इफिसियों 1:4 - राना थारु नयाँ नियम

⁴ संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

परमेस्वर को सच्चो वचन

⁴ जैसे कि बौ हमकै दुनिया बनन से पहलिये से बामै चुन लई कि हम बाके संग एक होन के बजह से पवित्र और निर्दोस होमैं।

इफिसियों 1:4 Kruisverwysings

मत्ती 24:22

परमेश्वर अप्नो चुनेभए मनैनके ताहीं बो संकटको समयके कम करनके फैसला करी हए, नत कोइ फिर नाए बच्ते।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 24:31

बा अपन स्वर्गदूत तुरहीको बडो अबाजके साथ पठाबैगो, और बे बादरके जा छोरसे लैके बो छोरतक चारौ घेनसे अपन चुनेभएनके इकट्ठा करंगे।”

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

प्रेरित 15:18

जा बात परमप्रभु कहात हए, जो सृष्टिको सुरुसे जे बात बताइ रहए।’

प्रेरित 18:10

मए तेरे सँगमे हओं और कोइ फिर तोके कुछु नाए करपहए। काहेकी जा सहरमे मेरे बहुत आदमी हएं जो मिर चेला बनंगे।”

रोमियों 8:33

कोइ फिर हमर उपर परमेश्वरके अग्गु दोष नाए लगाए पएहए काहेकी बा बहे हए जो हमएं धर्मी घोसित करत हए।

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

इफिसियों 4:2

सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

इफिसियों 5:27

बा अपनी मण्डलीनके ताहीं फिर मरिगओ ताकी बा अपने सब आदमीनके सिद्ध बनाए पाबए और बे सबके अपने उपस्थितिमे लाए पाबए, जौनन्मे कोइ दोष या पाप या कोइ औ खराब बात नाए हुइहए; बल्कि, बे पबित्र और सिद्ध होमंगे।

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

कलस्सी 1:22

पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 थेसलोनिकी 3:12

और हम प्राथना करत हएं, कि प्रभु येशू एकदुस्रेसे प्रेम करनमे तुमके मदत करए, जैसे हम तुमके प्रेम करत हएं उइसी प्रभुमे तुम एकदुस्रे सँग, और सब आदमीनके सँग प्रेम बढए। और प्रभु तुमर प्रेमके बढाबए, उत्नो बढाए देबए, कि जैसी हमर प्रेम तुमरमे हए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

1 यूहन्ना 4:16

हम अच्छेसे जानत हएं और बिश्वास करत हएं, कि परमेश्वर हमसे प्रेम करत हए, काहेकी परमेश्वर प्रेम हए, जो प्रेममे बने रहात हएं, बे परमेश्वरके सँग एकजुटमे रहात हएं, और परमेश्वर उनके सँग एकजुटमे रहात हए।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।