तीतुस 3:2 - राना थारु नयाँ नियम

² कोइको बदनाम नाए करएं; लडाइ करन बारे नाए होमएं; पर दुस्रे आदमीनके दया दिखान बारे होमएं, और सब आदमीनके सँग मिलनसार होमएं।

परमेस्वर को सच्चो वचन

² उनसे कह कि कोई की बुराई ना करैं, बल्किन सांत और मिलनसार होमैं और हमेसा सबके संग नमरता से रहामैं।

तीतुस 3:2 Kruisverwysings

मत्ती 11:29

मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे।

प्रेरित 23:5

तओ पावल कही, “हे मेरे ददाभइयओ, बो प्रधान यहूदी पुजारी हए कहिके मोके पता नाए रहए। काहेकी पबित्र-शास्त्रमे लिखो हए, ‘तए अपन जन्तनको सासकके बारेमे खराबी मत् बुलिए।’”

1 कोरिन्थी 6:10

नए चुट्टा, नए लोभी, नए दरोह, नए बेज्जत करन बारे, नए लुटन बारे कोइ फिर परमेश्वरको राज्यको हकदार नाए हुइहएं।

1 कोरिन्थी 9:19

जाको मतलब जा हए, कि मए आदमीनको आज्ञापालन करनके ताहीं मजबुर नाए हओं। सिर्फ जहेमारे, कि बे मोके तलप देत हएं। तहुँफिर मए हर कोइको नोकर बनिगओ हओं ताकी मए जद्धासे-जद्धा आदमीनके ख्रीष्टमे बिश्वास करनके ताहीं लाओं।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

इफिसियों 4:2

सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

इफिसियों 4:31

सब गलत बात, लडाइ-झगडा और गुस्साके त्यागदेओ। बदनाम मत् करीयओ, सब किसिमके हिंसा करन तुम छोड देबओ।

फिलिप्पी 4:5

सब आदमी तुमर सहनशील स्वाभावके जान जामएं। प्रभु येशू जल्दी आएरहो हए।

1 थेसलोनिकी 2:7

पर जैसे अइया अपने बालकनके पालान पोषण करत हए, अइसियए हम फिर तुमर बीचमे रहिके माया और दया दिखाए हएं।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

याकूब 4:11

हे मेरे बिश्वासी ददाभइयओ, एकदुस्रेके बिरुद्धमे खराब बात मत् बतकाबओ। जौन अपनो भइयाको बिरोध करत हए या भइयाके दोष लगात हए कहेसे बो मोशाको नियम कानुनके बिरोध करत हए। अगर तुम मोशाको नियम कानुनके बिरोध करत हओ कहेसे तुम मोशाको नियम कानुनके पालन करन बारे नाए हुइके मोशाको नियम कानुनके दोष लगान बारे बन्जात हओ।

1 पतरस 2:1

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

1 पतरस 3:10

काहेकी पबित्र शास्त्रमे लिखो हए, “अगर एक आदमी अपनो जीबनको आनन्द लेन चाँहत हए, और अच्छे दिन देखनके चाँहत हए कहेसे, बोके खराब बात करनसे होसियार होन पणैगो और बोके बे बात मस्कनके छोडन पणैगो जो सच्चे नाए हएं।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 पतरस 4:4

जहेमारे तुमर पुराने सँगी अचम्मो मानत हएं, जब तुम बिनके करन बारो दुष्ट कामनमे सामिल नाए होत हओ। बहेमारे बे तुमर बारेमे खराब बात मस्कत हएं।

2 पतरस 2:10

बा पक्कए बे झुठे गुरुनके दण्ड देबैगो, जौन अपनो दुष्ट, लाज लगन बारो इच्छा अनुसार करत हएं और बिनके उपर परमेश्वरको अधिकार भओ इन्कार करत हएं। बे हठी और अहंकारी होत हएं। बे स्वर्गमे भए महिमित प्राणीनके बारेमे अपमान करनके डरात नाए हएं।

यहूदा 1:10

पर परमेश्वरको आराधना नाए करन बारे आदमी नाए बुझी भइ बातके बुराइ करके खराब शब्द प्रयोग करत हएं, और जब बे जंगली जानबर कता ब्यबहार करत हएं और बिना सोँचेसम्झे उनके पता भइ बात करत हएं, तओ परमेश्वर बिनके दण्ड देबैगो।

यहूदा 1:8

जे उदाहरण पता पाएके फिर, परमेश्वरको आज्ञा नाए मानन बारे आदमी दर्शन देखी हएं काहेकी बे उइसीयए पाप करत हएं। बे अपनो शरीरके अशुद्ध बनात हएं, प्रभुको अधिकारके इन्कार करत हएं और स्वर्गमे भए महिमित प्राणीनको बुराई करत हएं।