प्रकाश 1:18 - राना थारु नयाँ नियम

¹⁸ मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

परमेस्वर को सच्चो वचन

¹⁸ महीं जिंदो हौं! मैं मर गौ रहौं, लेकिन अब मैं हमेसा के ताहीं जिंदो हौं। मोए मौत और नरक की चाबी मेरे अधिकार मैं है।

प्रकाश 1:18 Kruisverwysings

मत्ती 11:23

और हे कफर्नहुम सहरके आदमी, का तुम स्वर्गसे फिर उँचे हुइहओ? तुम नरकमे जाबैगो। काहेकी तुम करेभए शक्तिशाली चमत्कारके काम अगर सदोम सहरमे करेहुइते तओ बे आजके दिनतक रहिते।

मत्ती 16:19

मए तुमके स्वर्गको राज्यको चाभी देमंगो। जो तुम पृथ्वीमे बाँधैगे, सो स्वर्गमे बँधजाबैगो, और जो तुम पृथ्वीमे खोलैगे, सो स्वर्गमे खुलजएहए।”

लूका 24:5

तओ बे बैयर डराइ गइं और भिमे घेन मुण झुकाएलैं। पर बे दुई लोग आदमी कहीं, “तुम जिन्दा मनैके मरेन्के बीचमे काहे ढुणत हओ?

यूहन्ना 11:25

येशू मार्थासे कही, “मए बा हओं, जो मरे भए आदमीनके जीबन लौटात हओं। जो कोइ मोएमे बिश्वास करत हए बो मरके फिरसे जिन्दा हुइ जाबैगे।

यूहन्ना 14:19

जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे।

रोमियों 6:9

काहेकी हम जान्त हएं, कि ख्रीष्ट मरे भए मैसे जिन्दा हुइके उठो और कभी फिर नाए मरैगो। मृत्युके बाके उपर अब कोइ अधिकार नाए हए।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

कलस्सी 3:3

काहेकी तुम अपने पापी स्वाभावके ताहीं मरिगए हओ, और तुमर जीबन ख्रीष्टके सँग परमेश्वरमे लुको हए।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 7:16

कोइ खास आदमी अर्थात् लेबीको बंश हुइके नियम कानुनको कारण येशू पुजारी नाए बनो। पर बो अपनो जीबनको शक्तिके कारण पुजारी बनो, जौनको कब्ही अन्त नाए होत हए।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

प्रकाश 10:6

और सदादिन जिन्दा रहन बारे, और जो बादर, पृथ्वी और समुन्दर और उनमे रहान बारे सब चीजके सृष्टि करीहए, बहेको कसम खाएके कही कि “अब कोइ फिर बातके ताहीं औ आसरा नाए करन पणैगो। अब बे सब पुरा हुइजामंगी।”

प्रकाश 15:7

और फिर चार जिन्दा प्राणीन मैसे एक प्राणी हर एक स्वर्गदूतके, परमेश्वरके घेनसे जो हमेसा जीवित हए, क्रोधसे भरो भओ एक-एक सोनोको कटोरा दइ।

प्रकाश 2:8

येशू मोसे अइसेफिर कही, “और स्मुर्ना सहरके मण्डलीके स्वर्गदूतके जा सन्देश लिख: महीँ बा हओं, जो सब चिजनके सुरु करो हओं। महीँ बा हओं, जो सब चिजनके अन्त करंगो और मए एक चोटी मरिगओ रहओं, पर अब मए जिन्दा हुइगओ हओं, और सदादिन जिन्दा रहामंगो। मए जो कहात हओं बोके सुन:

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

प्रकाश 4:9

जो सिंहासनमे बैठो हए, बा बहे हए जो सदादिन जिन्दा रहात हए। जब फिर चार जिन्दा प्राणी बाके महिमा, आदर और धन्यबाद देत हएं, तओ चौबिस धर्मगुरु बाके अग्गु घुपटा पणतहएं, और बाकी आराधना करत हएं। बे अइसे कहात सिंहासनके अग्गु अपने-अपने मुकुट धरदेत हएं:

प्रकाश 5:14

तओ चारौ जिन्दा प्राणी, “आमेन” कहीं। और बे धर्मगुरु घुपटा पणके आराधना करीं।

प्रकाश 6:8

तओ मए एक पेरो घोडा देखो; और घोडामे सवार करन बारेनके मृत्यु कहोजात रहए और पाताल फिर जाके पिच्छु लागो रहए। और उन्हएं पृथ्वीमे रहान बारे हर चार आदमी मैसे एकके मारनको अधिकार प्राप्त भओ। बे उन्हएं तरबारसे मारडारीं, बे उन्हएं भुखसे मारडारीं, बे उन्हएं खराब-खराब बिमारीनसे मारडारीं, और बे उन्हएं जंगली जानबरसे फिर मर्बाए डारीं।

प्रकाश 9:1

तओ पाँचौँ स्वर्गदूत अपन तुरही फुँकी, और मए एक तारा बादरसे पृथ्वीमे गिरनडटो देखो, जो ताराके कुन्जी दओगओ जौन गहिरो कुण्डा खोदन सिकत हए, जौनको गहिराइको कोइ अन्त नाए हए।