1 TIMOTEO 2:8 - Tepehua Pisaflores

⁸ Pus iklakask'in li an lapanakni wa tanchuncha kawalh, katatapaynilh, katach'ixli la'stalan'a ixmakak'an, jantu ka'alilhi talh'amti chi laxkay.

1 TIMOTEO 2:8 Kruisverwysings

SAN MATEO 21:21

Pus an Jesús, jajuniy: ―Iklajunaw, li jak'iklak'a'ininat'it sawalh, li jantu wa tamj tamjcha p'ast'ak'at'it, jantu wa tacha ani k'ilhtulh an xak'iw higojo k'at'i'ilht'ut'it, layi k'a'una'it ani a'stitawk'a: “K'a'ost'i, an alamalhcha k'at'a'uchi',” chi kajuna'.

SAN MATEO 5:44

Pero kit'in klajunaw: K'ajamap'aynit'iti masi yu jantu tala'ts'imputunan, [uxitnan oxi kajaxa'alat'it an yu wa xkayaj tajunan, oxi k'ajala'ts'int'it an yu wa taxkayan] chi k'ajalhit'ap'aynit'iti an yu wa talhitama'chapuyan,

SAN MATEO 6:12

Chi akilamala'mixiniwi kintala'alhink'an tacha ijkamala'mixiniyaw wachu yu jantu oxi tu'u kinta'ilhtuniyan.

SAN LUCAS 23:34

An Jesús nawlh: ―KimPay, k'ajamala'mixinin, mu wa jantu tak'atsay tuchini ta'ilhtuycha. Chi talamala'pitsilhcha an ixla'ch'it an Jesús, wa ta'amanalh suerte.

SAN LUCAS 24:50

Ixli'astan chux an ixt'alhtanan an Jesús jamaxtulhcha an la'acha'an Jerusalén, jalhi'alhcha sta la'acha'an Betania, chi tamakch'ixlicha chi tapayninilhcha an Dios para li oxi katatsukulh.

SAN JUAN 4:21

An Jesús juniy: ―Ani ijkunan sawalh, kachina panch'e'ex akxni k'at'ap'ayniniya'it'it an Dios wa tanchuncha masi jantucha ani a'stitawk'a chi Jerusalén.

LOS HECHOS 10:2

Ani lapanak chi chux yu ixtawilanalh la ixcha'a ixtakiklaka'iya an Dios. Chi ixja'a'tayjuyi an judiojnin, la'lhuwi ixt'a'a tumin chi lhilhiji ixtapayniniy an Dios.

LOS HECHOS 10:31

Kijuniy: “Cornelio, an Dios asmat'a amintapaynit chi past'ak'a an yu ilht'ut'a li ja'a't'ay'uy an yu tama'lhtask'iniy la'a'tayjun.

LOS HECHOS 10:4

An Cornelio wa sa'cha ixla'ts'ini an angelh chi masi sawalhcha ixtalhanan lhisakmilh, juniy: ―¿T'isunch'a lak'ask'ini Jamach'alhkat? An angelh alhtaylh juniy: ―An Dios lhakapu'ani amintapaynit ch'i t'ach'a an ilht'uy li ja'a't'ay'uy an yu tama'lhtask'iniy la'a'tayjun.

LOS HECHOS 21:5

Chi la'puslicha la'atujun wilhchan, iktaxtupalawcha ancha. An lapanakni yu kintakimakawyajun sta la ixpiktu an la'acha'an, ixtat'a'an'ojota ixt'iwik'an chi xas'at'ank'an. Chi an la ixpiktucha an lakxkan, ikla'tatso'ottawcha chi iktapayniwcha.

LOS HECHOS 7:60

Chi istso'ottayka, p'asi chiwinilh najun: ―Jamach'alhkat, jant'u k'ajalhak'ap'up'ininini ani tala'alhin. Akxni chunchacha nawlh, nilhcha.

1 CORINTIOS 1:2

Uxitnan ixlapanakni Dios, yu t'a'ayxt'o'at an la'acha'an Corinto, tamastalan'atani an Jesucristo. Chi Diosi tat'asanin li wachu la'stalan'ani k'a'unt'it ali an yu wachu ta'a'atant'asay wa tanchun kawalhcha an ixta'a'ut an kiJamach'alhkatk'an Jesucristo. Yucha ixJamach'alhkatk'an chi kiJamach'alhkatk'an.

1 CORINTIOS 7:7

Yu kit'in xaknajun li chux an lapanakni tacha kit'in jantu ikt'at'awkan wa chuchuni kaxtawalh. Pero an Dios tamj tamjcha kintalhimakmintan, ali'in tamj chi ali'in tamj.

2 CORINTIOS 2:14

Lhimala'puchajuncha an Dios mu yucha yu kinta'ilhtuyan li o'sliyani kapulhajacha'aw an Cristo Jesús, watanchuncha kawalh kitnani kintapumasuyan an lhaklhi ixjalakpastaknat.

FILIPENSES 1:12

T'ala'awnin, klakask'in li k'ak'ats'at'it li an tanlhun yu ikputapasata, apalij wa a'tayjutacha li ali kata'a'pitsilhi an laj'oxi chiwinti.

1 TESALONICENSES 1:8

Uxitnani yu p'u'a't'aynik'ant'it, an ixchiwinti an Jamach'alhkat ta'a'pitsilhcha, jantu wa Macedoniajcha chi Acayajcha k'atsaakalh wanaj ta lakachux, chi k'atsaakani t'ach'a an k'iklak'a'iyat an Dios, pus jantucha task'iniya li kitnan tu'u aknajuw.

1 TIMOTEO 5:14

Xliyu iklhilakask'in li an yu nitacha ixt'apapak'an li yu jats'i'ininka kajat'atsukukalh, katalhitsukulhi ixjas'at'ank'an, katala'ts'ilhi'alhi ixcha'ak'an chi jantu katamakawnilhi tu'u wa aya kajalhichiwinilh an yu wa kintaxkayan.

TITO 3:8

Ani chiwinti yucha sawalh, chi klakask'in li sawalhch'a k'anawi yucha chi lhitala'si k'anaw, para li an yu takiklaka'iy Dios yucha kata'ilhtulh an yu oxi tanlhun. Ani tanlhun yucha laj'oxi chi talhitapalhniya an lapanakni.

HEBREOS 10:22

Pus kala'awcha an Dios la kijalhunutk'an yu ixlisawalh jantu katalhanaw, la kijalhunutk'an kamakajuwcha yu jantu oxi jatapast'ak'at, chi kach'a'awcha kilakatunajk'an laka stalan'a xkan.

SANTIAGO 4:8

K'ast'alhch'a la'p'it'iti an Dios, chi yucha kastalhcha tala'anan. ¡K'alakmakxak'atcha la'ma'lhta'alhinin! ¡Uxitnan yu map'aynip'ut'unat an Dios chi a'tam map'aynip'ut'ump'alat wachu an lakamunulhpa, k'ast'alan'atcha mijalhunutk'an!

1 PEDRO 3:7

Wanajcha chuni uxitnani lapanakni yu lakt'at'awk'anat, k'ajalhimach'a'xanit'iti amijat'iwinink'an, k'ajalhiwilat'it, mu yu'uncha palay jantu lajk'ut'ilin, chi yu'uncha katat'ala'a'iyani an jatsukunti yu kataxta'niyan an Dios. Ch'unch'a k'a'ilht'ut para li jantu tu'u kamama'tijlalh akxni t'ap'ayniyat.