प्रकाश 13:1 - राना थारु नयाँ नियम

¹ मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

परमेस्वर को सच्चो वचन

¹ तभई मैं एक जानवर कै समुंदर मैं से बाहर आत भइ देखो। बाकी दस सींग और सात खोपड़ी रहैं; बाके हर एक सींग मैं एक मुकुट रहै, और बाके हर एक खोपड़ी मैं एक नाओं रहै जो परमेस्वर की बुराई करत रहै।

प्रकाश 13:1 Kruisverwysings

प्रकाश 11:7

जब दुई साक्षी परमेश्वरके सन्देशके परचार करडारंगे, तओ बो राक्षस जो गहिरो कुण्डा मैसे निक्रैगो, बो बे दुई आदमीनके सँग लणैगो, उन्हएं हराए देबैगो और उन्हएं मार डारैगो।

प्रकाश 12:3

बादरमे एक और चिन्हा दिखाइ दइ, एक बहुत बडो अजिंगर रहए, जो शैतान हए। जौनके सात मुण और दश सिंग रहएं, और बक मुणमे सात मुकुट रहएं।

प्रकाश 13:11

फिर मए एक और राक्षसके पृथ्वी मैसे निक्रत देखो, बोके भेंणा कता दुई सिंग रहएं; पर जब बो मस्की तओ बक अबाज अजिंगर हानी रहए।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 13:15

दुस्रो राक्षसके परमेश्वरके द्वारा पहिलो राक्षसको मूर्तिके बनाएके बोके जिन्दा करनको अनुमति दओगओ रहए, ताकी राक्षसको मूर्ति बोल पाबए। और बे आदमीनके मरबाए डारए, जो बो राक्षसको मूर्तिके आराधना नाए करत हएं।

प्रकाश 15:2

तओ मए कुछ देखो, जो समुन्दर कता दिखात रहए, जो फुलको बर्तन कता चम्कनडटो रहए और बोमे आगी फिर मिलो रहए। मए बे आदमीनके फिर देखो, जो राक्षससे जिते रहएं। बे राक्षसको और बोको मूर्तिको आराधना नाए करी रहएं, और उनमे राक्षसको नाउँको संख्याको छाप नाए लगाओगओ रहए। हुवाँ बे, बो समुन्दर किनारे ठाणे रहएं, और बे सब एक बिणा पक्णे रहएं जो परमेश्वर उन्हएं दइ रहए।

प्रकाश 16:13

जाके पिच्छु मए तीन भुत देखो जो मुण्का कता दिखात रहएं। एक अजिंगरके मुँहुँसे बाहेर आओ, एक पहिलो राक्षसको मुँहुँसे बाहिर आओ, एक दुस्रो राक्षसको मुँहुँसे बाहिर आओ, अर्थात् बो जो झुठो सन्देश दइ रहए।

प्रकाश 17:16

बो समय आबैगो जब राक्षस बे दश राजनके सँग जो बक सँग हएं, बो महा व्यश्याके घृणा करंगे जो राक्षस उपर बैठी हए। बे बोमे हमला करंगे, बोके नंगा करदेहएं, बे बक बुट्टीको भाग खाए जामंगे, और बाँकी रहेभएनके बे जलाए देमंगे।

प्रकाश 17:3

और पबित्र आत्माको मदतसे स्वर्गदूत मोके जंगली इलाकामे लैगओ। मए हुवाँ एक बैयरके देखो, जो एक राक्षसके उपर बैठी रहए जो राक्षस लाल रंगको रहए। बोको सात मुण और दश सिंग रहएं। बोको शरीर बिनको नाउँसे तुपो रहए, जौन परमेश्वरके बदनाम करत हएं।

प्रकाश 17:5

बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

प्रकाश 19:19

तओ मए समुन्दरसे आओ भओ राक्षस, और पृथ्वीके राजा और बिनको सेना आएभए देखो। बे घोडामे बैठेभए और बोके सेनाके बिरुद्ध युद्ध करन इकट्ठा भए मए देखो।