प्रेरित 1:16 - राना थारु नयाँ नियम

¹⁶ “बिश्वासी ददाभइया, पबित्र आत्मासे बहुत समय अग्गु राजा दाऊदके द्वारा यहूदा इस्करियोतके बारेमे बताओ गओ रहए, जोकी येशूके पकणान बारे आदमीनको अगुवा बनोगओ। जा जरुरी रहए, कि यहूदाके बारेमे पबित्र-शास्त्रमे लिखो भओ पुरा होए।

परमेस्वर को सच्चो वचन

¹⁶ बौ कहीं, “मेरे भईय्यौ, पवित्र सास्त्र कै सच होनो जरूरी रहै, जोमैं पवित्र आत्मा, दाऊद के जरिये बोलत भै यहूदा के बारे मैं एक भविस्यवाँड़ी करी रहै, जो ईसु कै पकड़वान बारेन के ताहीं अगुवन रहै।

प्रेरित 1:16 Kruisverwysings

मत्ती 26:14

तओ बाह्र चेला मैसे एक जनै यहूदा इस्करियोत कहान बारो मुखिया यहूदी पुजारी ठिन गओ,

मत्ती 26:47

येशू मसकतए-मसकत बाह्र चेला मैसे एक चेला आओ जो यहूदा इस्करियोत रहए। बोकेसँग मुखिया यहूदी पुजारी और जनताके यहूदी अगुवनको समुहके द्वारा पठाइभइ एक बडी भिड तरबार और लठ्ठु लैके आए।

मत्ती 26:54

पर अगर मए मागो कहेसे त पबित्र-शास्त्रमे अइसीयए होन पणैगो करके लिखीभइ बात कैसे पुरो हुइपए हए?”

मत्ती 26:56

पर अगमबक्तनको पबित्र-शास्त्रको बचन पुरा होए करके जा सब भओ हए।” तओ सब चेला बाके छोडके भाजे।

मर्कूस 12:36

काहेकी जब राजा दाऊद पबित्र आत्माकी सामर्थ पाएके कही, प्रभु परमेश्वर मिर प्रभुसे कही, ‘मेरे दहिना हातमे बैठ, जब तक मए तिर दुसमनके हराए नाए देओं।’

मर्कूस 14:43

जब येशू हबए फिर मसकतए रहए, तओ यहूदा इस्करियोत जो बाह्र चेला मैसे एक रहए, हुवाँ आओ। बो एक बणी भिडके सँगमे आओ रहए जो तरबार और हथियार अपने सँग लए रहएं। जे आदमीनके, मुखिया यहूदी पुजारी, मोशाको नियम कानुन सिखान बारे और यहूदी अगुवनको समुहसे पठाओ गओ रहए।

लूका 22:47

येशू मसकतए रहए तओ एक भिड हुवाँ आएगै। बाह्र चेला मैसे एक जनै यहूदा इस्करियोत कहान बारो अग्गुअग्गु आओ। येशूके चुम्मन करन ताहीं बो बाके ढिँगै आओ।

यूहन्ना 10:35

और तुम जानत हओ, कि पबित्र-शास्त्रके बदलाओ नाए जाए सकत हए। जहेमारे अगर बाके आदमीके अगुवनके ‘ईश्वर’ कहोगओ। जब मए जा कहात हओं, ‘मए परमेश्वरको लौंणा हओं’ तओ तुम मोसे का कहात हओ? ‘तए परमेश्वरको बदनाम करत हए।’ मए बहे हओं जौनके दौवा अलग करी हए और मोके संसारमे पठाइ।

यूहन्ना 13:18

येशू कही, “मए तुम सबके बारेमे नाए कहो हओं? जौनके मए चुनो हओं बोके मए चिन्त हओं, पर जा जहेमारे हुइ रहो हए ताकी पबित्र-शास्त्रमे लिखो भओ बचनमे जो लिखो हए बो पुरा होबए, ‘जौन मेरे सँग रोटी खाइ बहे मोके धोखा देहए।’

यूहन्ना 17:12

जब मए बिनके सँग रहओं, तओ मए तुमर नाउँसे, जो शक्ति तुम मोके दएहओ, मए उनको रक्षा और रेखदेख करो। और बो आदमी जौन खोइगए रहएं, बिन मैसे मए कोइके नाश नाए होन दओ, जाकेमारे कि पबित्र-शास्त्रमे लिखो भओ बचन पुरा होबए।”

यूहन्ना 19:36

“बाको एकफिर हड्डी नाए टुटैगो।” करके पबित्र-शास्त्रमे लिखो भओ बचन सच होबए कहिके जा भओ हए।

प्रेरित 1:20

काहेकी दाऊद भजनसँग्रहके किताबमे लिखी हए, ‘बोको घर उजड जाए, और बोमे कोइ नाएबैठए।’ और जा फिर लिखो हए, ‘कोइ दुस्रे आदमी बोको पद लैलेबए।’”

प्रेरित 13:15

अब मोशाको नियम कानुन और अगमबक्तनको किताबसे पढनके बाद यहूदी सभाघरको मुखिया पावल और बारनाबासके बुलाएके कहीं, “हे बिश्वासी ददाभइया! अगर तुमरसँग आदमीनके ताहीं सहास देन बारी कुछ बातहएं कहेसे बताबओ।”

प्रेरित 13:38

जहेमारे प्यारे बिश्वासी ददाभइया, तुम जानलेओ, कि येशूके द्वारा पाप क्षमाको अच्छो समाचार तुमके दओ जात हए।

प्रेरित 15:13

जब बे मस्कन बन्द करीं, तओ याकूब कहान लागो, “ए बिश्वासी ददाभइया सुनओ।

प्रेरित 15:7

बहुत बिबाद होनके बाद पत्रुस उठके कही, “हे बिश्वासी ददाभइया, तुमके पतए हए, गैर-यहूदी आदमी प्रभु येशूको अच्छो समाचार सुनके बिश्वास करके मुक्ति पामएं कहिके परमेश्वर मोके तुमर बीचसे बहुत समय अग्गु छानी रहए।

प्रेरित 2:23

परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

प्रेरित 2:37

जब आदमी जा बात सुनीं, तओ बे अपनएके बहुत दोषी महसुस करीं, तओ पत्रुस और चुनेभए चेलासे बे पुँछीं, “हे, बिश्वासी ददाभइया, हम का करएं?”

प्रेरित 22:1

ए मिर बिश्वासी ददाभइयओ और दौवओ, तुमर अग्गु मए अपन पक्षमे कहान बारी बात अब सुनओ।

प्रेरित 23:1

पावल यहूदी सभाघर घेन एक नजर लगाएके देखी, और कही, “ददाभइयओ, आजके दिनतक परमेश्वरको दृष्टिमे मए शुद्ध बिबेकसे जीबन बिताओ हओं।”

प्रेरित 23:6

पर जा यहूदी सभाघरमे कुछ सदुकीनको समुह और कुछ फरिसीनको समुहके हएं, कहिके पता पाएके पावल जोणसे कही, “ददाभइयओ, मए फरीसी समुहको आदमी हओं और फरिसीनको समुहके सन्तान हओं। मिर मुद्दा चलरहो हए, काहेकी मए आसरा करत हओं कि परमेश्वर मेरे आदमीनके फिर जिन्दा करैगो।”

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

प्रेरित 28:25

अपनए-अपनामे बात नामिल्के बे उइसी हुवाँसे जान लागे। तओ पावल बिनसे एक दुसरी बात कही, “पबित्र आत्मा तुमर पुर्खनके कहीभइ बात सच्चो हए, काहेकी अगमबक्ता यशैया द्वारा पबित्र आत्मा अइसे कही,

प्रेरित 7:2

स्तिफनस जबाफ दइके कही, “बिश्वासी ददाभइया और दौवाओ सुनओ। हमर पुर्खा अब्राहाम हारान नगरमे बैठनसे अग्गु मेसोपोटामियामे रहए; तभीयए महिमाको परमेश्वर बोके दर्शन दइ।

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

2 पतरस 1:21

काहेकी कोइ फिर भबिष्यबाणी कभु फिर आदमीसे नाए आओ। पबित्र आत्मा अगमबक्तनको मनके चलाइ, और बे परमेश्वरको सन्देशके आदमीनके बताइं।

2 पतरस 2:21

मिर कहाइको अर्थ जा हए, ख्रीष्टके कभी स्वीकार नाए करोभओ आदमीसे जद्धा, ख्रीष्टके त्यागन बारे आदमीनके परमेश्वर कडा दण्ड देबैगो। अगर बे, धर्मी जीबन बितानको डगरको अर्थ का हए कहिके कभी पता नाए पैते तओ बहे ठिक रहए। अब बिनके पता हए, कि का चीज ठिक हए, पर बे चुनेभए चेलनके द्वारा सिखाओ गओ परमेश्वरको आज्ञनके इन्कार करी हएं।