka tajtan ta'ancho'olhcha an tan ixtat'awnachalh an fariseojnin chi an xalaj'ajin sacerdotejnin, walh akxni tacha'alhcha jalhisakmikancha tuchini jantucha talhilhi'alh.

LOS HECHOS 5:21

Akxni chunchacha ta'asmatlhi, tunkunchalh wats'isin, tatanuchalhcha an laka tajtan chi tsukulhcha tamasuy. Wa chuncha, an xa'ay tukan sacerdote chi an yu ixtach'a'o'ay, tat'asanilhi ixchuxk'an an xalaktatanin israelitajnin, chi talhinawlhcha li kaja'ankalhcha maxtuka an laka pulach'in.

LOS HECHOS 5:24

Akxni chunchacha asmatlhi an xa'ay an yu ixtajalhistaknan laka tajtan chi an xalaj'ajin sacerdotejnin ixtanajun: ―¿Tisu katapasayacha li tacha anicha talayi?