इफिसियों 2:4 - राना थारु नयाँ नियम

⁴ पर परमेश्वर बहुत दयालु हए, बा अपनो महान प्रेमसे हमके प्रेम करी।

परमेस्वर को सच्चो वचन

⁴ लेकिन परमेस्वर की दया इत्तो जद्धे है, और हमरे ताहीं बाको प्रेम इत्तो महान है,

इफिसियों 2:4 Kruisverwysings

लूका 1:78

जा हमर परमेश्वरको कोमल दयासे होबैगो; जैसी दिन हमके प्रकाश देनके ताहीं चम्कत हए, उइसीयए येशू फिर हमरे ठिन स्वर्गसे आबैगो।

रोमियों 10:12

यहूदी और ग्रीक भाषा मस्कन बारेमे कोइ फरक नाएहए। जहेमारे, कि परमेश्वर सबको प्रभु हए; और मदतके ताहीं बाके बुलान बारे सब उद्धार पातहए।

रोमियों 2:4

का तुम परमेश्वरकी भलाइ, सहनशीलता और धिरजरुपी धनके तुच्छ मानत हओ? और तुम जा नाए सम्झत हओ, कि परमेश्वरकी भलाइ तुमके पाप करन छोडके परमेश्वर घेन घुमन सिखात हए?

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

रोमियों 9:23

काहेकी बा दिखान चाँहत रहए, कि बा कित्नो महान हए, जब बा आदमीनके उपर दया करी जौनके बा अपनी महिमामे भागीदार होनके ताहीं चुनी हए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 2:7

परमेश्वर अइसो जाकेमारे करी ताकी आन बारो दिनन्मे बा संसारके आदमीनके दिखाए पाबए कि बाको अनुग्रह कित्नो महान हए। जो कुछ बा हमर ताहीं करीहए हमके जा अनुग्रह दिखाओगओ हए जो येशू ख्रीष्टके सँग एकतामे हएं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।