SAN JUAN 11:4 - Tepehua Pisaflores

⁴ An Jesús, akxni asmatlhi, najun: ―Ani ta'an'at jantu katijama'ninilh, yucha apalij wa kapumasukana an ixta'ayat Dios, chi an ixta'ayat an isTs'alh Dios.

SAN JUAN 11:4 Kruisverwysings

SAN JUAN 10:38

Pero li chuncha ik'ilhtuy, masi jantu akilakiklaka'iw, yucha an yu ik'ilhtuycha k'ak'iklak'a'it, para li wa xawa'a'tamcha k'ak'ats'at li an kimPay kinput'ajun chi kit'in yucha ikput'ajun.

SAN JUAN 11:40

An Jesús juniy: ―¿Chu jantu ijkunani li jak'iklak'a'inin, k'ala'ts'ina'a an ix'alhp'asninti Dios?

SAN JUAN 12:28

“KimPay, k'ala'ayat'icha aminta'a'ut.” Wa chuncha chiwinkanchalh an lakt'iyan, nawkan: ―Ikla'ayatacha, chi akla'ayapala a'tam.

SAN JUAN 17:1

Akxni chunchacha chiwin'olh an Jesús, tala'st'alhcha an lakt'iyan, najun: ―KimPay, an panch'e'ex chilhcha. K'amasut'icha aminTs'alh li ay, para li aminTs'alh wachucha kamasuni li ayk'at'i.

SAN JUAN 17:10

Mu chux yu kinawin, minawin, chi yu minawin, kinawin, yu'unchacha taputasuy kinta'ayat.

SAN JUAN 17:5

Pus chawayi kimPay, k'amasut'icha li ik'ayi la mimpa'xti', tacha an kilhi'ay xakjunita la mimpa'xti akxni jantuka' ix'alin an lakamunulhpa'.

SAN JUAN 2:11

Yucha anicha yu p'ulhnajcha masulh an Jesús, la'acha'an Caná xalakaat'un Galilea, masulhcha li alhp'asi yucha, chi an ixt'alhtanan takiklaka'ilhcha.

SAN JUAN 5:23

Para li lhichuxi kakiklaka'ikalh chi kalhiwilakalh an isTs'alh tacha kiklaka'ikan an ixPay. Yu jantu kiklaka'iya an isTs'alh Dios, wachu jantu kiklaka'iya an ixPay, yu mala'achatachalh.

SAN JUAN 8:54

An Jesús jajuniy: ―Li wa kit'incha ikla'ayakan, an kinta'ayat jantu tu'u lhitapalay. Pero yu kila'ayay yucha an kimPay, an yu unat li miDiosk'an.

SAN JUAN 9:24

An judiojnin a'tam tat'asanipalhi an yu la'lhtuluw ixjunita, chi tajuniy: ―Akilajuniw yu sawalh la ix'ukxlakapu Dios. Kitnan ijk'atsayawi li anchunu lapanak wa ma'lhta'alhini'.

SAN JUAN 9:3

An Jesús jajuniy: ―Jantu xliyu ani wa ka'ilhtulhcha tu'u ixtala'alhin u an ixpaynin, wa xliyu an Dios masuputuni ixtapatsat la ixlakatunaj ani lapanak.

ROMANOS 11:11

Chi chaway iknajun: ¿Li an judiojnin jalaj'ayst'uk'ukalhcha, ixpujun'alhinchak'ani tata'a'talh? ¡Jantu! Li an judiojnin jantu taja'asmatnalh, an ali'in chunchacha yu taputa'alhtaxtulh, para li an judiojnin katask'unla'ts'ilhcha an oxi jatsukunti yu talhit'ajun an yu jantu judiojnin.

FILIPENSES 1:11

Wa yu sicha oxi laktanlhuni k'alak'ilht'ut yu wa yucha an Jesucristo lay chuncha pulak'ilhtukan, para li an Dios ayi kala'ts'inkalh chi kamilhpanikalh.

FILIPENSES 1:20

Lhitala'si ikpakxan'i li jantu tu'u aktilhitamaxanilh, apalij tacha o'sliyajcha mukumintachalh, chaway an Cristo kamasukana li yucha ay, la kilakatunaja kamasukana, la kijatsukunti u la kilhinin.

1 PEDRO 1:21

Yucha an Cristojo p'uk'iklak'a'iyat an Dios. An Dios mala'awnicho'olhi an Cristo chi ilhtulhi li ayi kala'ts'inkalh, pus uxitnan k'iklak'a'iyat ch'i p'akxan'iyat'iti yu ka'ilhtuya an Dios.

1 PEDRO 4:11

Li xamati yu oxi chiwiniy, kalhichiwinilh an ixchiwinti Dios. Li xamati ja'ilhtuniy tu'u tapatsat an ali'in, chunchacha ixli'alhp'as ka'ilhtulh tacha alhp'as xta'niy an Dios, para li wa tuchicha yu ilhtukan yucha an Diosi ay kapula'ts'inkalh ixlakata an Jesucristo, yu ix'anu an ta'ayat chi an lhich'alhkat yu ixpujun'alhincha. Chunchacha kawalh.

1 PEDRO 4:14

Li lhimamaxanik'anat'iti ixlakata an Cristo, laj'ach'anat'iti uxitnan. Mu an ay ixTakuwin an Dios uxitnani tapujastaknanan. [Yu'uncha wa aya talhichiwiniy, pero uxitnan ayi la'ts'inat'it.]