1 थेसलोनिकी 5:9 - राना थारु नयाँ नियम

⁹ काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

परमेस्वर को सच्चो वचन

⁹ परमेस्वर हमैं गुस्सा के पीड़ित करन के ताहीं नाय चुनी है, बल्कि हमरे प्रभु ईसु मसीह के जरिये उद्धार पान के ताहीं चुनी है,

1 थेसलोनिकी 5:9 Kruisverwysings

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

प्रेरित 1:20

काहेकी दाऊद भजनसँग्रहके किताबमे लिखी हए, ‘बोको घर उजड जाए, और बोमे कोइ नाएबैठए।’ और जा फिर लिखो हए, ‘कोइ दुस्रे आदमी बोको पद लैलेबए।’”

प्रेरित 1:25

और बो जा सेवा और ख्रीष्टसे चुनेभए चेलाको पद लइ, जोसे मुक्ति हुइके यहूदा इस्करियोत अपनो नियुक्त करो भओ ठाउँमे चलो गओ”

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

रोमियों 11:30

काहेकी पहिले तुम अन्यजाति आदमी परमेश्वरको आज्ञापालन नाएकरे रहओ पर अभए इस्राएल देशके आदमी आज्ञापालन नाए करोके कारण इकल्लो परमेश्वरको दया तुम पाएहओ।

रोमियों 11:7

तब्ही जा बहे हए जो भओ हए: तहुँफिर इस्राएल देशमे रहान बारे परमेश्वरमे सही होनके कोसिस करीं, पर बे सफल नाएभए, पर जौन आदमीनके परमेश्वर चुनी बे बाके सँग धर्मी घोषित भए। और बाँकी इस्राएलीन्के जिद्दी बनाओ दओगओ और परमेश्वरकी बात सुनन्से इन्कार करदइं।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

1 थेसलोनिकी 3:3

ताकी कोइ जे दु:खके कारण डगमगाए नाए जाए। काहेकी तुम जानत रहओ, कि हमके दुख उठान पणैगो।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।