रोमियों 7:6 - राना थारु नयाँ नियम

⁶ पर हम अब बो नियम कानुनके ताहीं मरिगए हएं जौन एकचोटी हमके बन्दी बनाएलै रहए, और अब हम नियम कानुनसे छुटीगए हएं, ताकी बाकी आत्माकी आज्ञा मानके अब हम परमेश्वरको सेवा नयाँ तरिकासे कर सकएं, नाएकी पुरानो तरिकासे, जोमे लिखो भओ बातके पालन करनके पणत होबए।

परमेस्वर को सच्चो वचन

⁶ अब, हालाकि जोके बंधन मैं हम भँदे रहैं बाके ताहीं मर कै, अब नियम से ऐसे करकै छुट गै, कि लिखी भइ पुरानी रीत मैं नाय, बल्किन आत्मा की नई रीत से।

रोमियों 7:6 Kruisverwysings

रोमियों 1:9

परमेश्वर जौनको सेवा मए अपने पुरे दिलसे बाको लौंणाके बारेमे आदमीनके अच्छो समाचार सुनानके ताहीं करत हओं। परमेश्वर मिर गवाही हए, कि मए अपनी प्राथनामे तुमके रोज याद करत हओं।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

रोमियों 6:11

अइसियए तुम फिर अपनएके पापके शक्तिके ताहीं मरे भए, पर ख्रीष्ट येशूमे परमेश्वरको सेवा करनके ताहीं जीइत हओ, करके सम्झओ।

रोमियों 6:19

मए एक साधारण उदाहरणके इस्तमाल करके बतात हओं। जैसे तुम, अपने शरीरके अंगके अशुद्धता और अधर्म कामके ताहीं सौँपे गए रहओ, उइसीयए अब अपने अंगके पबित्रताके ताहीं धर्मी जीबन जिनन्के ताहीं सौँप देओ।

रोमियों 6:2

नाए! बिरकुल नाए! हम पापके ताहीं मरिगए हएं, जहेमारे हमए लगातार पापमय काम करनके नाए चाहो।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

रोमियों 7:1

हे मेरे ददाभइयओ, तुम जानत हओ, कि मए जा बात नियम कानुन जानन बारेनसे कहानडटो हओं। जब तक आदमी जिन्दा रहात हए तबसम इकल्लो आदमीमे नियम कानुनको अधिकार लागु होत हए।

रोमियों 7:2

उदाहरणके ताहीं, एक बेहा भइ बैयर बोको लोगा जिन्दा होनतक अपन लोगा सँग कानुनी रुपमे बँधी होत हए, पर अगर बक लोगा मरिगओ कहेसे लोगा सँगको नियम कानुनसे बो मुक्त हुइजात हए।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

इफिसियों 4:24

और बा तुमके एक नयाँ आदमी बनाइ हए। जा नयाँ आदमीके परमेश्वर कता होनके ताहीं बनाओ गओ हए, अर्थात् बोके नेहात्तओकमे धर्मी और पबित्र होनके ताहीं बनाओ गओ हए।

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।