2 कोरिन्थी 12:1 - राना थारु नयाँ नियम

¹ गर्ब करनए पणहए। पर जासे कुछु फाइदा नाए होएसे फिर प्रभुसे पाओभओ दर्शन और प्रकाशके बात मए कररहो हओं।

परमेस्वर को सच्चो वचन

¹ अभै घमंड करनो मेरे ताहीं ठीक नाय तहुँओं करने पड़थै; जहे मैं प्रभु को दौ भौ दर्सन और प्रकासन की बात करत रहांगो।

2 कोरिन्थी 12:1 Kruisverwysings

यूहन्ना 16:7

पर मए तुमसे सच्चो बात कहात हओं, मए हियाँसे जानो तुमर ताहीं फाइदा हुइहए काहेकी मए नाए गओ कहेसे मदत करन बारो सल्लाहकार तुमर ठिन नाए आबैगो। पर अगर मए तुमर ठिनसे गओ कहेसे बाके तुमर ठिन पठामंगो।

यूहन्ना 18:14

जा बहे कैयाफा रहए, जौन जनताके ताहीं एक आदमी मरनसे भलाइ हए करके यहूदीनके सल्लाह दइ रहए।

प्रेरित 18:9

एक रात प्रभु पावलके दर्शन दइके कही, “कोइसे मतडराबए, चुपलागके मत् बैठिए। अच्छो समाचार परचार करतए जा,

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

1 कोरिन्थी 10:23

तुम कहात हओ, “हम कुछु फिर करनके ताहीं स्वन्त्र हएं।” हाँ, लेकिन हमरे ताहीं सब कुछ अच्छो नाए हए। हम कुछु फिर करनके ताहीं स्वन्त्र हएं, लेकिन सब कुछ परमेश्वरमे हमर बिश्वासके मजबुत नाए करत हए।

1 कोरिन्थी 14:6

जहेमारे हे मेरे बिश्वासी ददाभइयओ, अगर मए तुमर ठिन आएके फरक-फरक भाषामे बात करओं, और प्रकाश, या कुछ खास ज्ञान लाओं, या परमेश्वरको सन्देश, या शिक्षा देओं, बो तुमर ताहीं फाइदा होबैगो।

1 कोरिन्थी 6:12

तुम मैसे कोइ कहे सकत हए, “सब चीज मेरे ताहीं करनके अनुमति हए काहेकी मए बिश्वासी हओं।” पर सब चीज भलाइके ताहीं नाए हएं। मए फिर कहे सकत हओं, कि “मोके जो करेसे हुइजए हए।” पर मए कोइ बातको कमैया नाए हुइहओं।

2 कोरिन्थी 12:11

मए मुरख भओ हओं। तुम मोके अइसे करनके कर लागए, काहेकी तुमरसे त मिर प्रसंसा होनके रहए। काहेकी मए कछु लायकको नाए होएसे फिर सर्वोच्च चुनेभए चेलनसे मए तुच्छ नैयाँ।

2 कोरिन्थी 12:5

जा आदमीको पक्षमे मए गर्ब करंगो, पर मिर अपनुवए बारेमे अपनो कमजोरी बाहेक और बातमे घमण्ड नाए करंगो।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

2 कोरिन्थी 12:9

तओ मोसे परमेश्वर कही, “मिर अनुग्रह तिर ताहीं प्रशस्त हए, काहेकी मिर शक्ति कमजोरमे सिद्ध होत हए।” जहेमारे ख्रीष्टको शक्ति मोएमे बास करए कहिके मए बरु मिर कमजोरीनमे जद्धा खुसीसाथ गर्ब करंगो।

2 कोरिन्थी 8:10

पोर साल तुम दान देनो कामसे सबसे अग्गु इकल्लो नाए, बल्कि अइसो काम करनको इच्छामे फिर तुम सबसे अग्गु रहओ। जाके बारेमे तुमर ताहीं मिर उत्तम सल्लाह जहेहए;

गलातियों 1:12

काहेकी मए जा अच्छो समाचार पुर्खनसे नाए सिखो और नए त कोइ धार्मिक गुरु मोके जा सिखाइ। पर येशू ख्रीष्ट मोके अच्छो समाचार सम्झनमे मदत करी।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

इफिसियों 3:3

जैसेकी मए छोटकरीमे तुमके पहिले लिखो रहओं, परमेश्वर अपनए मोके बो गुप्त योजनाके प्रकट करी।

1 थेसलोनिकी 4:15

काहेकी हम प्रभु येशूको बचनके अनुसार तुमसे जा कहात हएं, कि हम जो जिन्दा हएं, और जब तक प्रभु येशू फिरसे लौटके नाए आबए, तबतक बचे रहामंगे। जो मरिगए हएं, उनके प्रभुसे भेँटनसे पहिले बे बासे नाए मिल पएहएं।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।