2 पतरस 2:9 - राना थारु नयाँ नियम

⁹ परमेश्वर पहिलेके समयमे करेभए जे सब काम हमके जा दिखात हए, कि धार्मि जीबन जीइन बारे आदमी समस्यामे पणत हएं तओ प्रभु परमेश्वर जरुर सुरक्षित करत हए। और हम जा फिर पक्का होन सकत हएं, कि बा सबए आदमीनको न्याय करन बारो दिन नाए आनतक बा दुष्ट आदमीनके लगातार सजाय देबैगो।

परमेस्वर को सच्चो वचन

⁹ और तभई प्रभु जानथै कि कैसे न्याई लोगन कै परेसानी से बचाओ जाबै और कैसे अधर्मियन कै सजा देन के ताहीं न्याय के दिन ले रखो जाए।

2 पतरस 2:9 Kruisverwysings

मत्ती 10:15

नेहात्तओ, मए तुमसे कहात हओं, न्यायके दिनमे बो नगरको दसासे सदोम और गमोराको नगरको दसा जद्धा सहन सिकन बारो होबैगो, जौन परमेश्वर तुमके देबैगो।”

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

1 कोरिन्थी 10:13

पाप करनको इच्छा हम सबके ठिन जरुर आत हएं, पर परमेश्वर बिश्वासयोग्य हए: काहेकी परमेश्वर तुमर ताहीं अइसो एकौ परीक्षा नाए देहए, जो परीक्षामे तुम लणनमे सक्षम नाए होओ। बल्कि परमेश्वर तुमके शक्ति देबैगो, ताकी तुम पापसे बचनमे सक्षम रहाओ।

2 तिमोथी 3:12

तए अच्छेसे जान्त हए, कि आदमी बे सब जनैके सतामंगे जो ख्रीष्ट येशूके अनुयायीके रुपमे जीबन जीइन चाँहत हएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।