प्रकाश 22:6 - राना थारु नयाँ नियम

⁶ जाके पिच्छु स्वर्गदूत मोसे कही: “पहिले बताइ भइ बात सब सच्चे हएं और नेहात्तओ होबैगो। प्रभु परमेश्वर जौन अपनो आत्मा सबए अगमबक्तनके दइ। परमेश्वरए हए, जौन अपनो स्वर्गदूतके आदेश दइ, कि बा अपन सेवकनके जा दिखानके ताहीं हियाँ पठाइ, जो जल्दीयए होन बारो हए।”

परमेस्वर को सच्चो वचन

⁶ फिर स्वर्गदूत मोसे कही, “जे बचन सच्चे हैं और इनमैं बिस्वास करो जा सकथै। और प्रभु परमेस्वर, जो भविस्यवक्तन की आत्मन को परमेस्वर है, अपने स्वर्गदूत कै इसलै भेजी कि अपने सब सेवकन कै बे बातैं, जिनको जल्दिये पूरो होनो जरूरी है दिखाबै।”

प्रकाश 22:6 Kruisverwysings

मत्ती 13:41

मए, आदमीको लौंणा अपन स्वर्गदूत पठामंगो, और बे पाप करन लगान बारे हरएक कारणके और दुष्ट काम करबान बारे सबएके परमेश्वरको राज्यसे हटाएदेमंगे।

लूका 1:70

बहुत पहिले, प्रभु अपन पबित्र अगमबक्तासे कही, कि बा हमके हमर शत्रुसे और बे सब शक्तिसे उद्धार करैगो, जौन हमसे घिणना करत हएं।

लूका 16:16

जब तक बप्तिस्मा देन बारो यूहन्ना आओ, तबतक मोशाको नियम कानुन और अगमबक्ता तुमके डगर देखन बारे रहएं। पर अब परमेश्वरको राज्यको अच्छो समाचार परचार भओ हए, और हरकोइ भितर जानके ताहीं उत्सुक हएं।

प्रेरित 12:11

जब पत्रुसको होस खुलो, तओ बो का भओ हए कहिके स्पष्टसे पता पाइ। तओ बो कही, “परमेश्वर नेहात्तओ अपनो स्वर्गदूत पठाइ रहए। बा मोके राजा हेरोदके अधिकारसे और यहूदी अगुवा जो करन चाँहत रहएं बे सबसे मोके छुटकारा दइ।”

प्रेरित 3:18

ख्रीष्टके दुख भोगन पणैगो और मरन पणैगो करके परमेश्वर सब अगमबक्तनके द्वारा जा बातके सत्य करके दिखाइ हए।

रोमियों 1:2

येशू जा संसारमे आनसे बहुत पहिले, परमेश्वर प्रतिज्ञा करी रहए, कि बा पबित्र-शास्त्रमे लिखो भओ बातके अगमबक्तनके द्वारा जा अच्छो समाचारके खुलासा करैगो।

1 कोरिन्थी 14:32

अगमबक्ताके अपने बरदानके काबुमे करन चाहो।

1 कोरिन्थी 7:29

हे मेरे बिश्वासी ददाभइयओ, मए जा कहात हओं, कि जा संसारमे हमरे ठिन जद्धा समय नाए हए, बहेमारे तुमरी बैयर हए या नाए हए, जाके बारेमे जद्धा परेसान मतहोबओ। लेकिन प्रभुको सेवा करनके बारेमे सोँचत रहाओ।

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

हिब्रू 12:9

और हमर शारीरिक दौवा फिर हमके सजाय दइ और हम बोको आदर करे। जहेमारे हमर आत्मिक दौवाके अधिनमे बैठन औ जद्धा महत्वपूर्ण हए, ताकी हम जीबन पाए सकएं।

2 पतरस 1:21

काहेकी कोइ फिर भबिष्यबाणी कभु फिर आदमीसे नाए आओ। पबित्र आत्मा अगमबक्तनको मनके चलाइ, और बे परमेश्वरको सन्देशके आदमीनके बताइं।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”

प्रकाश 21:5

सिंहासनमे बिराजमान होन बारो मोसे कही, “देख, मए सब बात नयाँ बनामंगो।” बा अइसेफिर कही, “जा लिख, जो मए कहात हओं बोमे तए बिश्वास कर सकत हए। जे बात सत्य हएं और नेहात्तओ होमंगी।”

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”

प्रकाश 22:1

तओपिच्छु स्वर्गदूत मोके एक नदिया दिखाइ जोमे जीबनको पानी रहए। पानी सफा सिसा कता चम्कत रहए। जा पानी परमेश्वर और थुमाको सिंहासनसे बहात रहए।

प्रकाश 22:16

मए येशू, अपनो स्वर्गदूतनके तुमर ठिन मण्डलीके ताहीं जा गवाही देन पठाओ हओं, जो परमेश्वरको आदमीनको समुहसे हएं। मए दाऊद राजाको जर हओं। मए बहे हओं, जौनके सुबेरेको तारा अर्थात् सबसे जद्धा चम्कन बारो तारा कहोजात हए।”

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 4:1

जे सब घटना होनके बाद मए, यूहन्ना देखो, कि स्वर्गमे एक फाटक खुलो रहए। तओ मए फिर बहे अबाज सुनो जो तुरहीको अबाज कता मोसे मस्कनडटो रहए। बो मोसे कही: “मेरे ठिन हियाँ उपर आ, और अब जाके पच्छु जो होबैगो बहे मए तोके दिखामंगो।”