प्रकाश 18:23 - राना थारु नयाँ नियम

²³ फिरसे कभी फिर आदमी तोएमे एक दियाको उजियारोके चम्कत नाए देखंगे। फिरसे कभी फिर बेहा होन बारे एक लोग और बैयरकी अबाज नाए सुनंगे। हुवाँके ब्यपारी पुरे संसारमे सबसे शक्तिसाली रहएं। और संसारके सब जाति हुवाँके जादुगरनसे छले गए।

परमेस्वर को सच्चो वचन

²³ फिर कभी तुम मैं दिया की जोती न दिखाई देगी; फिर तेरे मैं दुल्हा और दुल्हेन की अबाज ना सुनाई देगी। तेरे सौदागर पूरे दुनिया मैं सबसे सक्तिसाली रहैं, और तैं अपने झूठे जादू से देस के सब लोगन कै धोका दौ!”

प्रकाश 18:23 Kruisverwysings

प्रेरित 8:11

बहुत समय पहिलेसे आदमीनके अपनो जादुसे अचम्मो पणाए रहए, जहेमारे बे बोके बहुत मान्त रहएं।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 17:2

बोके सँग पृथ्वीके राजा व्यभिचार करी रहएं और बो सारा मानब जातिनके अपन जाण-दारुमे दरोहा बनाए दइ। जोको मतलब जा हए, कि बोको ब्यबहार गजब खराब हए, जौन ब्यबहार बो सरा मानब जातिनके सिखाइ हए।

प्रकाश 17:5

बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

प्रकाश 18:22

हे बेबिलोन सहर, तोएमे फिरसे कभी फिर बिणा बजान और गीत गानको स्वर सुनाइ नाए देबैगो। हुवाँ बसुली या तुरही बजाओ भओ सुनाइ नाए देबैगो। अइसियए कोइ फिर अच्छो कारिगर नाए होबैगो। और चकिया पिसनको अबाज फिर सुनाइ नाए देबैगो।

प्रकाश 18:3

जा जाकेमारे होबैगो, काहेकी बो बैयर जोकी बेबिलोन सहर हए, हर एक राज्यके सब जातिनके बो दारु पिबाइ, जोकी बक मूर्तिनको पुजा हए। सारा पृथ्वीको राजा बक घिनौने काममे सामिल भए हएं। पृथ्वीके ब्यपारी बो बैयरकी महिंगी-महिंगी चिजनकी इच्छनके कारण धनी बनिगए हएं।”

प्रकाश 18:9

बो सहरसे व्यभिचार करन बारे और बो सहरमे सुख-बिलासमे रमान बारे धर्तीके राजा, बो जलो भओ धुवाँ देखके बोके ताहीं रोमंगे और बिलौना करंगे।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

प्रकाश 22:5

हुवाँ फिरसे कभी रात नाए हुइहए, और जो आदमी हुवाँ रहात हएं, बिनको डगर उजियारो करनके ताहीं दियाको कोइ जरुरत नाए हुइहए। नए बिनके उजियारो देनके ताहीं सूर्यको जरुरत हुइहए, काहेकी परमेश्वरए आदमीनके उजियारो देतहए। और जे आदमी जो हुवाँ बैठत हएं सदामानके ताहीं राज्य करंगे।

प्रकाश 6:15

परिमाण स्वरूप, पृथ्वीसे सब आदमी, जौनमे राजा, सासक, सेनापति, धनी, अधिकारी, हर एक कमैया और जो आदमी गुलामी नाए करत हएं और औ सबए आदमी पहाडके गुफा और चट्टानमे लुकिगए;

प्रकाश 9:21

उनको हत्या करन बारो, मन्तुर करन बारो, व्यभिचार करन बारो और चोरी करन बारो काम छोडके परमेश्वर घेन नाए घुमीं।