इफिसियों 2:14 - राना थारु नयाँ नियम

¹⁴ ख्रीष्ट अपनए हमर बीच शान्ति लाइ हए। बितेभए समयमे, जा अइसो रहए जैसे एक भित यहूदी और गैर-यहूदीनके अलग करदइ रहए। बे एकदुस्रेसे घृणा करत रहएं। पर अब ख्रीष्ट बो भितके गिराएदइ हए और दुई समुहनके एक करदइ हए।

परमेस्वर को सच्चो वचन

¹⁴ ईसु मसीह खुद यहूदियन और गैर यहूदि कै एक आदमी बनाये कै हमकै सांति दई है। अपने खुद के सरीर के संग बौ भितिया कै तोड़ दई जो बाकै न्यारे कर दई दुई लोग कै एक करकै एक नया लोग बनाई।

इफिसियों 2:14 Kruisverwysings

लूका 1:79

और अन्धकारमे और मौतकी छाहीँमे बैठन बारेके प्रकाश देबैगो। जहे प्रकाश हमके जीबनमे मार्गदर्शन करैगो, जौन हमके परमेश्वरके सँग शान्ति देतहए।”

लूका 2:14

“स्वर्गमे परमेश्वरको महिमा, और पृथ्वीमे बे आदमीनसे जौनसे बा प्रसन्न हए, बिनके शान्ति!”

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

प्रेरित 10:28

तओ पत्रुस बिनसे कही, “हम जाति-जातिके आदमीके आदमी सँग सँगत कर्नो, वा उनके भेँट करन एक यहूदी आदमीनके ताहीं हमर नियम कानुनके बिरुद्ध हए कहान बारी बात तुम सबके पतए हए। पर कोइ फिर आदमीके अशुद्ध नाए ठहिरान पणत हए कहिके अब परमेश्वर मोके दिखाइ हए।

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।

इफिसियों 2:17

और ख्रीष्ट आएके, परमेश्वरसे दुर रहे गैर-यहूदीनके और परमेश्वरके ढिँगै रहे यहूदीनके, दुनौ जनैके मेलमिलापको अच्छो समाचार परचार करी।

इफिसियों 3:15

बा बहे हए जो सबए बिश्वासीनको परिवारको दौवा हए जो स्वर्ग और पृथ्वीमे हएं।

इफिसियों 4:16

हम सब जो ख्रीष्टमे बिश्वास करत हएं, बाकी शरीरके अंग कता हएं। जैसे एक आदमीको शरीर, बोको सरा गाँठी-गाँठीसे जुणो रहात हए, और जब शरीरके सब अंग ठिक रितीसे काम करत हए तओ शरीर बढतहए और मजबुत होत हए। उइसीयए, जब हम मैसे हर कोइ बो कामके करत हए जो ख्रीष्ट हमके दइ हए, तओ हम मजबुत बनंगे और पक्को होमंगे और एकदुस्रेके औ जद्धा प्रेम करंगे।

कलस्सी 1:20

और परमेश्वर अपनो लौंणाके पठानके फैसला करी, जौन अपनो खुन बहाएके क्रूसमे मरो। परमेश्वर अपनएमे और सब चीजके बीचमे मेलमिलाप करन अइसो करी। अइसियए, परमेश्वर अपने सँग और बादरमे भए, सब बात और पृथ्वीमे भए सबके बीच शान्ति बनाइ।

कलस्सी 2:20

काहेकी तुमर पापी स्वाभाव ख्रीष्ट सँग मरीगओ, तुमके और जे संसारके नियम पालन नाए करन पणैगो। जहेमारे काहे तुम अभौफिर जे नियम पालन करत हओ, जैसेकी संसार अभौफिर तुमके नियन्त्रणमे करेहए?

कलस्सी 3:11

जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

कलस्सी 3:15

और बो शान्ति जो ख्रीष्ट देतहए, बोके तुमर विचारमे नियन्त्रण करनके देओ, काहेकी तुम सब एकए शरीरके अंग हओ, और जहेमारे तुमके एकदुस्रेके सँग शान्तिसे रहानके ताहीं बुलाओ गओ हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 7:2

अब्राहाम राजासे जितके लाओभओ सब धनको दशांश मल्कीसेदेकके दइ। मल्‍कीसेदेक नाउँको अर्थ “धार्मिकताको राजा” हए, और बो शालेमको राजा होनके कारणसे बोको नाउँसे “शान्तिको राजा” फिर कहोजात हए।