प्रेरित 14:3 - राना थारु नयाँ नियम

³ तहुँफिर पावल और बारनाबास बो सहरमे बहुत दिनतक बैठे। और प्रभुके भरोसामे सहासके साथ बात करत रहएं: और बा उनके हातसे करेभए चिन्हा और चमत्कारको काम कर्बाएके बे साबित करीं, कि जा अनुग्रहके बारेमे उनको सन्देश सच्चो रहए।

परमेस्वर को सच्चो वचन

³ और बे प्रेरित लंबे समय तक हूँना रुके रहे, प्रभु के बारे मैं निडर हुईकै बात करत भै, जो बे साबित करीं कि उनकी किरपा के बारे मैं उनको अनुग्रह को संदेस उन्हैं चिन्ह चमत्कार और अचम्मे काम करन की सक्ति देन के ताहीं गभाई देथै।

प्रेरित 14:3 Kruisverwysings

मर्कूस 16:20

और चेला सब ठिहामे गए और जाएके आदमीनके बीच अच्छो समाचारको परचार करीं। प्रभु बिनके मदत करी और जा शक्तिशाली चमत्कारके दिखाइ, कि बाको बचन सच्चो रहए। आमेन।

यूहन्ना 4:48

येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।”

प्रेरित 13:46

तओ पावल और बारनाबास नाए डराएके कहीं, “परमेश्वरको बचन सबसे पहिले तुमके सुनान जरुरी रहए, पर तुम सुनन नाए मानत हओ। तुम अपनएके कभी फिर नाश नाए होन बारो जीबनको अयोग्य ठहिरे हओ। जहेमारे अब हम गैर-यहूदीनके ठिन जामंगे।

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 5:32

जा सब बातके हम साँक्षी हएं, काहेकी परमेश्वर अपनो आज्ञापालन करन बारेनके दओ भओ पबित्र आत्मा फिर साँक्षी दइ रहो हए।”

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

1 थेसलोनिकी 2:2

हियाँ आनसे पहिले फिलिप्पी सहरके आदमी हमके दुख दइं और हमर बेइज्जत करीं। जा बात फिर तुमके पतए हए। तओ फिर परमेश्वर हमके सहास दइ, कि तुमर सहरके आदमीनसे बहुत बिरोध होतए-होत फिर हम तुमके परमेश्वरको अच्छो समाचार सुनाए।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।