1 PEDRO 1:23 - Tepehua Pisaflores

²³ Mu uxitnan t'ump'ajch'a la'awch'o'ot'at, chaway jantucha wa yu p'ula'awt'at milakpaynink'an yu wa talakniy, yucha an ixchiwinticha Diosi p'ula'awt'at, yu la'ajunta chi yu jantu a'tam niy.

1 PEDRO 1:23 Kruisverwysings

SAN MATEO 24:35

An lakt'iyan chi an lakaat'un ka'ukla'oya', pero an kinchiwinti yucha jantu.

SAN LUCAS 8:11

’Ani pulhamacha'xan yucha aniya jumputun: An t'in yucha an ixchiwinti Dios.

SAN JUAN 1:13

Yu'uncha jantu wa laka jak'alhni tapula'ajun, chi jantu wa laka jakanit, chi jantu wa laka lapanak, yu'uncha Diosi jamala'awniy la ixtakuwink'an.

SAN JUAN 1:3

Chi chux an laktanlhun, yucha pu'ilhtukalh, jantu tu'u an yu alin laktanlhun yu jantu yu kapu'ilhtukalh.

SAN JUAN 3:3

An Jesús juniy: ―Sawalhi ani yu ijkunan, yu jantu sast'i tsukucho'oy jantu lay katila'ts'ilh an ixlich'alhkat Dios.

SAN JUAN 3:5

An Jesús juniy: ―Kit'in sawalhi ani yu ijkunan, li yu jantu tsukuyi laka xkan chi la ixTakuwin an Dios, jantu lay katitanuchalh an la ixlich'alhkat Dios.

SAN JUAN 6:63

An takuwin yucha yu xt'a'a jatsukunti, an lakatunaj yucha yu jantu tu'u lhitapalay. An chiwinti an yu iklalhixa'alayaw yucha takuwin chi jatsukunti.

ROMANOS 1:23

Mu an ixta'ayaxtu Dios yu jantu a'tam katinilh, talhimapaxalhi wa ixla'ma'stele'chak'an lapanakni yu lay taniy, chi masi wa ixma'stele'chak'an tanlhun ts'o'on chi tanlhuncha yu ixputach'ant'at'ik'an jatapakxat chi ts'apulin.

HEBREOS 4:12

Mu an ixchiwinti Dios yucha la'ajunta chi alhp'as, chi palay jach'uk'unun, walh jantu masi watuchicha espada yu ta'ukxput'uy makikxtukanta, chi yucha layi ta'aknuy sta ch'uk'uy an tak'atsan chi an takuwin, ta'aknuyi sta ixpulaknicha tukan an lapanak, layi k'atsay tani jatapastaknankancha chi tuchini ilhtuputuncha an jalhunut.

SANTIAGO 1:18

Yucha mu chuncha lakask'ilh, kintaxta'nini jatsukunti an laka chiwinti yu sawalh, para li kitnancha p'ulhnaj kajunwi tacha an jamala'awnininta.

1 PEDRO 1:25

Pero an ixchiwinti an Jamach'alhkat Dios yucha jantu a'tam katila'mixli. Chi ani chiwinti yucha yu puta'alhtaxtukan yu uxitnan unk'ant'at'itcha.

1 PEDRO 1:3

Ayi kala'ts'iw an Dios chi ixPay an kiJamach'alhkatk'an Jesucristo, mu yucha laka ay ixjamapayninti kintamala'awnicho'on, yucha an Jesucristojo chuncha kintapu'ilhtun akxni an la'awcho'olh. Chunchacha kintapu'ilhtun li kapakxan'iwi

1 JUAN 3:9

Jantu xamati yu ixjas'at'a Dios ali taylhi'an ixtala'alhin, mu lhit'ajuni an ixjatsukunti Dios, pus jantu lay ali katitaylhi'alhi ixtala'alhin mu ixjas'at'acha Dios.

1 JUAN 5:18

K'atsayawi li yu Diosi put'ajun, jantucha ali ilhtuyi ixtala'alhin, mu an isTs'alh Dios lhistakta, pus an yu wa ay junita jantu lay ch'apayachalh.