प्रेरित 2:4 - राना थारु नयाँ नियम

⁴ तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

परमेस्वर को सच्चो वचन

⁴ और बे सब पवित्र आत्मा से भर गै, और पवित्र आत्मा उनकै बोलन की सामर्थ्य दई, और बे अलग-अलग भासा बोलन लगे।

प्रेरित 2:4 Kruisverwysings

मत्ती 10:19

पर जब बे तुमके पकणाए देहएं, तओ का कहामंगे और का बोलंगो करके चिन्ता मत् करीयओ। काहेकी तुमके का मस्कनके हए, बहे बेरा तुमके बताओ जएहए।

मर्कूस 16:17

और जौन आदमी बिश्वास करत हए, बे जे शक्तिशाली चमत्कारके प्रमाणके रुपमे करपामंगे: मिर नाउँमे बे भुतके बाहिर निकारंगे, और मए बिनके नयाँ भाषा मस्कन बारे बनामंगो,

लूका 1:15

काहेकी बो प्रभुके अग्गु महान होबैगो; और बो दारु और कुछु फिर नसा लगन बारी चीज नाए पिबैगो, और पहिलीसे अपनी अइयाके गरबसे बो पबित्र आत्मासे भरो होबैगो।

लूका 1:41

जब एलीशिबा मरियमको अभिबादन सुनी, तओ बोको गरबको बालका उछलपणो। और एलीशिबा पबित्र आत्मासे भरीगइ।

लूका 1:67

और बोको दौवा जकरिया पबित्र आत्मासे शक्ति पाएके अगमबाणी बोलन लागो,

लूका 12:12

काहेकी बहेबेरा तुमके का कहान पणैगो, पबित्र आत्मा तुमके सिखाबैगो।”

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

लूका 4:1

येशू पबित्र आत्मासे भरपुर हुइके यर्दन नदीया घेनसे घुमो, और पबित्र आत्मा येशूके जंगली इलाकामे लैगओ

यूहन्ना 14:26

पर सल्लाहकार, अर्थात् पबित्र आत्मा, जौनके दौवा मेरे ठिहाके लेनके ताहीं पठाबैगो, पबित्र आत्मा तुमके सब बात सिखाबैगो, और जो कुछ मए तुमसे कहो हओं, पबित्र आत्मा तुमके सब बातको याद करबाबैगो।”

यूहन्ना 20:22

इतका कहिके येशू चेलनके उपर अपनो साँस फुक्के कही, “पबित्र आत्मा लेओ।

प्रेरित 1:5

काहेकी बप्तिस्मा देन बारो यूहन्ना त पानीमे बप्तिस्मा दइ हए, पर थोरी दिन पिच्छु परमेश्वर तुमर सँग रहनके ताहीं पबित्र आत्मा पठाबैगो।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 10:46

काहेकी बे सुनन बारे फरक-फरक भाषनमे मस्कत और परमेश्वरको प्रसंसा करत बे सुनीं। तओ पत्रुस कही,

प्रेरित 10:47

“हमएं कता जे फिर परमेश्वरके घेनसे पबित्र आत्मा पाइ हएं! अब जे आदमीनके पानीको बप्तिस्मा लेनसे कौन रोक पएहए?”

प्रेरित 11:15

जब मए जाएके बे आदमीनके सँग बात करन लागो रहओं, तओ जैसी सुरुवातमे पबित्र आत्मा हममे आओ रहए, उइसीयए बिनमे फिर आओ रहए।

प्रेरित 11:24

बारनाबास पबित्र आत्मा और बिश्वाससे भरो अच्छो आदमी रहए और बोके कारण बहुत आदमी प्रभुमे बिश्वास करीं।

प्रेरित 13:52

और आइकोनियन सहरमे चेला आनन्दसे और पबित्र आत्मासे भरिगए।

प्रेरित 13:9

तओ शाऊल, जौनसे पावल फिर कहात हएं, बो पबित्र आत्मासे भरके जादुगरके एक नजर लगाएके देख्तए कही,

प्रेरित 15:8

और मनके जाँचन बारो परमेश्वर उनके फिर हमरे अग्गु पबित्र आत्मा दइके दिखाइ, कि बा उनके अपने आदमीनके रुपमे स्वीकार करलै हए।

प्रेरित 19:6

और जब पावल बिनके उपर अपनो हात धरी तओ पबित्र आत्मा बिनके उपर आओ, और बहे बेरा बे फरक-फरक भाषामे मस्कन लागे और अगमबाणी बोलन लागे।

प्रेरित 2:11

क्रेट टापूके आदमी और अरब देशके आदमी फिर हएं। हम चहुँ यहूदी होएं चहुँ यहूदी धर्म लएभए औरे जातके आदमी हएं, जे परमेश्वरको करन बारो शक्तिशाली चमत्कारके बारेमे बोलो भओ अपनो-अपनो भाषामे सुनरहे हएं।”

प्रेरित 2:3

तओ उनके अग्गु अइसो आगीको ज्वाला देखाइ पणो, जौन ज्वालाको आकार जिभ कता रहए। और बो अलग-अलग हुइके सबके उपर पणो।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 4:8

तओ पबित्र आत्मासे भरके पत्रुस बिनसे कही, “आदमीनके सासक और यहूदी अगुवनको समुहओ,

प्रेरित 6:3

जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

प्रेरित 6:5

जा बात सारी मण्डलीनको समुहके अच्छी लागी, और बे स्तिफनस नाउँको एक लोगके जो बिश्वास और पबित्र आत्मासे भरो रहए। और फिलिप, प्रखरस, निकनोर, तीमोन, पर्मिनाश और एन्टिओखियामे रहान बारो निकोलाउसके फिर चुनीं जो यहूदी मतमे आइगओ रहए।

प्रेरित 6:8

स्तिफनस अनुग्रह और शक्तिसे भरके आदमीनके बीचमे बणे-बणे चमत्कारको काम और चिन्हा दिखाओ करत रहए।

प्रेरित 7:55

पर बो पबित्र आत्मासे भरके स्वर्ग घेन देखी। और बो परमेश्वरको महिमा देखी और येशूके परमेश्वरको दहिने घेन ठाणो फिर देखी।

प्रेरित 8:17

तओ पत्रुस और यूहन्ना अपन हात प्रभुमे बिश्वास करन बारेनके उपर धरीं, और बे पबित्र आत्मा पाइं।

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

1 कोरिन्थी 13:1

मए आदमीनको मेल-मेलको भाषनमे और स्वर्गदूतको भाषनमे मस्कत हओं; पर मए दुस्रेन्से प्रेम नाए करो कहेसे मए बोलो भओ बात व्यर्थ उँचो आवाजको झाँझके जैसो होबैगो।

1 कोरिन्थी 13:8

बो समय आबैगो जब आदमी परमेश्वरको सन्देशके फरक-फरक भाषामे परचार नाए करंगे, और परमेश्वरके बारेमे गहिरो ज्ञानको जरुरत नाए होइगो, पर प्रेम हमेसाके ताहीं बनो रहाबैगो।

1 कोरिन्थी 14:18

मए अपने परमेश्वरके धन्यबाद देत हओं, काहेकी मए तुमसे जद्धा फरक-फरक भाषामे मस्कत हओं।

1 कोरिन्थी 14:5

मए चाँहत हओं, कि तुम सब फरक-फरक भाषामे बोलओ। पर जद्धासे-जद्धा तुम अगमबाणी बोलओ कहिके मए चाँहत हओं; काहेकी अगर अन्य भाषा बोलन बारो आदमी बोको ब्याख्या नाए करत हए कि बो मण्डलीमे बिश्वासीनके बिश्वासके पक्को बनानके ताहीं का कहात हए, कहेसे जौन आदमी परमेश्वरको सन्देशके परचार करत हए बो बहुत जद्धा महत्वपुर्ण काम करत हए।

इफिसियों 3:19

तुम जान सकत हओ, कि ख्रीष्ट हमके कित्नो प्रेम करत हए ताकी परमेश्वर तुमके अपनो स्वभाबसे भर पाबए।

इफिसियों 5:18

और दारु पिइके दरोहा बने मत् रहाओ काहेकी जा आदमीनके असभ्य, अनियंत्रित तरिकासे ब्यबहार करनको कारण बन्त हए बल्कि, पबित्र आत्माके तुम्हएं नियंत्रित करनके देओ।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

2 पतरस 1:21

काहेकी कोइ फिर भबिष्यबाणी कभु फिर आदमीसे नाए आओ। पबित्र आत्मा अगमबक्तनको मनके चलाइ, और बे परमेश्वरको सन्देशके आदमीनके बताइं।