2 पतरस 3:9 - राना थारु नयाँ नियम

⁹ कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।

परमेस्वर को सच्चो वचन

⁹ जैसो कि कुछ लोग सोचथैं, प्रभु अपने वादा कै पूरो करन मैं धीमो ना है। जाके अलावा, बौ तुमरे संग धीरज रखथै, काहैकि बौ ना चाहथै कि कोई खतम हुई जाबै, लेकिन सब अपने पापन से मन फिरानो चाहथैं।

2 पतरस 3:9 Kruisverwysings

रोमियों 13:11

और तुम मैसे सबके एकदुस्रेसे प्रेम करतए रहान पणो काहेकी बो समय ढिँगै हए जब परमेश्वर हमके जा खराब संसारसे बचाबैगो। जब हम पहिलो चोटी ख्रीष्टमे बिश्वास करे रहएं, बो समयसे त जा अब ढिँगै हए। जाके समझके तुमके अपनी निँधसे जगनके चाहो और साबधान रहानके चाहो।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

रोमियों 2:4

का तुम परमेश्वरकी भलाइ, सहनशीलता और धिरजरुपी धनके तुच्छ मानत हओ? और तुम जा नाए सम्झत हओ, कि परमेश्वरकी भलाइ तुमके पाप करन छोडके परमेश्वर घेन घुमन सिखात हए?

रोमियों 9:22

परमेश्वरके अधिकार हए, कि जौन आदमीनके बा बनाइ हए उनके अपनी इच्छाके अनुसार जैसे चाँहत हए, कर सकत हए। परमेश्वर अपनो गुस्सा दिखान चाँहत रहए और हरकोइके बिरुद्ध अपनी शक्ति प्रकट करन चाँहत रहए जो नष्ट होनको लाएक हएं। बल्कि, बा धैर्यसे बिनके सही।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

1 तिमोथी 2:4

परमेश्वर चाँहत हए, कि सबके सच्चाईको ज्ञान होबए, और बे आदमी मुक्ति पामएं।

हिब्रू 10:37

काहेकी पबित्र-शास्त्रमे लिखो हए, “अब एकघरिमे आन बारो जरुर आबैगो, और देर नाए करैगो।”

1 पतरस 3:20

जे बो आत्मा रहएं, जौन बहुत समय पहिले परमेश्वरको आज्ञापालन नाए करीं। जब नोआ अपनो जहाज बनात रहए, तओ आदमी पाप करन छोडके परमेश्वर घेन घुमंगे कि कहिके परमेश्वर धैर्यतासे रुको रहए। पर आठ जनै इकल्ले बो डर लागन बारो बहाडसे बचाएगए।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।

2 पतरस 3:15

हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।

प्रकाश 2:21

मए बक पक्षताप करनके समय दओ, पर बो बे अनैतिक कामके करन बन्द करनसे इन्कार करी।