प्रकाश 21:3 - राना थारु नयाँ नियम

³ तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।

परमेस्वर को सच्चो वचन

³ मैं सिंहासन से ऊँची अबाज से बोलत भइ सुनो: “परमेस्वर के घर मैं रहन बारी जघा अब लोगन के बीच है! बौ उनके संग रैहगो, और बे बाके लोग होंगे, और परमेस्वर खुद उनके संग रहगो; और बौ उनको परमेस्वर होगो।

प्रकाश 21:3 Kruisverwysings

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

2 कोरिन्थी 6:16

मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

1 थेसलोनिकी 3:11

हम प्राथना करत हएं, कि हमर दौवा परमेश्वर और हमर प्रभु येशू ख्रीष्ट तुमसे भेँट करनके ताहीं डगर तयार करए।

हिब्रू 11:16

पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

हिब्रू 8:10

फिरसे परमप्रभु कहात हए, कि आन बारो दिनमे मए इस्राएल देशके आदमीनके सँग जा करार बाँधंगो, मए बिनके मिर नियम कानुनके बारेमे सोँचन बारे बनामंगो, और बे बोके अपने मनमे धरंगे, और मए बिनको परमेश्वर होमंगो, और बे मेरे आदमी हुइ जामंगे।

हिब्रू 8:2

आदमीनके नाए, पर परमप्रभुको खडा करोभओ पबित्र ठाउँ जो स्वर्गमे हए, साँच्चो पबित्र बासस्थानमे बा सेवक होत हए।

प्रकाश 10:4

जब सातौँ गर्जनके अबाज सुनाइ दइडारी, तओ जो मए सुनो बो लिखनके ताहीं तयार रहओं। पर मए स्वर्गसे जा अबाज सुनो, “जो गर्जन कही हए, बोके गुप्तमे धर, जे बातनके मत् लिखए।”

प्रकाश 10:8

तओ मए फिरसे बो अबाज सुनो, जौन स्वर्गसे मोसे बात करी रहए। अबाज मोसे कही, “जा, बो खलरीको चिट्ठीके लैले जो स्वर्गदूतके हातमे खुली हए, जो समुन्दर और जमिनमे ठाणो हए।”

प्रकाश 12:10

फिर मए स्वर्गसे जा बडो सब्द आत सुनो, “अब हमर परमेश्वर अपने आदमीनके बचाबैगो! अब बा अपनो शक्तिके इस्तमाल करैगो और राजाके रुपमे राज्य करैगो! अब बोको ख्रीष्ट संसारमे अपनो अधिकारको दाबी करैगो! काहेकी रातदिन हमर बिश्वासी ददाभइयनके दोष लगातए शैतान अब हमर परमेश्वरको उपस्थितिमे नाए ठाणैगो। बोके स्वर्गसे बाहिर फेँको गओ हए।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।

प्रकाश 22:3

परमेश्वरके सरापमे भओ कोइ फिर आदमी या चीज बो सहरमे नाए होमंगे। परमेश्वर और थुमाको सिंहासन सहरमे हुइहए, और बाके दास बाको आराधना करंगे।

प्रकाश 7:15

जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।