प्रकाश 3:7 - राना थारु नयाँ नियम

⁷ येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

परमेस्वर को सच्चो वचन

⁷ “फिलदिलफिया की कलीसिया के दूत कै जौ लिख: पवित्र और सच्चाई के घाँईं से जौ संदेस है। बाके झोने बौ चाबी है जो दाऊद की है, और जब बौ फाटक खोलथै, तौ कोई बाकै बंद नाय कर सकथै, और जब बौ बंद कर देथै, तौ कोई बाकै खोल नाय सकथै।

प्रकाश 3:7 Kruisverwysings

मत्ती 16:19

मए तुमके स्वर्गको राज्यको चाभी देमंगो। जो तुम पृथ्वीमे बाँधैगे, सो स्वर्गमे बँधजाबैगो, और जो तुम पृथ्वीमे खोलैगे, सो स्वर्गमे खुलजएहए।”

मत्ती 24:35

बादर और पृथ्वी खतम हुइजएहए, पर मिर कहो बचन सदामानके ताहीं रहाइगो।”

मर्कूस 1:24

बो अइसे कहात चिल्लान लागो, “हे नासरत गाउँको येशू, तुम हमके काहे परेसान करत हओ? का तुम हमके सत्यानाश करन आए हओ। मए तुमके चिनत हओं, तुम परमेश्वरको पबित्र सेवक हओ, जो परमेश्वरके घेनसे हओ।”

लूका 1:32

बा महान होबैगो, और परमप्रधानको लौंणा कहोजाबैगो, और परमप्रभु परमेश्वर बाके बक पुर्खा, राजा दाऊद जैसो राजा बनाबैगो।

लूका 4:34

“हे नासरत गाउँको येशू, तुमसे हमर का काम? का तुम हमके सत्यानास करन आए हओ? मए तुमके चिन्हत हओं, तुम परमेश्वरको पबित्र सेवक हओ।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

प्रेरित 3:14

पर तुम येशूके अस्वीकार करे, जो पबित्र और धर्मी रहए। और तुम चाहे, कि एक ज्यानमाराके तुमर ताहीं छोडो जाए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 16:7

फिरसे मए बेदीसे कोइके मस्कत सुनो, “हाँ, सर्बशक्तिमान परमप्रभु परमेश्वर, नेहात्तओ तुमर आदमीनको सजाय देन बारो तरिका ठिक और सत्य हए।”

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 19:2

बाको प्रसंसा करओ काहेकी बाके सब इन्साफ सत्य हएं। बा महा वेश्याके दण्ड दइ हए, काहेकी बो संसारके आदमीनके पाप करन लगाइ, और फिर परमेश्वर बोको खुनको बद्ला लइ, काहेकी बाके दास बो बैयर द्वारा मारे गए।”

प्रकाश 2:1

येशू मोसे अइसेफिर कही, “एफिसस सहरके मण्डलीके स्वर्गदूतके जा सन्देश लिख: मए बहे हओं, जो सात ताराके अपने दहिना हातमे लएहओं, और सात सोनोके दियनके बीचमे नेँगत हओं। जो मए तोसे कहात हओं बोके सुन:

प्रकाश 21:5

सिंहासनमे बिराजमान होन बारो मोसे कही, “देख, मए सब बात नयाँ बनामंगो।” बा अइसेफिर कही, “जा लिख, जो मए कहात हओं बोमे तए बिश्वास कर सकत हए। जे बात सत्य हएं और नेहात्तओ होमंगी।”

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन:

प्रकाश 4:8

बे चारौ जिन्दा प्राणीनके छय-छय पखना रहएं और बे पखनाके बाहेर और भितर दुनौ घेन आँखीसे भरे रहएं। रातदिन बे अइसे कहातए गात रहात रहएं, “पबित्र, पबित्र, पबित्र परमप्रभु सर्बशक्तिमान परमेश्वर, बा बहे परमेश्वर हए जो समयकी सुरुवातसे लैके अबतक और हमेसाके ताहीं नाए बद्लत हए।”

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

प्रकाश 6:10

और बे अइसे कहिके जोडसे चिल्लात परमेश्वरसे कहीं, “हे सर्बशक्तिमान पबित्र और सत्य प्रभु; तुम पृथ्वीमे रहान बारे बे बुरे आदमीनके दण्ड देनमे इत्ना लम्बो आसरा काहे करत हओ? हम बिन्ती करत हएं कि तुम बे आदमीनको खुनको बदला लेए जौन हमएं मारडारीं।”