प्रकाश 7:15 - राना थारु नयाँ नियम

¹⁵ जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।

परमेस्वर को सच्चो वचन

¹⁵ जौ बजह से बे परमेस्वर के सिंहासन के सामने ठाड़कै बाके मंदिर मैं रात-दिन बाकी आराधना करथैं। जो सिंहासन मैं बैठो है, बौ अपनी हजूरी से उनकी रक्छा करैगो।

प्रकाश 7:15 Kruisverwysings

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

2 कोरिन्थी 6:16

मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 8:1

अब हमके कहान बारी बात जहेहए: हमर फिर अइसे प्रधान यहूदी पुजारी हएं, जो स्वर्गमे महान परमेश्वरको सिंहासनके दहिना घेन स्वर्गमे उच्च आदरको ठाउँमे बैठे हएं।

प्रकाश 11:19

और परमेश्वरको पबित्र मन्दिर जो स्वर्गमे हए, बो खोलो गओ, और बाको मन्दिरमे बाके करारको सन्‍दुक दिखाओगओ, तओ सिंहासनमे बिजुली चमको, बद्रि तड्कनको अबाज और हलाचला आओ और बहुत पत्थर बारो मेँहे बर्षो।

प्रकाश 13:6

और राक्षस परमेश्वरके बदनाम करन सुरु करी, बो बाके नाउँके बिरुद्ध, और बो ठिहाके बिरुद्ध मस्की जहाँ परमेश्वर रहात हए अर्थात् स्वर्गके। और बे सब आदमीनके बिरुद्ध मस्की, जो स्वर्गमे रहात हएं।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।

प्रकाश 22:3

परमेश्वरके सरापमे भओ कोइ फिर आदमी या चीज बो सहरमे नाए होमंगे। परमेश्वर और थुमाको सिंहासन सहरमे हुइहए, और बाके दास बाको आराधना करंगे।

प्रकाश 22:5

हुवाँ फिरसे कभी रात नाए हुइहए, और जो आदमी हुवाँ रहात हएं, बिनको डगर उजियारो करनके ताहीं दियाको कोइ जरुरत नाए हुइहए। नए बिनके उजियारो देनके ताहीं सूर्यको जरुरत हुइहए, काहेकी परमेश्वरए आदमीनके उजियारो देतहए। और जे आदमी जो हुवाँ बैठत हएं सदामानके ताहीं राज्य करंगे।

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।

प्रकाश 4:8

बे चारौ जिन्दा प्राणीनके छय-छय पखना रहएं और बे पखनाके बाहेर और भितर दुनौ घेन आँखीसे भरे रहएं। रातदिन बे अइसे कहातए गात रहात रहएं, “पबित्र, पबित्र, पबित्र परमप्रभु सर्बशक्तिमान परमेश्वर, बा बहे परमेश्वर हए जो समयकी सुरुवातसे लैके अबतक और हमेसाके ताहीं नाए बद्लत हए।”

प्रकाश 4:9

जो सिंहासनमे बैठो हए, बा बहे हए जो सदादिन जिन्दा रहात हए। जब फिर चार जिन्दा प्राणी बाके महिमा, आदर और धन्यबाद देत हएं, तओ चौबिस धर्मगुरु बाके अग्गु घुपटा पणतहएं, और बाकी आराधना करत हएं। बे अइसे कहात सिंहासनके अग्गु अपने-अपने मुकुट धरदेत हएं:

प्रकाश 7:9

जाके पच्छु मए देखो, कि आदमीनको एक इतनी बणी भिड रहए, कि कोइ फिर बे सबके नाए गिनपैतो। बे संसारके हर जाति, कुल, राष्ट्र और भाषासे रहएं। बे सिंहासन और थुमाके ठिन ठाणे रहएं। बे सेतो लत्ता पैँधे रहएं और सबए आदमी अपने-अपने हातमे, खजुरिक हँगा पक्णे रहएं, जोकी सम्मानको चिन्हा रहए।