प्रकाश 9:21 - राना थारु नयाँ नियम

²¹ उनको हत्या करन बारो, मन्तुर करन बारो, व्यभिचार करन बारो और चोरी करन बारो काम छोडके परमेश्वर घेन नाए घुमीं।

परमेस्वर को सच्चो वचन

²¹ और बे जो हत्या, और टोना, और व्यभिचार, और चोरी, करी रहैं, उनसे मन ना फिराईं।

प्रकाश 9:21 Kruisverwysings

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

गलातियों 5:20

बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

प्रकाश 13:13

और दुस्रो राक्षस बडो और शक्तिशाली चमत्कारको चिन्हा दिखाइ, और आदमी बो चमत्कारके देखत पेती स्वर्गसे आगी पृथ्वीमे गिरो।

प्रकाश 13:15

दुस्रो राक्षसके परमेश्वरके द्वारा पहिलो राक्षसको मूर्तिके बनाएके बोके जिन्दा करनको अनुमति दओगओ रहए, ताकी राक्षसको मूर्ति बोल पाबए। और बे आदमीनके मरबाए डारए, जो बो राक्षसको मूर्तिके आराधना नाए करत हएं।

प्रकाश 13:7

राक्षसके अपने बारेमे घमण्डको बात करनको अधिकार दओगओ, ताकी पबित्र आदमीनसे लडए, और उन्हएं हराए देबए। और बोके संसारके हर जाति, कुल, राष्ट्र और भाषाके आदमीनमे अधिकार दओगओ।

प्रकाश 14:8

हुवाँ एक औ स्वर्गदूत रहए, जो पहिलो स्वर्गदूतके अइसे कहात पिच्छु लग्गओ, “अब जा नाश हुइगओ हए। बेबिलोनको सहर बहुत नाश हुइगओ। बो सब आदमीनके अपनो दारुसे दरोहा बनाइ, जा कहानको मतलब जा हए, कि बो सब मानब जातिके बहुत खराब ब्यबहार करन सिखाइ। काहेकी बो बिनके मूर्तिपुजा करन सिखाइ।”

प्रकाश 16:6

काहेकी बे तुमर आदमीनके और अगमबक्तनके मारी रहएं और बिनको खुन बहाइ रहएं, जहेमारे अब तुम बिनके खुन पिनके दए, जा बिनके ताहीं इनामके रुपमे ठिक हए।”

प्रकाश 17:2

बोके सँग पृथ्वीके राजा व्यभिचार करी रहएं और बो सारा मानब जातिनके अपन जाण-दारुमे दरोहा बनाए दइ। जोको मतलब जा हए, कि बोको ब्यबहार गजब खराब हए, जौन ब्यबहार बो सरा मानब जातिनके सिखाइ हए।

प्रकाश 17:4

बो बैयर बैजनी और लाल रंगको चमकन बारो कपडा लागए रहए। बो अपनी शरीरके सोनोको गहना, महिंगो पत्थर और महिंगो मोतिसे सजाए रहए। अपने दहिना हातमे बो दारुसे भरो भओ एक सोनोको कटोरा पक्णे रहए, जो घिनौनो काम और खराब यौन ब्यवहारके जनात हएं।

प्रकाश 17:5

बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

प्रकाश 18:3

जा जाकेमारे होबैगो, काहेकी बो बैयर जोकी बेबिलोन सहर हए, हर एक राज्यके सब जातिनके बो दारु पिबाइ, जोकी बक मूर्तिनको पुजा हए। सारा पृथ्वीको राजा बक घिनौने काममे सामिल भए हएं। पृथ्वीके ब्यपारी बो बैयरकी महिंगी-महिंगी चिजनकी इच्छनके कारण धनी बनिगए हएं।”

प्रकाश 19:2

बाको प्रसंसा करओ काहेकी बाके सब इन्साफ सत्य हएं। बा महा वेश्याके दण्ड दइ हए, काहेकी बो संसारके आदमीनके पाप करन लगाइ, और फिर परमेश्वर बोको खुनको बद्ला लइ, काहेकी बाके दास बो बैयर द्वारा मारे गए।”

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

प्रकाश 9:20

और बाँकीके आदमी, जो बे हानिकारक घोडनके द्वारा नाए मारे गए, बे अपनी सोनो, चाँदी, पितर, पत्थर और लकणीकी मूर्तिके पुजा करनके नाए छोडीं, जो बे बनाइ रहएं। जे मूर्ति नए देख पातहएं, नए सुनपात हएं और नए नेँगपात हएं। बे भुतनके फिरसे आराधना करनके नाए छोडीं।