इफिसियों 5:32 - राना थारु नयाँ नियम

³² जा एक मुल्यवान और गम्भीर शिक्षा हए जोसे हम हियाँ समझ सकत हएं। और मेरे ताहीं, मए जाको तुलना, ख्रीष्ट और मण्डलीनसे करत हओं।

परमेस्वर को सच्चो वचन

³² जौ लुकी भइ बात गहरी और सच्ची है, जो सास्त्र मैं प्रकट करी गई है और बौ मेरे अनुसार मसीह और कलीसिया के बारे मैं है।

इफिसियों 5:32 Kruisverwysings

यूहन्ना 3:29

दुलहा दुल्हिनसे बेहा करलेतहए, पर दुलहाको बाहानुइँया बहेके ठिन ठाणो रहात हए, और दुलहाकी कही बात सुनके बो बहुत आनन्दित होतहए; उइसीयए मेरु मन आनन्दसे भरीगओ हए।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

इफिसियों 5:31

जैसेकी पबित्र-शास्त्र कहात हए, “जहेमारे पुरुष अइयादौवाके छोडके अपनी बैयरसँग मिलो रहात हए, और बे दुनए एक शरीर होमंगे।

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

इफिसियों 6:19

और मेरे ताहीं फिर प्राथना करके परमेश्वरसे कहियओ, कि बा मोके मस्कनके ताहीं सही शब्द देबए ताकी मए बिना डरको अच्छो समाचारके बारेमे जो सब आदमीनके ताहीं हए, बोको रहस्य परचार करपामओं।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

प्रकाश 21:2

मए पबित्र सहरके फिर देखो, जोकी स्वर्गको यरूशलेम रहए, जो सहर परमेश्वरके ठिनसे स्वर्ग मैसे तरे आत रहए। बो सहरके एक दुल्हीन कता तयार करोगओ रहए, जौनके लत्ता पैँधाओगओ रहए और सिंगार करोगओ रहए और जो दुलहासे बेहा करनके ताहीं तयार हए।