प्रकाश 2:14 - राना थारु नयाँ नियम

¹⁴ पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

परमेस्वर को सच्चो वचन

¹⁴ लेकिन कुछ बात हैं जो तेरे विरुद्ध कहने है: तुम मैं से कित्ते हैं जो बिलाम की सिक्छा मैं चलथैं, जो राजा बालक के अग्गु ठोकर खानो सिखाई, कि कैसे करकै इस्राएलियन की मूर्तियन मैं बलि चढ़ाई गई चीज खामैं, और छिनरइपना की राह मैं चलैं।

प्रकाश 2:14 Kruisverwysings

मत्ती 18:7

धिक्कार हए जा दुनियाके! काहेकी जा दुनियामे त आदमीनके पापमे फसान बारी बातहएं। अइसे बात आइयए जात हएं, पर धिक्कार हए बो आदमीके जौन अपनएके पापमे फसात हए।

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

प्रेरित 21:25

पर गैर-यहूदी और बिश्वास करिहएं, बे मूर्तिके बलि चढाओ भओ चीज नाए खामएं, जानबरको खुन नाए खामएं, घेँट अमेठके मारो भओ जानबरको बुट्टी नाए खामएं और व्यभिचारसे अलग रहामएं कहिके हम चिट्ठीमे लिखेहएं।”

रोमियों 11:9

और राजा दाऊद कहात हए, “जारमे पणो भओ चिरैयाँ या गड्डामे पणो बर्धा कता, बे भोजमे भएबेरा अचानक फसएं, ताकी बे ठिक सजाय पामएं।

रोमियों 14:13

जहेमारे अब हम एकदुस्रेके दोष नाए लगाएं, पर जा पक्का करओ, कि पाप करन या परमेश्वरके उपर भरोसा बन्द करनके ताहीं एक औ बिश्वासीको कारण नाए बन्त हए।

रोमियों 14:21

उचित त जा होबैगो, कि बुट्टी मत् खाओ, दारु मत् पिइयओ और कोइ अइसो काम मत् करियओ जोसे तुमर सँगी बिश्वासीके पाप करन लगात हए।

रोमियों 9:32

जा कैसे हुइसकत हए? काहेकी बे बिश्वाससे नाए, पर भले कामसे परमेश्वरमे सही बनन्के कोसिस करत रहएं, बे ख्रीष्टके कारण अपमानित भए, जोके बहे पत्थरसे तुलना करोजाए सकत हए जो आदमीनके ठेस देतहए?

1 कोरिन्थी 1:23

पर हम जा परचार करत हएं, कि ख्रीष्ट हमके हमर पापसे छुटकारा देनके ताहीं क्रूसमे मरो। यहूदीनके ताहीं जा ठेस लगन बारो बात भओ और गैर-यहूदीनके ताहीं जा मुरख बात ठहिरो।

1 कोरिन्थी 7:2

पर व्यभिचारके परीक्षामे पणके अनैतिक कामनके करन बहुत सजिलो बात हए। मए जा सल्लाहा देत हओं, कि हर लोग बेहा करलेमएं और अपनी बैयरके साथ इमान्दार रहाएं।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

2 पतरस 2:15

बे ठिक काम करन बन्द करदइ हएं, और बे बहे गलत काम करन सुरु करी हएं, जो बओरके लौंणा बालाम बहुत समय पहिले करी रहए। बो गलत काम करके रुपैया कमानके मन पणाइ।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।

प्रकाश 2:20

पर तिर बिरुद्धमे मिर जा गुनासो हए: तए बो बैयर ईजेबेलके झुठो शिक्षा फैलान देतहए। बो कहात हए, “मए एक अगमबक्ता हओं” पर बक शिक्षा मेरे आदमीनके यौन पापमे भाग लेन और मूर्तिके बलि चढाओ भओ खानु खान लगात हए।

प्रकाश 2:4

पर तिर बिरुद्धमे मिर जा गुनासो हए: अब तए मोसे उइसे प्रेम नाए करत हए जैसो प्रेम तए मोसे तओ करत रहए जब तए सुरुको चोटी मोएमे बिश्वास करो रहए।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।