तीतुस 1:3 - राना थारु नयाँ नियम

³ अब बिरकुल ठिक समयमे, परमेश्वर जा अच्छो समाचारके हमरे अग्गु प्रकट करी, और हम जाको परचार सबके बीचमे करत हएं। परमेश्वर हमर मुक्तिदाता जा आज्ञा दइके, मोके जिम्मेदारी दइ, कि मए बाके ताहीं जा काम करओं।

परमेस्वर को सच्चो वचन

³ और अब सई समय मैं बौ अपने सुसमाचार मैं जाकै प्रकट करी। तभई हमरे उद्धारकर्ता परमेस्वर की आग्या के जरिया मोकै सौंपो गौ, ताकी मैं बाको प्रचार करौं।

तीतुस 1:3 Kruisverwysings

मर्कूस 1:15

येशू कही, “परमेश्वर जौन समय तोकी रहए, बो ढिँगै आइगओ हए। पाप करन छोडके परमेश्वर घेन घुमओ, और अच्छो समाचारमे बिश्वास करओ।”

मर्कूस 13:10

जाके अलाबा, दुनियाको अन्तसे पहिले मिर बारेमे अच्छो समाचार जाति-जातिके आदमीके सुनान पणैगो।

मर्कूस 16:15

तओ येशू उनसे कही, “संसारमे हर ठिहामे जाओ और सब आदमीनके बीच अच्छो समाचार परचार करओ।

लूका 1:47

और मए मिर उद्धार करन बारो परमेश्वरमे आनन्दित हओं,

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 17:26

संसार भर आदमी बैठएं कहिके परमेश्वर एकए आदमीसे सब जातिनके सृष्टि करी और बिनके संसार भर बैठन दइ। बिनको जीइन बारो समय और बैठन बारो ठाउँ बा अग्गुवएसे तोक दइ हए।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

रोमियों 5:6

काहेकी जब हम निर्बल रहएं, तओ ख्रीष्ट ठिक समयमे दुष्ट आदमीनके ताहीं मरो।

1 कोरिन्थी 9:17

मए जा अच्छो समाचार परचार करंगो कहेसे मोके इनाम मिलैगो। पर अगर जामे मिर कोइ इच्छा नाए हए, लेकिन अगर परमेश्वर मोके जा जिम्मेदारी दइ हए, तओ मए इनामको का आसरा कर सकत हओं? मए कोइ फिर इनामको आसरा नाए कर सकत हओं।

गलातियों 4:4

पर जब बो समय आओ जोको योजना परमेश्वर बनाइ रहए, तओ परमेश्वर अपनए अपनो लौंणाके जा संसारमे पठाइ, और एक बैयर बाके जनम दइ, और बा एक यहूदी समुहके रुपमे जन्मो रहए और मोशाको नियम कानुनके पालन करत रहए।

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

इफिसियों 2:17

और ख्रीष्ट आएके, परमेश्वरसे दुर रहे गैर-यहूदीनके और परमेश्वरके ढिँगै रहे यहूदीनके, दुनौ जनैके मेलमिलापको अच्छो समाचार परचार करी।

फिलिप्पी 1:13

हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

1 थेसलोनिकी 2:4

परमेश्वर हमके योग्य समझके अच्छो समाचार सौंपी हए। जहेमारे हम आदमीनके नाए, बल्कि हमर हृदय जानन बारो, परमेश्वरके खुसी करनके ताहीं शिक्षा देत हएं।

1 तिमोथी 1:1

मए, पावल जा चिट्ठीके लिखरहो हओं। हमर मुक्तिदाता परमेश्वर और जौनमे हम आसरा करत हएं बहे येशू ख्रीष्टको अधिकारसे बाको मए एक चुनो भओ चेला हओं।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

1 तिमोथी 2:3

सब आदमीके ताहीं अइसे प्राथना करन सही हए, और हमके उद्धार देन बारो परमेश्वर जाके स्वीकार करत हए।

1 तिमोथी 4:10

हम जा जीबन पानके ताहीं संघर्ष करत हएं और कडी मेहेनत करत हएं काहेकी हम जिन्दा परमेश्वरमे आसरा करत हएं जो सब आदमीनको मुक्तिदाता हए, और खास करके उनको मुक्तिदाता हए, जो बामे बिश्वास करत हएं।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।

तीतुस 2:10

बे चोरी नाए करएं; पर जा साबित करएं, कि बे हमेसा इमान्दार हएं। ताकी आदमी उनके अच्छे ब्यवहारमे ध्यान देमएं, और उनको करोभओ सब कामसे आदमीनके हमर मुक्तिदाता परमेश्वरके बारेमे भओ सन्देशके सुननको इच्छा हुइहए।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

प्रकाश 14:16

जहेमारे बादरमे बैठो आदमी अपनो हसियासे काटन सुरु करी और बो पुरा पृथ्वीमे बाली कटनी करी।