इफिसियों 6:23 - राना थारु नयाँ नियम

²³ मए हमर दौवा परमेश्वरसे और प्रभु येशू ख्रीष्टसे प्राथना करत हओं, कि बे तुम बिश्वासी ददाभइयनके शान्ति देमएं। बे अइसे करएं, कि अपनए एकदुस्रेसे प्रेम करएं और ख्रीष्टमे निरन्तर बिश्वास करतए रहाएं।

परमेस्वर को सच्चो वचन

²³ परमेस्वर दऊवा और प्रभु ईसु मसीह सब मसीह भईय्यन कै सांति और बिस्वास के संग प्रेम देबै।

इफिसियों 6:23 Kruisverwysings

यूहन्ना 14:27

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

रोमियों 15:33

मए प्राथना करत हओं कि परमेश्वर, जो शान्ति देतहए, तुम सबएके सँग रहाबए। आमेन।

1 कोरिन्थी 1:3

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करैगो, और तुमके शान्ति प्रदान करैगो।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 6:16

जो कोइ जा नियमके पालन करत हएं, परमेश्वर बे सब इस्राएल देशके आदमीनके उपर दया करए, और बे शान्तिसे रहाएं। बे परमेश्वरके द्वारा चुनेगए हएं।

इफिसियों 6:24

परमेश्वर बे सबके अनुग्रह दिखाबए जो हमर प्रभु येशू ख्रीष्टसे प्रेम करत हएं। बो प्रेम, जो कभी खतम नाए होतहए।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

1 तिमोथी 5:8

पर अगर कोइ अपनुवए नातेदारनकी, खास करके अपनो परिवारको रेखदेख नाए करत हए कहेसे जासे जा साबित होत हए, कि नेहात्तओक बो ख्रीष्टके बिश्वास नाए करत हए, और बो आदमी गैर-बिश्वासीनसे फिर जद्धा खराब हए।

1 पतरस 5:14

एकदुस्रेके सच्चो प्रेमसे अभिबादन करओ। मए प्राथना करत हओं, कि जो ख्रीष्टमे हए बिनके परमेश्वर शान्ति देबए।

3 यूहन्ना 1:14

पर आसरा हए, कि मए तिर ठिन जल्दी आओं, और तोसे भेँटके बात करओं।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,