2 कोरिन्थी 5:1 - राना थारु नयाँ नियम

¹ काहेकी हम जानत हएं, अगर पृथ्वीमे हमर सँग भओ अस्थायी शरीर नष्ट भओ कहेसे स्वर्गमे अनन्ततक रहान बारो परमेश्वरको दओ भओ हमर घर हए, जो हातसे नाए बनाओ गओ हए।

परमेस्वर को सच्चो वचन

¹ हमकै जौ पता है कि जब हमरो घर (हमरी सारीरिक सरीर) कै गिराय दौ जागो, तौ हमरे ताहीं परमेस्वर के घाँईं से एक ऐसो घर मिलैगो, जो आदमिन के हात से नाय बनो भौ होगो बल्किन स्वर्गिय होगो और अनंतकाल के ताहीं होगो।

2 कोरिन्थी 5:1 Kruisverwysings

मर्कूस 14:58

“जाके अइसे कहात हम सुनेहएं, ‘आदमीको बनाओ भओ जा मन्दिर मए उजाड देमंगो, और तीन दिनमे मए दुस्रो मन्दिर बनाए देमंगो।’”

प्रेरित 7:48

पर परमप्रधान हातको बनो भओ मन्दिरमे नाए रहात हए, जैसेकी यशैया अगमबक्ताके किताबमे लिखो हए,

1 कोरिन्थी 3:9

काहेकी हम परमेश्वरको सेवामे मदत करन बारे आदमी हएं; और तुम कोरिन्थीके बिश्वासी एक खेत कता हओ, जो परमेश्वरको हए। और मए तुमर तुलना एक घरसे कर सकत हओं, जोके परमेश्वर बनाए रहो हए।

2 कोरिन्थी 4:7

और अब हमर हृदयमे हमर सँग भओ जो ज्योति चमकन डटो हए, बो शक्ति हमर नैयाँ बल्कि परमेश्वरको हए। काहेकी हम अपनए बहुमुल्य धन भओ कमजोर मट्टीके बर्तन कता हएं।

2 कोरिन्थी 5:4

काहेकी हम जा शरीरमे रहातए चिन्तासे हम सुस्केरा डारतहएं। और हम जे शरीरसे छुटकारा पान नाए चाँहत हएं, पर परमेश्वर हमके स्वर्गीय शरीर देबए कहिके हम चाँहत हएं, ताकी जे शरीर मरनके बाद अनन्त जीबनमे बदल पाबए।

कलस्सी 2:11

जब तुम ख्रीष्टमे बिश्वास करे, तुमर खतना आदमीनसे नाए करोगओ, जैसे यहूदी आदमीनके करत रहएं। पर बो खतना ख्रीष्टके माध्यमसे भओ, जो तुमर पापी स्वभाबके काटके दुर करे जैसो हए।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

हिब्रू 11:10

काहेकी बो हरदम रहान बारो जगमे बनो सहरमे रहानके ताहीं असियात रहए, जोके बनान बारो और निर्माण करन बारो परमेश्वरए हए।

हिब्रू 9:11

जहेमारे ख्रीष्ट अब हियाँ भए सब असल चीजके उपर प्रधान यहूदी पुजारी हुइगओ हए। येशू स्वर्गमे भओ बहुत महान और सिद्ध तम्भुमे प्रबेश करीहए, जो आदमीनसे नाए बानो हए और जा संसारको फिर नाए हए।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

1 पतरस 1:4

परमेश्वर, अपने आदमीनके ताहीं धरो भओ प्रसस्त आशिषको आसरा करत हए। बा हमर ताहीं तयार करेभए सब अच्छे चीज पानके ताहीं हम आसरा करत हएं। बे चिजनके कोइ फिर नाश नाए करपाबैगो। बे कुछु चीज फिर नाए बिगाड पामंगे। बे चीज कभु फिर पुरानो या काम सुथ्रेके नाए होमंगे। परमेश्वर बे चिजनके तुमर ताहीं स्वर्गमे धरे हए।

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

1 यूहन्ना 3:14

हम जानत हएं, कि हम मृत्युकी शक्तिसे पार हुइगए हएं, अब हमर ठिन कभी फिर नाश नाए होन बारो जीबन हए। काहेकी हम बिश्वासी ददाभइयनसे प्रेम करत हएं। जो प्रेम नाए करत हए, बो मृत्युकी बन्धनमे रहात हए।

1 यूहन्ना 3:19

जब हम दुस्रेनसे प्रेम करत हएं, तओ जहेसे हम जान पामंगे, कि हम सत्यमे हएं। जब कभी फिर हमर मन हमके दोषी ठहिरात हए, तओ हम अपने मनके परमेश्वरको उपस्थितिमे बिश्राम दए सकत हएं, काहेकी परमेश्वर हमर मनसे बडो हए, और बा सब कुछ जानत हए।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।