2 पतरस 3:15 - राना थारु नयाँ नियम

¹⁵ हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।

परमेस्वर को सच्चो वचन

¹⁵ और हमरे प्रभु के धीरज कै उद्धार समझौ, जैसो कि हमरे प्रिय भईय्या पौलुस ग्यान के जरिया जो बाकै दियो गौ, तुम्हैं लिखी।

2 पतरस 3:15 Kruisverwysings

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

प्रेरित 15:25

जहेमारे हम सभा करे, और एकमत हुइके हमर बात तुमर ठिन पुगानके मारे, हमरे बीचसे कुछ ददाभइयाके छानके हमर प्रिय पावल और बारनाबासके तुमर सँग पठानके निर्णय करे।

प्रेरित 7:10

परमेश्वर योसेफके सारा कष्टसे छुटाएके मिश्रदेशको राजा फारोके अग्गु आओ परमेश्वर बोके अनुग्रह और बुद्धि दइ। जा देखके फारो राजा योसेफके मिश्रदेशको और अपनो घरको हाकिम बनाइ।

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

रोमियों 2:4

का तुम परमेश्वरकी भलाइ, सहनशीलता और धिरजरुपी धनके तुच्छ मानत हओ? और तुम जा नाए सम्झत हओ, कि परमेश्वरकी भलाइ तुमके पाप करन छोडके परमेश्वर घेन घुमन सिखात हए?

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

1 कोरिन्थी 3:10

परमेश्वर मोके जो काम अपनो बरदानसे करनके दइ हए, बोके मए बुद्धिमानसे करो; मए तुमर सहरमे अच्छो समाचार परचार करो और तुमसे पहिले आदमीनके येशूमे बिश्वास करनमे मदत करो। बोके पिच्छु, अन्य ख्रीष्टियन मजदुर बो काम करतए रहे, जो मए सुरु करो रहओं। पर हम मैसे सब मजदुरन्के ध्यानसे बिचार करन चाहो, कि हमके परमेश्वरको काम कैसे करनके हए।

इफिसियों 3:3

जैसेकी मए छोटकरीमे तुमके पहिले लिखो रहओं, परमेश्वर अपनए मोके बो गुप्त योजनाके प्रकट करी।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

1 पतरस 3:20

जे बो आत्मा रहएं, जौन बहुत समय पहिले परमेश्वरको आज्ञापालन नाए करीं। जब नोआ अपनो जहाज बनात रहए, तओ आदमी पाप करन छोडके परमेश्वर घेन घुमंगे कि कहिके परमेश्वर धैर्यतासे रुको रहए। पर आठ जनै इकल्ले बो डर लागन बारो बहाडसे बचाएगए।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

2 पतरस 3:9

कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।