प्रकाश 17:5 - राना थारु नयाँ नियम

⁵ बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

परमेस्वर को सच्चो वचन

⁵ और बाके माथे मैं एक ऐसो नाओं लिखो रहै जोको एक छिपो भौ मतलब है: “महान बेबीलोन, दुनिया की सब वैस्यन और असुद्ध चीजन की अईय्या।”

प्रकाश 17:5 Kruisverwysings

फिलिप्पी 3:19

बिनको अन्त बिनाश हए, और बे शरीरको इच्छाके पुरा करनके ताहीं इकल्लो जीइत हएं। बे सरम लागन बारो काम करनके बारेमे घमण्ड करत हएं और बे हमेसा पृथ्वीके चीजके बारेमे सोँचत रहात हएं।

2 थेसलोनिकी 2:7

काहेकी बो दुष्ट आदमीको शक्ति संसारमे गोप्य रुपमे काम कररहो हए। पर हुवाँ एक हए, जो दुष्ट कामको शक्तिके रोक रहो हए। तबतक परमेश्वर दुष्ट आदमीके रोके रएहए, जब तक दुष्टके जा डगरसे नाए हटाव जएहए।

प्रकाश 1:20

अब मए बतामंगो, कि मेरे दाहिना हातके सात ताराको अर्थ का हए, और सोनोके सात दियाको अर्थ का हए, जोकी पहिले कोइके पता नाए रहए। जाको अर्थ जा हए: सात दिया सात मण्डली हएं, और बे सात तारा सात मण्डलीक स्वर्गदूत हएं।

प्रकाश 11:8

बे दुई साक्षीन्के मार डारनके पिच्छु, उनको लहासके हुवएं, बो बडो सहरको डगरमे छोडदओ जाबैगो, जहाँ उनको प्रभुके क्रूसमे चढाओगओ रहए। बो सहरके उदाहरणके रुपमे “सदोम सहर” या “मिश्रदेश” कहोजात हए, काहेकी हुवाँके आदमी बहुत दुष्ट हएं, बे आदमीन कता जो सदोम और मिश्रदेशमे रहात हएं।

प्रकाश 14:8

हुवाँ एक औ स्वर्गदूत रहए, जो पहिलो स्वर्गदूतके अइसे कहात पिच्छु लग्गओ, “अब जा नाश हुइगओ हए। बेबिलोनको सहर बहुत नाश हुइगओ। बो सब आदमीनके अपनो दारुसे दरोहा बनाइ, जा कहानको मतलब जा हए, कि बो सब मानब जातिके बहुत खराब ब्यबहार करन सिखाइ। काहेकी बो बिनके मूर्तिपुजा करन सिखाइ।”

प्रकाश 16:19

बेबिलोनको बडो सहर तीन भागमे अलग हुइगओ, और जाति-जातिके आदमीनको सहर नष्ट भए। काहेकी परमेश्वर बो पुरा करी, जौनके बा बेबिलोनके आदमीनके दण्ड देनके बारेमे प्रतिज्ञा करी रहए। जाके परमेश्वरके तरफसे बडो दण्ड दओ जाबैगो। जा अइसियए होबैगो, जैसे बे बिना पानी मिलाओ भओ दारु पिलैहएं। जौनके परमेश्वर अपनए बो कटोरासे अख्नाइ हए, जो बाको क्रोधके जनात हए।

प्रकाश 17:1

बे सात कटोरा लेन बारे स्वर्गदूत मैसे एक जनै मेरे ठिन आएके कही, “इतए आ, मए तोके दिखामंगो कि परमेश्वर कैसे बो महा वेश्याके दण्ड देबैगो, जो एक अइसो ठिहामे बैठतहए जहाँ बहुत नदिया हएं।”

प्रकाश 17:2

बोके सँग पृथ्वीके राजा व्यभिचार करी रहएं और बो सारा मानब जातिनके अपन जाण-दारुमे दरोहा बनाए दइ। जोको मतलब जा हए, कि बोको ब्यबहार गजब खराब हए, जौन ब्यबहार बो सरा मानब जातिनके सिखाइ हए।

प्रकाश 17:7

तओ बो स्वर्गदूत मोसे कही, “अचम्मो मत् मानए। बो बैयर और बोके बोकन बारो सात मुण और सिंह भओ राक्षसको रहस्य मए तोके बतामंगो।

प्रकाश 18:2

बो शक्तिशाली अबाज निकारके अइसे कही: “अब नाश हुइगओ! बेबिलोनको बो प्रख्यात सहर अब नाश हुइगओ। आज हर मेलके भुत हुवाँ रहानके ताहीं चले जामंगे, और जा अशुद्ध और घृणित राक्षसको बासस्थान होबैगो।

प्रकाश 18:21

जाके पिच्छु एक शक्तिशाली स्वर्गदूत बडो चकिया जैसो एक पत्थर उठाइ, और अइसे कहिके बोके समुन्दरमे फेँकी, “जैसी जा पत्थर समुन्दरमे फेकोजात हए, और फिरसे जा नाए मिलैगो। उइसियए, बडो सहर बेबिलोन फिर एकए चोटीमे नास हुइ जाबैगो, और जा दुबरा नाए बनोजबैगो।

प्रकाश 19:2

बाको प्रसंसा करओ काहेकी बाके सब इन्साफ सत्य हएं। बा महा वेश्याके दण्ड दइ हए, काहेकी बो संसारके आदमीनके पाप करन लगाइ, और फिर परमेश्वर बोको खुनको बद्ला लइ, काहेकी बाके दास बो बैयर द्वारा मारे गए।”

प्रकाश 7:3

“जब तक हम अपने परमेश्वरके दासनके माथोमे मोहरको छाप नाए लगाए देएं ताकी बे बेहीं बिपत्तिसे पिडित नाए होमएं, तबतक पृथ्वी, समुन्दर और रुखनके नुक्सान मत् पुगैयओ।”