2 पतरस 3:10 - राना थारु नयाँ नियम

¹⁰ पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।

परमेस्वर को सच्चो वचन

¹⁰ लेकिन प्रभु बौ दिन चुट्टा के तराहनी आगो। बौ दिन स्वर्ग एक गरजन से गायब हुई जागो, और तत्व भौतै गरम हुईकै किम्हल जांगे, स्वर्गिय सरीर खतम हुई जागी, और सब कछु धरती के संग मैं गायब हुई जांगी।

2 पतरस 3:10 Kruisverwysings

मत्ती 24:35

बादर और पृथ्वी खतम हुइजएहए, पर मिर कहो बचन सदामानके ताहीं रहाइगो।”

मर्कूस 13:31

बादर और पृथ्वी खतम हुइजए हए, पर मिर कहो भओ बचन सदामानके ताहीं रहाइगो।”

लूका 12:39

पर तुम जा जानओ, कि अगर घरको मालिक जन्तो कि चुट्टा कौन बेरा आइगो, तओ बो संसार रहितो और बो अपन घरके लुटन नाए देतो।

रोमियों 8:20

काहेकी जो कुछ फिर परमेश्वर बनाइ बा अपनो मोल खोएदइ, जाकेमारे नाएकी, बे अपनए अइसे चाँहत रहएं। पर जाकेमारे, कि परमेश्वर अइसो करी। तहुँफिर आसरा हए।

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

1 कोरिन्थी 5:5

बो पापी ब्यबहार करन बारे आदमीके मण्डलीसे बाहिर निकार देओ और बो आदमीके शैतानके अधिकारमे फिर्ता पठाए देओ। ताकी जा आसरा करोजाए सकत हए, कि बो पाप करन छोडके परमेश्वर घुमजएहए कि। काहेकी अगर बो पश्चाताप करत हए कहेसे बो सचमे बो दिनमे बचाओ जाबैगो जब प्रभु न्याय करैगो।

2 कोरिन्थी 1:14

उइसीयए हमर प्रभु येशू लौटके आबैगो तओ तुम हमके पुरा रुपमे बुझैगे, और हम तुमर बारेमे घमण्ड करे हानी तुम फिर हमर बारेमे घमण्ड करपाबैगे।

1 थेसलोनिकी 5:2

काहेकी तुमके पता हए, कि जैसे रातमे चुट्टा अचानक आत हए, उइसीयए प्रभु येशू फिरसे लौटके आबैगो।

1 थेसलोनिकी 5:4

पर हे मेरे बिश्वासी ददाभइयओ, तुम त अंधियारोमे नाए हओ, कि प्रभुको फिरसे लौटके आनको दिन तुमर उपर चुट्टा हानी अचानक तुमर बिना तयारीको आएजाए।

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

2 पतरस 3:12

तुम बो दिनको प्रतिक्षा करत पेती, जब परमेश्वर संसारको न्याय करन आबैगो, तओ बो दिन जल्दी आबए करके सबसे अच्छो काम करओ। बो दिन आगी जलैगो और बादर नष्ट होबैगो, और आगिकी आँच पृथ्वीमे भए सब चीजके पिघ्लाए देबैगो।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।

प्रकाश 21:1

तओ मए नयाँ स्वर्ग और नयाँ पृथ्वी देखो, काहेकी पुरानो बादर और पुरानो पृथ्वी अब नाए रहए। और अब समुन्दर फिर रहियएनाए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

प्रकाश 6:14

बादर बो खलरीको चिट्ठी कता गाइब हुइगओ, जोके लपेट दओगओ होए। और सब पहाड और समुन्दर मैके सब टापू अपनो ठिहा बदलदइं।