2 कोरिन्थी 3:18 - राना थारु नयाँ नियम

¹⁸ हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

परमेस्वर को सच्चो वचन

¹⁸ और हम, जो उनके मोहों से प्रभु की महिमा निहारथैं, उनके हानी धीरे-धीरे बढ़त भइ महिमा के संग बदलत जाए रैं हैं, जौ महिमा प्रभु से, जो आत्मा है, दुआरे निकरथै।

2 कोरिन्थी 3:18 Kruisverwysings

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

1 कोरिन्थी 13:12

जा हमर बिश्वास करन बारेनके सँग उइसीयए हए। जैसी एक आदमी एक खराब दर्पनमे अपन अनुहार देखत हए। काहेकी हम अभएतक सबकुछ स्पष्ट रुपसे नाए बुझत हएं। हम भबिष्यमे कुछ चीज बुझजामंगे। काहेकी हम परमेश्वरके अपने अग्गु देखंगे। अभए मिर ज्ञान पुरो नाए हए। भबिष्यमे इकल्लो जब बो दिन आबैगो तओ मए नेहात्तओकमे बाके जानंगो, जैसे परमेश्वर मोके फिर जानत हए।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

1 कोरिन्थी 15:49

हम सबके ठिन बहे पुरुष आदमको रुप हए जोके मट्टीसे बनाओ गओ रहए। अइसियए, एक दिन, हमर ठिन ख्रीष्टको रुप होइगो, जो स्वर्गसे आओ रहए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

याकूब 1:23

कोइ आदमी बचन सुनत हए, पर पालन नाए करत हए, कहेसे बो एक अइसो आदमी जैसो हए, जौन अपन मुँहुँके दरपनमे देखत हए।

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

तीतुस 3:5

परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

रोमियों 8:7

काहेकी पापमय स्वभाबके द्वारा अधिनमे होनो परमेश्वरसे दुस्मनाइ कर्नो हए, काहेकी बो नियम कानुन पालन नाए करे होतहए और पालन फिर नाए करत हए।

रोमियों 8:4

जहेमारे पापमय स्वभाबके अनुसार नाए बल्कि पबित्र आत्माके अनुसार चलन बारेनके ताहीं नियम कानुनको माँग पुरा भओ हए।

यूहन्ना 12:41

यशैया जा बात जाकेमारे कही, कि बो येशूकी भबिष्यकी महिमा देखी, और यशैया बाके बारेमे बात करी।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

यूहन्ना 17:22

तुम मोके जौन महिमा दएहओ, बहे महिमा मए अभए बिनके फिर दओ हओं। जैसेकी मए और तुम, मन और उदेश्यमे एक हएं उइसीयए बे फिर होमएं।

2 कोरिन्थी 3:17

अब प्रभु आत्मा हए, और जाहाँ प्रभुको आत्मा हए, हुवाँ नियम कानुनसे स्वतन्त्र होत हए।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।