1 JUAN 2:8 - Tepehua Pisaflores

⁸ Atumpaj ani klats'o'nit'awnaw yucha sast'i lhamap'a'sin chi yucha yu sawalh, tasuyi la ixjatsukunti an Cristo chi la mijatsukuntik'an, mu an jatats'isni la'mixt'ajuncha, chi mapulhkuycha an yu sawalh jatapulhkunu'.

1 JUAN 2:8 Kruisverwysings

SAN MATEO 4:16

Ani lapanakni yu wa lakaputs'isnicha ixtat'ajun tala'ts'ilhcha an ay jatapulhkunu'. Chi an lapanakni yu wa la ixma'stele'cha lhinin ixtalak'aklat'ajun, jamapulhkunilhcha an jatapulhkunu'.

SAN LUCAS 1:79

Kajamapulhkuniya an yu lakaaputs'isni tat'ajun chi an yu la ixma'stele' lhinin tat'ajun. Akintapulhi'anani tan oxi tij.

SAN JUAN 1:9

An yu sawalh jatapulhkunu yu jamapulhkuni'ojoy chux an lapanakni kaminaka ani lakamunulhpa'.

SAN JUAN 12:35

An Jesús jajuniy: ―Wa lakats'uniycha ani katat'a'aklatsukuyan an jatapulhkunu'. K'alak'alht'anant'iti li lhit'awnatka an jatapulhkunu', para li jantu wa kalaks katala'chini an jatats'isni akxni jant'u jalajk'ats'anant'at'it, mu yu lakaaputs'isni jalhtanan jantu k'atsay tanchuncha ti'an.

SAN JUAN 12:46

Kit'in ijkatapulhkunu', chi ani lakamunulhpa ikminta para li chux yu kinkiklaka'iy jantu wa lakaaputs'isnicha katsuku'alhilh.

SAN JUAN 13:34

Iklaxta'niyaw ani sast'i lhamap'a'sin: Li k'alamap'aynip'axat'it. Tacha kit'in iklamapayniyaw.

SAN JUAN 8:12

An Jesús a'tam jaxa'alapalhi an lapanakni, jajuniy: ―Kit'ini xajatapulhkunu an lakamunulhpa', yu akinch'a'o'aya jantu wa lakaputs'isni katitsukulh, kalhitsukuya an jatapulhkunu yu xt'a'a jatsukunti.

LOS HECHOS 17:30

An Dios jantu jalhakapu'aninilhi ixtala'alhink'an an lapanakni tawananchacha, li jantu tu'u ixtak'atsay, pero chaway wa tanchuncha chi ta lhichux, najuni an Dios li kamapaxawi kijatapast'ak'atk'an.

LOS HECHOS 26:18

Ancha akmala'achayan an tan tawilanalh, para li k'ajamalak'awanit'i chi jantucha ali katalakalhtanalhi lakaaputs'isni, tan putunkuwcha katalakalhtanalh. Para li jantucha yucha an satanasi kajalhilatsukulh, yucha an Dioscha katach'a'o'alh, chi akintakiklaka'ilhcha. Walh laniy kajamala'mixinikana ixtala'alhink'an, chi chuncha katala'a'iya yu kajaxta'nikana an la'stalan'an ixlapanakni Dios.”

ROMANOS 13:12

Sawalhcha anta an jatats'isni chi mintacha an jatunkunu', pus xliyu jantucha ali ka'ilhtuw an yu ixnawin an jatats'isni, kala'la'ch'iwcha yu ixnawin an jatunkunu yu kapulasayaw.

2 CORINTIOS 8:9

Misp'ayatcha an ixjamapayninti an kiJamach'alhkatk'an Jesucristo, yucha masi ma'a'ali, junlhi wa jakilhpatini milakatak'an, para li an la ixkilhpatit uxitnan k'a'unt'iti ma'a'alin.

EFESIOS 5:8

Ixlip'ulhnaj uxitnan lakaaputs'isni ixt'awnat'it, pero chaway li t'at'ala'xt'o't'itcha an Jamach'alhkat, laka jatapulhkunuch'a t'awnat'it. Tacha ixjas'at'ancha an jatapulhkunu k'ats'uk'ut'it.

2 TIMOTEO 1:10

Chi chaway an jamapayninti tasuycha li kilachilhcha an kiJama'alhtaxtunuk'an Cristo Jesús, yu laklhajalh an lhinin chi yucha an laj'oxicha chiwinti pumalakasulh tan putunkuw an jatsukunti yu jantu lay niy.

1 PEDRO 1:21

Yucha an Cristojo p'uk'iklak'a'iyat an Dios. An Dios mala'awnicho'olhi an Cristo chi ilhtulhi li ayi kala'ts'inkalh, pus uxitnan k'iklak'a'iyat ch'i p'akxan'iyat'iti yu ka'ilhtuya an Dios.

1 JUAN 3:23

Chi an ixlamap'a'sin najun li kakiklaka'iwi an isTs'alh, yu junkan Jesucristo, chi li kalamapaynipaxaw tacha yucha kintalhijunin.

1 JUAN 4:11

Kint'ala'awnin, li Dios chuncha kintamapayniyan, kitnan wanajcha chun, kalamapaynipaxaw.

1 JUAN 4:21

An Jesucristo kintaxta'nin ani lhamap'a'sin: Yu mapayniya Dios wachu kamapaynilhi ixt'ala'ajun.