इफिसियों 5:20 - राना थारु नयाँ नियम

²⁰ और जो कुछ हमर प्रभु येशू ख्रीष्ट करीहए बे सब चीजके ताहीं रोज हमर दौवा परमेश्वरके, सब बातके ताहीं धन्यबाद देओ।

परमेस्वर को सच्चो वचन

²⁰ हमरे प्रभु ईसु मसीह के नाओं से, हमेसा दऊवा परमेस्वर के हर बातन के ताहीं धन्यवाद देबौ।

इफिसियों 5:20 Kruisverwysings

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

प्रेरित 5:41

तओ येशूके खातिर अपमान सहानके लायक ठहिरे करके आनन्द मनात बे यहूदी सभाघर मैसे निकरके गए।

रोमियों 1:8

पहिले मए तुम सबके येशू ख्रीष्टके द्वारा अपने परमेश्वरके धन्यबाद देत हओं, काहेकी येशू ख्रीष्टमे तुमर बिश्वासको बारेमे बहुत ठाउँमे आदमी बात करत हएं।

1 कोरिन्थी 1:4

मए तुमर ताहीं अपनो परमेश्वरके रोज धन्यबाद देत हओं, काहेकी परमेश्वर तुमके ख्रीष्ट येशूके सँग तुमर एकजुटके कारण बहुत अनुग्रह करीहए।

1 कोरिन्थी 15:24

फिर, जब ख्रीष्ट परमेश्वरको बिरोध करन बारे सब बुरे शक्तिनके नाश करदेबैगो। तओ ख्रीष्ट अपनो दौवा परमेश्वरको अपनो राज्य सौप देहए, ताकी बा बोके उपर पुरी रुपसे राज्य करए।

इफिसियों 5:4

और कोइ फिर लाज लागन बारो बात कर्नो, व्यर्थ बातचित कर्नो और अस्लिल मजाकमे हँसनो तुमर मुँहुँमे सोभा नाए देतहए, काहेकी जा तुमर ताहीं ठिक नाए हए, पर तुमके परमेश्वरके धन्यबाद देन चाहो।

फिलिप्पी 1:3

सुरुक दिनसे तुम येशू ख्रीष्टके बारेमे जा अच्छो समाचारमे बिश्वास करे, जाके फैलानमे तुम मेरे सँग सहयोगी हओ। जाकेमारे मए जब फिर तुमर बारेमे सोँचत हओं, तओ मए परमेश्वरके धन्यबाद देत हओं, और मए आनन्दसे तुम सबके ताहीं परमेश्वरसे मदतके ताहीं प्राथना करत हओं।

फिलिप्पी 4:6

कोइ बातमे चिन्ता मत् करओ, पर सब परिस्थितिमे तुमर निबेदन, प्राथना और बिन्तीद्वारा परमेश्वरके धन्यबाद देओ।

कलस्सी 3:17

जो बात तुम बोलत हओ या करत हओ, सब चीज प्रभु येशूके नाउँमे करओ, और प्रभु येशूके माध्यमसे दौवा परमेश्वरके धन्यबाद देओ।

1 थेसलोनिकी 3:9

तुमरी कारणसे हम हमरे परमेश्वरके अग्गु आनन्द मनात हएं। जाके ताहीं त परमेश्वरके हम जित्तो धन्यबाद दएसे फिर थोरी हए।

1 थेसलोनिकी 5:18

सब परिस्थितिमे धन्यबाद देओ, काहेकी तुमर ताहीं ख्रीष्ट येशूमे परमेश्वरको इच्छा जहेहए।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

हिब्रू 13:15

जहेमारे आओ हम येशू द्वारा लगातार परमेश्वरको प्रसंसा अपनो ओँठसे करएं। जहे बाके ताहीं हमर बलिदान हए।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।