हिब्रू 1:2 - राना थारु नयाँ नियम

² पर जा आखिरी दिनमे बा अपन लौंणाके द्वारा हमसे बोली हए। परमेश्वर अपन लौंणा द्वारा संसारको सृष्टि करीहए और परमेश्वर अपन लौंणाके सब बातको जिम्मा देनके ताहीं बाके छानी।

परमेस्वर को सच्चो वचन

² पर आखरी दिनन मैं बौ हमसे लौड़ा के जरिया बात करी है, जोकै परमेस्वर सबै चीजन को वारिस होन के ताहीं चुनी है। और बौ सब चीजन को वारिस ठहराई, बहे के जरिया बौ पूरो युग भी बनाई।

हिब्रू 1:2 Kruisverwysings

मत्ती 13:39

जौन दुस्मन उवाजओ बोइ बो शैतान हए; कटनी बे समयके जनात हए जब संसारके अन्त हुइ जाइगो; और काटन बारे स्वर्गदूत हएं।

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 21:38

तओ किसानदर लौंणाके देखके आपसमे कहीं, “जा त अंगुरको खेतको हकदार हए। आओ, बोके मारएं, और बोको अंगुरको खेत हमर हुइजएहए।”

मत्ती 26:63

पर येशू चुप रहो। प्रधान यहूदी पुजारी येशूसे कही, “जिन्दा परमेश्वरको नाउँमे कसम खाएके कहो, हमके बता, का तए परमेश्वरको लौंणा ख्रीष्ट हए?”

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मर्कूस 1:1

परमेश्वरको लौंणा, येशू ख्रीष्टके बारेमे अच्छो समाचार जा प्रकारसे सुरु होतहए:

मर्कूस 12:6

अन्तिममे, खेतको मालिकके ठिन पठानके ताहीं सिरफ एक औ आदमी रहए। जा बोको लौंणा रहए, और खेतको मालिक बोसे बहुत प्यार करत रहए। बे बक लौंणाके त आदर करंगे करके सबसे पिच्छु बो अपन लौंणाके बिनके ठिन पठाइ।

मर्कूस 12:7

पर जब किसानदार बोको लौंणाके आत देखीं, तओ एकदुस्रेसे कहान लागे, “जा त बहे हए जो अंगुरको खेतको हकदार हए। आओ, हम जाके मार डारएं, और अंगुरको खेत हमर हुइजएहए।”

यूहन्ना 1:10

बा संसार रहए, संसार बहेसे बनोगओ, तहुँफिर संसारके आदमी बाके नाए चिन पाइं।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 1:3

बचनसे परमेश्वर सब चीज बनाइ। और जो कुछ बो बनाइ कोइ चीज फिर बचन बिना नाए बनो।

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

यूहन्ना 13:32

और परमेश्वर फिर अपनएमे लौंणाको महिमा करैगो। और परमेश्वर जा महिमा अपन लौंणाके बहुत जल्दी देबैगो।

यूहन्ना 15:15

अबसे मए तुमसे कमैया नाए कएहओं, काहेकी बोको मालिक का करत हए कहिके कमैया नाए जानत हए। मए तुमसे सँगी कहात हओं काहेकी मिर दौवासे सुनो बात सब मए तुमर अग्गु परचार करदओ हओं।

यूहन्ना 16:15

परमेश्वर लौंणाके प्रेम करत हए और सब चीज जो दौवाके हएं बे सब मेरे हएं, जहेमारे मए कहो कि, सल्लाहकार मेरे बात सब तुमके बताबैगो।”

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 3:25

हुवाँ बप्तिस्मा देन बारो यूहन्नाके चेलनके, कोइ यहूदी दलके नेतनके सँग, यहूदीनको पुर्खनको धार्मिक चलनमे भओ, हात धोन बारो चलनके बारेमे बाद-बिबाद हुइगओ।

यूहन्ना 5:26

काहेकी जौन रितिसे दौवा अपने आपमे जीबनको स्रोत हए, उइसी रितिसे बो लौंणाके फिर जीबनको स्रोत बनाइ हए।

यूहन्ना 5:27

और मए, आदमीको लौंणा होनके कारण परमेश्वर मोके सब आदमीनके उपर न्याय करनके अधिकार दइ हए।”

यूहन्ना 9:29

हमके पता हए मोशासे परमेश्वर बोली रहए, पर हमके पता नाए हए, कि बा आदमी कहाँसे आओ हए।”

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 2:17

आखिरी दिनमे अइसो हुइहए करके परमेश्वर कहात हए, ‘मए सब आदमीनके उपर मिर आत्मा देहओं, और तुमर लौंणा और तुमरी लौंणीया अगमबाणी बोलंगे, और तुमर जवान आदमी दर्शन देखंगे, और तुमर बुढेपाखे सपनादर्सी हुइहएं।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

1 कोरिन्थी 8:6

पर हमर ताहीं केबल एकए परमेश्वर हए: अर्थात् दौवा, जौनके घेनसे सब चीज हएं, और हम परमेश्वरके ताहीं हएं, और एकए प्रभु हए, अर्थात् येशू ख्रीष्ट जौनके द्वारा सब चीज भए, और जौनके द्वारा हमके जीबन दओगओ हए।

गलातियों 4:4

पर जब बो समय आओ जोको योजना परमेश्वर बनाइ रहए, तओ परमेश्वर अपनए अपनो लौंणाके जा संसारमे पठाइ, और एक बैयर बाके जनम दइ, और बा एक यहूदी समुहके रुपमे जन्मो रहए और मोशाको नियम कानुनके पालन करत रहए।

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

इफिसियों 3:9

और मए आदमीके सम्झाए सकत हओं, कि बा बे चिजनके कैसे पुरा करीहए जौननके बा पहिलीएसे करनके फैसला करी रहए। जा बहुत समय पहिले प्रकट नाए भओ रहए। काहेकी परमेश्वर, जो हर चीजको निर्माण करन बारो हए, जाके लुकाएके धरे रहए।

हिब्रू 1:5

कोइ स्वर्गदूतनके परमेश्वर अइसे नाए कही, “तए मिर लौंणा हए, आज मए घोषणा करत हओं कि तए मेरो लौंणा हए।” और बोके पिच्छु बा अपन कोइ फिर स्वर्गदूतके अइसे नाए कही, “मए बोको दौवा होमंगो, और बो मिर लौंणा होबैगो।”

हिब्रू 1:8

पर अपन लौंणाके बारेमे परमेश्वर कहात हए, “हे परमेश्वर, तुमर राज्य सदासर्वदाके ताहीं रहाबैगो, और तुम अपनो राज्यमे न्यायसे राज्य करैगे।

हिब्रू 11:3

बिश्वासएसे हम जान्त हएं, कि सब सृष्टिको रचना परमेश्वरको बचनसे भओ हए। जहेमारे हम देखसकन बारो चीज बनानके ताहीं परमेश्वर नाए दिखान बारी चीज इस्तमाल करी।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

हिब्रू 5:8

येशू परमेश्वरको लौंणा हुइके फिर अपना भोगो दु:ख-कष्टसे बा परमेश्वरको आज्ञा माननके सिखो।

हिब्रू 7:28

काहेकी मोशाको नियम कानुन कमजोर आदमीनके, प्रधान यहूदी पुजारी नियुक्त करत हए, पर मोशाको नियम कानुनसे पिच्छु आन बारो कसम, परमेश्वरको लौंणाके, प्रधान पुजारी नियुक्त करी रहए। और बा सदिमानके ताहीं सिद्ध प्रधान पुजारी भओ हए।

हिब्रू 7:3

मल्कीसेदेकके दौवा, अइया और पुर्खा कोइके बारेमे कुछु जानकारी नैयाँ। बोको जनम और मरनके बारेमे कुछु जानकारी नैयाँ। परमेश्वरको लौंणा कता बो सदादीन पुजारी हए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

यहूदा 1:18

बे कहीं रहएं, “अन्तिम समयमे, हुवाँ बे आदमी रहामंगे, जौन प्रभु और बाके आदमीनको गिल्ला करंगे। जे बेही आदमी हएं, जौनको जीबन अपनो अभिलाषाके अधिनमे हएं, जौननके परमेश्वर स्वीकार नाए करत हए।”