फिलिप्पी 4:8 - राना थारु नयाँ नियम

⁸ जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

परमेस्वर को सच्चो वचन

⁸ आखरी मैं, मेरे भईय्यौ, अपने दिमाक कै बे चीजन से भरौ, जो धार्मिक हैं, अच्छी हैं और जो बड़ाँईं के काबिल है: ऐसी चीजैं जो सच्ची, महान, सई, सुद्ध, प्यारी और आदर के काबिल हैं।

फिलिप्पी 4:8 Kruisverwysings

मत्ती 22:16

बे अपन चेलनके, हेरोदी दलके आदमीनके सँग येशूके ठिन पठाइं। बे कहीं, “ए महान गुरु, हम जानत हएं, तुम सत्य हओ, और परमेश्वरको डगर सच्चो हए करके तुम सिखात हओ, और तुम कोइसे नाए डरात हओ, काहेकी तुम आदमीके मुँहुँ देखके काम नाए करत हओ।

मर्कूस 6:20

काहेकी बप्तिस्मा देन बारो यूहन्ना एक धर्मी और पबित्र आदमी हए कहिके राजा हेरोद बोसे डरात रहए, और जेलमे बोके सुरक्षित रक्खीं। हरचोटी राजा हेरोद, यूहन्नाको शिक्षा सुनके बहुत घबणीयाए जात रहए, तहुँफिर बो खुसीसे सुनत रहए।

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

लूका 2:25

बो समय यरूशलेम सहरमे शिमियोन नाउँ भओ एक आदमी रहए। और बो धर्मी और भक्ता रहए; बो ख्रीष्टको आनको आसरा और इस्राएल देशके आदमीनके तसल्ली देनके डगर देखत रहए, और पबित्र आत्मा बोकेसँग रहए।

लूका 23:50

योसेफ नाउँ भओ एक जनै अच्छो और धर्मी आदमी रहए। बो यहूदी सभाघरको सदस्य फिर रहए।

यूहन्ना 7:18

अपनो बातसे मस्कन बारो त अपनो प्रसंसा ढुणत हए। पर जौन अपनएके पठान बारोके प्रसंसा ढुणत हए, बो आदमी इमान्दार होतहए, और बोमे थोरी फिर बेमानी नाए होत हए।

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

प्रेरित 22:12

“हननिया कहान बारो एक जनै मोशाको नियम कानुन अनुसार चलन बारो धर्मी आदमी रहए, और जौन यहूदियामे बैठन बारे सब जनैनसे आदर पाओभओ रहए।

प्रेरित 6:3

जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

रोमियों 13:3

काहेकी अगर कोइ अच्छो काम करत हए तओ बोके सासकनसे डरानके जरुरत नाए हए। पर अगर बे खराब काम करत हएं तओ बोके डरानके चाहो। अगर तुम शासन करन बारे अधिकारीनसे डरान नाए चाँहत हओ कहेसे अच्छो काम करओ और बे तुमके सम्मान देमंगे।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

रोमियों 2:29

एक सच्चो यहूदी बो हए जौनको हृदय परमेश्वरमे ठिक हए। मोशाको कानुन मानन इकल्लो सच्चो खतना नैयाँ, पर सच्चो खतनाको मतलब, परमेश्वरको आत्मासे हृदय बदल्नो हए। अइसे आदमी, आदमीनसे नाए बल्कि परमेश्वरसे प्रसंसा पात हएं।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 13:7

पर हम परमेश्वरमे प्राथना करत हएं, कि तुम कुछु खराबी मत् करओ। तुमर बीचमे हमर सेवाकाइ सफल भओ दिखानके ताहीं नाए, बल्कि अगर हम अपनए असफल दिखाएसे फिर तुम सच्चो काम करओ कहिके हम चाँहत हएं।

2 कोरिन्थी 6:8

आदमी हमर प्रसंसा करनमे या बे हमके घृणा करनमे, आदमी दुस्रे जनैके हमर बारेमे अच्छे नाए हएं कहिके कहानएमे, हम इमान्दार हएं। पर बे कहात हएं कि हम झुटो हएं।

2 कोरिन्थी 8:18

और हम तीतसके सँग दुस्रो बिश्वासी भइया पठाए रहे हएं, जो अच्छो समाचार घोषणा करनमे सबए मण्डलीके बिश्वासीनमे परिचित हए।

2 कोरिन्थी 8:21

काहेकी हम प्रभुको दृष्टिमे इकल्लो नाए, पर आदमीके दृष्टिमे फिर बो कामके असल तरिकासे करनके ताहीं अपनो ध्यान देत हएं।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

इफिसियों 4:25

जहेमारे झुठो मस्कनके छोडके, सब सँगी बिश्वासीनसे सत्य बोलएं, काहेकी हम सबए बिश्वासी एकए शरीरके अंग हएं।

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

इफिसियों 6:14

जहेमारे परमेश्वरको सच्चाईके अपनो करह्याँओँमे बेल्टके कता बाँधलेओ और जैसे लोहाके बनेभए कबच कोइ सैनिककी लडाइमे रक्षा करत हए, उइसीयए जब शैतान तुममे हमला करए तओ तुमर धर्मी ब्यबहार तुमर रक्षा करैगो।

फिलिप्पी 3:1

जहेमारे हे मेरे बिश्वासी ददाभइयओ, तुम प्रभुमे हओ कहिके आनन्दीत रहाओ। जौन बात मए तुमके पहिले लिखो हओं, बेहीं बात तुमके घरी-घरी लिखनमे मोके कोइ झन्झट नाए लागत हए, और जब मए बेहीं बात तुमके घरी-घरी कहात हओं तओ जा बात तुमके झुठे गुरुनसे बचाएके धरैगो।

कलस्सी 4:5

गैर-बिश्वासीके सँग भलाइ करनके ताहीं सबए मौकाके सदुपयोग करओ।

1 थेसलोनिकी 4:12

ताकी बे आदमी जो बिश्वास नाए करत हएं, बे देखएं कि तुम हर दिन कैसे ब्यबहार करत हओ, और देखके तुमके आदर करएं। तओ तुमके अपन जरुरतके पुरा करनके ताहीं कोइमे निर्भर नाए होन पणैगो।

1 तिमोथी 2:2

राजनके ताहीं और बे सब आदमीनके ताहीं प्राथना करओ जो सरकारी अधिकारमे हएं, ताकी बे हमके शान्ति और सुरक्षासे रहानमे मदत करएं, ताकी हम परमेश्वरके आराधना करपामएं और दुस्रेनसे हमेसा ठिक ब्यबहार करएं।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 तिमोथी 3:4

बोके अपन परिवारको रेखदेख और बन्दोबस्त अच्छेसे करन पणो और अपने बालकनके सिखान पणो, कि बे सब बातमे आदरसे बोको आज्ञाके पालन करएं।

1 तिमोथी 4:12

अइसो ब्यबहार कर, कि कोइ फिर तोके हेल्हा नाए करपाबए काहेकी तए जवान हए। तेरो बोलो जान बारे शब्दमे, तेरो ब्यवहारमे, दुस्रेके उपर तेरो प्रेममे, ख्रीष्टमे तेरो बिश्वासमे और तेरो पबित्र जीबनसे तोके एक नमुना बनन पणैगो। ताकी बिश्वासी आदमी तिर अनुसरण कर पामएं।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 5:2

तोके बुढी बैयरनके सँग अइसो ब्यबहार करन चाहो, जैसेकी बे तेरी अपनी अइया हएं, और अपनेसे छोटी उमेरके बैयरनसे उइसी ब्यबहार करन चाहो, जैसेकी बे तेरी अपने बहिनीया हएं। और अइसे शुद्ध मनसे करिए।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 2:2

बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

तीतुस 2:7

तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

हिब्रू 11:2

हमर पुर्खनको अइसियए बिश्वास रहए और सिरफ जहेमारे परमेश्वर उनसे खुसी रहए।

हिब्रू 13:18

हमर ताहीं प्राथना करतए रहाओ, काहेकी हमके जरुर पता हए, कि हमर बिबेक शुद्ध हए, और हम हर समय सही काम करन चाँहत हएं।

याकूब 1:27

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

2 पतरस 3:1

हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।

1 यूहन्ना 3:18

हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।