1 CORINTIOS 2:1 - Tepehua Pisaflores

¹ T'ala'awnin, akxni iklakila'kilaw, iklalhixa'alawi an ixchiwinti Dios chi jantu yu sawalhcha lajk'usi chiwinti ikpuchiwinilh yu wa ixjatapast'ak'atchak'an an lapanakni.

1 CORINTIOS 2:1 Kruisverwysings

LOS HECHOS 20:21

An judiojnin chi yu jantu judiojnin ijkajunilhi li katakiklaka'ilhi an Dios chi an kiJamach'alhkatk'an Jesucristo.

LOS HECHOS 22:18

ikla'ts'in an Dios kijuniy: “K'aso'ocha, lasch'a k'at'axt'u an la'acha'an Jerusalén, mu jantu katitakiklaka'ilhi t'ach'a an k'ilhich'iwiniy.”

ROMANOS 16:18

mu yu'uncha jantu yu an kiJamach'alhkatk'an Cristojo tat'atapatsay, yu'uncha wa ix'akstuchak'ani tacha an tanajun, yu'uncha wa tapu'o'xcho'oycha laka lakxlak'anti ixchiwintik'an chi laka lajk'usi ixchiwintik'an an yu wa las takiklaka'iy li tu'u'.

ROMANOS 16:25

Oxi kalhichiwiniw an Dios, yu lay ta'ilhtuyan uxitnan li oxi k'at'a'aklats'uk'ut, tacha an najun an laj'oxi chiwinti yu iklhichiwiniy, chi tacha an masukan yu lhichiwiniy Jesucristo. Ani chiwinti yucha yu sawalh, yu an Dios wa la'asa' lhichiwininta chi ma'ani ixtats'e'ta sta akxni an lakamunulhpa jantuka' ix'alin.

1 CORINTIOS 1:17

Mu an Cristo jantu kilhijuniy li ajkama'paxanalh, yucha kilhijuniy li aklhichiwinilh an laj'oxi chiwinti. Jantu iklhichiwiniy laka lajk'usi chiwinti yu minachalh la ixjatapast'ak'at an lapanak, para li an ixcruz an Cristo jantu kama'ats'an'alhi ix'alhp'asninti.

1 CORINTIOS 1:6

Mu an chiwinti yu lhichiwiniy an Cristo oxicha tasuy la mijatsukuntik'an.

1 CORINTIOS 2:13

Ani laktanlhun, laka chiwinti yu an ixTakuwin Dios kintamasunitani pulakchiwininaw, jantu wa laka chiwinticha yu wa la kijatapast'ak'atchak'an lanitaw. Chunchacha lhilakchiwinaw laka chiwinti yu minachalh la ixTakuwin an Dios.

1 CORINTIOS 2:4

Chi akxni iklalhixa'alaw an ixchiwinti Dios jantu iklapuxa'alaw yu sawalhcha laj'ay chiwinti para li aklama'ankiklaka'iniw. Iklama'ankiklaka'iniw mu yucha Takuwini yu masulh la x'alhp'asninti li an yu iklajuniw sawalh.

1 CORINTIOS 2:7

Yu ikmasuyaw yucha an yu jantu lay la'ts'inkan ixjatapast'ak'at Dios. Ani jatapast'ak'at wa la'asa'a tan t'ajun sta akxni a'taynichalh an lakamunulhpa'. Chi ani ixjatapast'ak'at Dios najun li sawalh kalhitapalaw.

2 CORINTIOS 10:10

Mu ta'alini yu tanajun, an ixcarta sawalhcha laj'alhp'as, pero t'an k'ala'ts'icha tukan yucha jantu k'is tachapun chi an ixchiwinti jantu lhi'asmatniputu.

2 CORINTIOS 11:6

Masi jantu lakaxcha k'usi ikchiwiniy, la kijalakpastaknat ancha k'usi, chi klamasunitawi uxitnan, tamj tamjcha klapumasunitaw.

2 TESALONICENSES 1:10

Chuncha katapasaya anchunu wilhchan akxni an Jamach'alhkat kamincho'oyacha, para li an yu la'stalan'an ixlapanakni ayi katala'ts'ilh chi para li katalhi'a'nilhi ixchuxk'an an yu takiklaka'ilh. Mu uxitnan k'iklak'a'it'iti akxni klajuniw yu ijk'atsayaw.

1 TIMOTEO 1:11

Ani chiwinti yucha an oxi Diosi kilhijuniy li akmasulh.

2 TIMOTEO 1:8

Pus jant'u k'alhimaxani li lhich'iwiniy ixlakata an kiJamach'alhkatk'an, ch'i wach'u jant'u ak'int'amaxan, mu kit'in yucha kima'alhilata. Apalij uxint'i wachu an la ix'alhp'asninti Dios k'alhit'ayanini an la'lhima'alh'ajna tanlhun ixlakata an laj'oxi chiwinti.

1 JUAN 4:14

Chi kitnani la'ts'inaw chi nawnaw li an xaPay mala'achachalhi an isTs'alh para li kama'alhtaxtulhi an lakamunulhpa'.

APOCALIPSIS 1:2

Chi yucha laknawlhcha tani najuncha an ixchiwinti Dios chi tani najuncha an Jesucristo chi chux an tanlhun yu la'ts'ilh.

APOCALIPSIS 1:9

Kit'in Juan, mint'ala'ajunk'an, chi mint'alhtanak'an, mu an Jesús wachu ki'ilhtuyi li aklhitayanilhi an laka lhima'alh'ajna chi an laka lhich'alhkat. An tan wanaj la'atanchanu'ojota xkan lakaat'uni xakt'ajun, tan junkan Patmos, ixlakata an ixchiwinti Dios chi an tacha najun an Jesucristo.

APOCALIPSIS 19:10

Iktatso'ottanilhi la ixjach'aja an angelh para li ayi akla'ts'ilh. Yucha kijuniy: ―Jant'u ch'uni k'alat'i, kit'in wa ikt'atapatsaycha an Dios, tacha uxint'i chi tacha an mijat'ala'awnin yu ixlisawalh tataylhi'an an tacha najun an Jesús. Yucha an Diosi yu ay k'ala'ts'i. Mu tacha an najun an Jesús yu sawalh yucha yu jamachiwiniy an lapanakni yu tanajun an ixchiwinti Dios.