प्रेरित 17:2 - राना थारु नयाँ नियम

² सदिमान कता, पावल बो यहूदी सभाघरमे फिर गओ। बो हुवाँ तीन हप्तातक पबित्र दिनतक पबित्र-शास्त्र मैसे बात लैके बिनसे बादबिबाद करतए रहो।

परमेस्वर को सच्चो वचन

² पौलुस साधारँड़ चाल-चलन के जरिया उनके झोने गौ, और हूँना तीन साबत दिन के दौरान आदमिन से सास्त्र की बातचीत करी।

प्रेरित 17:2 Kruisverwysings

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

लूका 4:16

तओ येशू नासरत गाउँमे लौटके आओ, जहाँ येशू बढो और हुरको रहए; और बा अपन रितीरिबाजके अनुसार पबित्र दिनमे यहूदी सभाघरमे गओ, और पबित्र-शास्त्रसे पढनके ताहीं ठाणीगओ।

यूहन्ना 18:20

येशू बोके जबाफ दइके कही, “मए सबसे खुल्मखुल्ला रुपसे बात कहो हओं। मए यहूदी सभाघर और यरूशलेमको मन्दिरमे रोज शिक्षा दओ, जहाँ सब यहूदी समुह इकट्ठा होए करत हएं। और मए गुप्तमे कुछु शिक्षा नाए दओ हओं।

प्रेरित 13:14

पावल और बारनाबास पर्गा सहरसे अग्गु बढके गलातिया परदेशको पिसिदिया जिल्लाके ढिँगै एन्टिओखिया सहरमे पुगे, और पबित्र दिनमे बे दुई जनै यहूदी सभाघरमे जाएके बैठे।

प्रेरित 13:5

सलामिस सहरमे जाएके यहूदी सभाघरमे घुसके बे परमेश्वरको बचन सुनान लागे। बो काममे मदत करनके ताहीं बे मर्कूस कहान बारो यूहन्नाके फिर सँगमे लैगए रहएं।

प्रेरित 14:1

आइकोनियन सहरमे पावल और बारनाबास सदिमान कता यहूदी सभाघरमे गए। बे आराधना करन बारो ठाउँमे भितर अइसे करके बोली, कि हुना भए बहुत यहूदी और ग्रीक भाषा मस्कन बारे आदमी फिर प्रभु ख्रीष्टमे बिश्वास करीं।

प्रेरित 17:10

रात पणतए खीना प्रभुमे बिश्वासी ददाभइया पावल और सिलासके मेशोदोनिया परदेशको बेरिया सहरमे पठाए दइं। और जब बे हुवाँ पुगे, तओ यहूदीनको यहूदी सभाघर भितर गए।

प्रेरित 17:17

जहेमारे बो यहूदी सभाघरमे जाएके यहूदी और परमेश्वरको डर मानन बारे गैर-यहूदी आदमीनके सँग येशूके बारेमे बादबिबाद करत रहए। अइसियए दिनए-दिन सहरको मुख्य बजारमे आनजान बारे आदमीनके सँग फिर बो बहुत बादबिबाद करी।

प्रेरित 18:4

पावल हरेक पबित्र दिनमे यहूदीनको यहूदी सभाघरमे जाएके यहूदी और ग्रीक देशके, येशू ख्रीष्टमे बिश्वास करनके ताहीं सम्झानके कोसिस करत रहए।

प्रेरित 19:8

तओ पावल यहूदीनको यहूदी सभाघरमे गओ और तीन महिनातक नाए डराएके आदमीनके शिक्षा दइ। बो परमेश्वरके राज्यके बारेमे उनके सँग हिम्मत करके बहस करत बिनके सम्झात रहए।

प्रेरित 24:25

पर पावल “परमेश्वरके अग्गु धार्मिक आज्ञा मानके काम करन पणत हए, अपनो इच्छा उपर नियन्त्रण करन पणत हए और परमेश्वरको न्याय करन बारो दिन आएरहो हए” कहान बारी बात सुनात पेती फेलिक्स घबणियातए अइसे कही, “हुइगओ, आजके ताहीं इतकए, अब तए जाए सकत हए। मौका मिलैगो तओ मए फिरसे तोके बुलामंगो।”

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 8:35

तओ फिलिप मस्कनके सुरु करके पबित्र-शास्त्रको बहे भाग लैके येशूसे मुक्ति मिल्त हए कहिके अच्छो समाचार परचार करी और जहेमारे बो अधिकारी बुझी और येशूमे बिश्वास करी।

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

1 कोरिन्थी 15:3

जहेमारे मए तुमके बो सबसे जरुरी सन्देशके बताओ जो मोके प्रभु येशूसे मिलो रहए, बो सन्देश जा हए: “पबित्र-शास्त्रके बचन अनुसार येशू ख्रीष्ट हमर पापनके ताहीं मरो।