याकूब 3:2 - राना थारु नयाँ नियम

² हम सब बहुत भुल करत हएं। पर अपनो कहो भओ बातमे गल्ती नाए करन बारे आदमी नेहात्तओ सिद्ध आदमी हएं। और बो अपनो सारे कामके अधिनमे करनमे सक्षम होतहए।

परमेस्वर को सच्चो वचन

² काहैकि आपन बड़ा जोड़ बार चूक जाथैं जो कोई बचन मैं नाय चूकथै, बहे तौ सिद्ध आदमी है; और पूरे सरीर मैं भी लगाम लगाए सकथै।

याकूब 3:2 Kruisverwysings

मत्ती 12:34

तुम जहेरिले साँपके बच्चा कता हओ! तुम गलत हुइके कैसे अच्छी बात कहेसकत हओ? काहेकी जो ह्रदयमे भरोहए, बहे मुँहुँमे आत हए।

मत्ती 12:37

काहेकी परमेश्वर न्याय करैगो और कोइ फिर आदमी, दोषी हए कि निर्दोष हए कहान बारी बात बोको बोलो भओ बोलीसे पता चलैगो।”

रोमियों 3:10

जइसे कि पबित्र-शास्त्र कहात हए, “परमेश्वरको नजरमे कोइ फिर धार्मि नाए हए, एकौ नाए।

रोमियों 7:21

जहेमारे अच्छो काम करन ढुणतए-ढुणत फिर मए बहे करत हओं जो खराब हए। जहे नियम कानुन मेरे जीबनमे काम करो अनुभव मए करत हओं।

1 कोरिन्थी 9:27

मए अपनो शरीरके काबु करत हओं, ताकी मए दुस्रेनको खराब अभिलाषन्के अनुसार नाए चलओं। कहुँ अइसो नाए होए, कि मए जो दुस्रेनके अच्छो समाचारको परचार करत हओं, और मए अपनए इनाम नाए पामओं।

गलातियों 3:22

पर पबित्र-शास्त्र कहात हए, कि जा संसारके सब आदमी पापकी शक्तिके अधीनमे हएं। ताकी बो उपहार, जोके परमेश्वर बिश्वासके आधारमे देनके नयाँ करार करी रहए, बो उपहार बेहीं आदमी पामएं जो येशू ख्रीष्टमे भरोसा करत हएं।

गलातियों 5:17

काहेकी बे चीज जो हमर शारीरिक इच्छा करन चाँहत हए, बे बेहीं चीज हएं, जो पबित्र आत्मा नाए चाँहत हएं, कि हम करएं। और अइसियए, पबित्र आत्मा हमसे बहे काम करबान चाँहत हए, जो हमर शारीरिक इच्छा नाए चाँहत हए, कि हम करएं, और जे दुनौ शक्ति लगातार एक-दुस्रेसे लणत रहात हएं; जहेमारे बे हरदम बो अच्छो काम नाए करपात हएं, जो तुम करन चाँहत हओ।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

याकूब 1:26

अगर कोइ आदमी अपनएके धर्मी समझतहए, पर अपनो जिभके लगाम नाए लगात हए, कहेसे बो अपनएके धोखा देतहए, और बोको धरम-करम व्यर्थ होतहए।

याकूब 1:4

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

याकूब 2:10

काहेकी जौन फिर एक आज्ञाके तोडत हए, पर बाँकी सब नियम कानुनके पालन करत हए, तहुँफिर बो दोषी मानो जाबैगो

1 पतरस 3:10

काहेकी पबित्र शास्त्रमे लिखो हए, “अगर एक आदमी अपनो जीबनको आनन्द लेन चाँहत हए, और अच्छे दिन देखनके चाँहत हए कहेसे, बोके खराब बात करनसे होसियार होन पणैगो और बोके बे बात मस्कनके छोडन पणैगो जो सच्चे नाए हएं।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।