1 तिमोथी 6:14 - राना थारु नयाँ नियम

¹⁴ कि तए बे सब चीज कर जोके पुरा करनके ताहीं परमेश्वर तोके आज्ञा दइ हए। ताकी कोइ फिर प्रभु येशू ख्रीष्टके लौटके आनतक तिर उपर कुछ फिर गलत कामको आरोप नाए लगाए पाबए।

परमेस्वर को सच्चो वचन

¹⁴ जौ आग्या कै मानिये और बौ दिन ले बिस्वास करीये जबले हमरो निर्दोस प्रभु ईसु मसीह आए ना जाबै।

1 तिमोथी 6:14 Kruisverwysings

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

इफिसियों 5:27

बा अपनी मण्डलीनके ताहीं फिर मरिगओ ताकी बा अपने सब आदमीनके सिद्ध बनाए पाबए और बे सबके अपने उपस्थितिमे लाए पाबए, जौनन्मे कोइ दोष या पाप या कोइ औ खराब बात नाए हुइहए; बल्कि, बे पबित्र और सिद्ध होमंगे।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

कलस्सी 1:22

पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

कलस्सी 4:17

तओ अर्खिप्पससे फिर कहियओ कि जो सेवा करनके ताहीं प्रभु तोके चुनी हए बोके पक्का कर, कि तए बो सेवाके पुरा करैगो।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

2 थेसलोनिकी 2:1

हे मेरे बिश्वासी ददाभइयओ, हम अपने प्रभु येशू ख्रीष्टके दुबारा लौटनेके बारेमे, और बो समयके बारेमे कुछ लिखन हए, जब हम एकए सँग ख्रीष्टसे मिलंगे।

2 थेसलोनिकी 2:8

तओ दुष्ट आदमी दिखाइ पणैगो, पर पिच्छु प्रभु येशू जब आबैगो, तओ बा एक हुकुमके द्वारा जो बाको मुँहुँसे निकरत हए और अपना आनको महिमासे दुष्ट आदमीके नाश करैगो।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

2 पतरस 2:21

मिर कहाइको अर्थ जा हए, ख्रीष्टके कभी स्वीकार नाए करोभओ आदमीसे जद्धा, ख्रीष्टके त्यागन बारे आदमीनके परमेश्वर कडा दण्ड देबैगो। अगर बे, धर्मी जीबन बितानको डगरको अर्थ का हए कहिके कभी पता नाए पैते तओ बहे ठिक रहए। अब बिनके पता हए, कि का चीज ठिक हए, पर बे चुनेभए चेलनके द्वारा सिखाओ गओ परमेश्वरको आज्ञनके इन्कार करी हएं।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।