1 थेसलोनिकी 1:5 - राना थारु नयाँ नियम

⁵ काहेकी हमर येशू ख्रीष्टके बारेमे सच्चो अच्छो समाचार तुमर ठिन केबल बोलिमे नाए आओ, पर पबित्र आत्माके शक्तिसे पुरा रुपमे पक्का हुइके आओ हए। तुमके पता भओ हए, कि जब हम तुमर सँग रहएं तओ हमर जीबन कैसो रहए।

परमेस्वर को सच्चो वचन

⁵ हम तुमरे ताहीं सुसमाचार लाए हैं, ना खाली बचन के संग, बल्कि सामर्थ्य और पवित्र आत्मा के संग, और जाकी सच्चाई के पूरे बिस्वास के संग। तुम जानथौ, कि जब हम तुमरे संग रहैं, तौ हम कैसे रहत रहैं; जौ तुमरे खुद के भले के ताहीं रहै।

1 थेसलोनिकी 1:5 Kruisverwysings

मर्कूस 16:20

और चेला सब ठिहामे गए और जाएके आदमीनके बीच अच्छो समाचारको परचार करीं। प्रभु बिनके मदत करी और जा शक्तिशाली चमत्कारके दिखाइ, कि बाको बचन सच्चो रहए। आमेन।

लूका 1:1

बहुत जद्धा माननीय थियोफिलस, हमरे बीचमे भए घटनाके बारेमे एक विवरण सँग्रह लिखनके ताहीं बहुत आदमी कोसिस करी हएं।

प्रेरित 11:21

और प्रभुको सामर्थ उनके उपर रहए, और बहुत गैर-यहूदी आदमी उनको सन्देशमे बिश्वास करीं और प्रभु येशूमे बिश्वास करनके सुरु करीं।

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

प्रेरित 2:33

अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 2:16

जा बहे दिन होबैगो जब परमेश्वर अच्छो समाचार, जोको मए परचार करत हओं, बहेके अनुसार येशू ख्रीष्ट आदमीनको गुप्त बातकी न्याय करैगो।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

1 कोरिन्थी 10:33

मिर देखासेखी करओ। मए जो कुछ फिर करत हओं, बे सबके खुसी करनके कोसिस करत हओं। काहेकी मए अपने भलाइके बारेमे नाए सोँचत हओं, बल्कि सब आदमीनको भलाइके बारेमे सोँचत हओं। ताकी उनके अपने पापनको न्यायसे बचाए जाए सकएं।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

1 कोरिन्थी 3:6

तुमके परमेश्वरको सन्देश बतान बरो मए पहिलो आदमी रहओं, जहेमारे मए बो आदमी कता हओं जौन खेतमे बीज बोइ। बोको पिच्छु, अपोल्लोस तुमके तुमर बिश्वासके मजबुत होनके मदत करी, ठिक उइसीयए कोइ दुस्रो आदमी बे पेणनके पानी देतहए जो बढन लगे हएं। पर परमेश्वर तुमके नयाँ जीबन दइ हए और तुमके आत्मिक रुपसे बढनमे मदत कर रहो हए, जैसे परमेश्वर पेणके बढात हए।

1 कोरिन्थी 4:20

काहेकी परमेश्वरको राज्यमे बहुत बात कर्नो इकल्लो नाए हए, बल्कि परमेश्वरको शक्तिसे जिइनो हए।

1 कोरिन्थी 9:14

अइसियए प्रभु फिर आज्ञा दइ हए, कि उनको रोजी रोटी बे आदमीनसे होनचाहो जो अच्छो समाचार सुनत हएं।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

गलातियों 5:5

मए अइसे कहे सकत हओं, काहेकी हमके पबित्र आत्माके घेनसे पुरा आसरा हए, कि परमेश्वर हमके धर्मीके रुपमे स्वीकार करैगो, काहेकी हम ख्रीष्टमे भरोसा करत हएं।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 3:20

अब मए प्राथना करत हओं, कि परमेश्वर सक्षम हए। और बो हमर ताहीं बासे मागन या सोंचनसे फिर जद्धा काम कर सकत हए, बाको शक्तिके कारण जो हमर भितर काम करत हए।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

फिलिप्पी 4:9

मेरे शब्दसे और मेरे कामसे जो कुछ तुम सिखे हओ और पाएहओ, बिनके पालन करओ, तओ शान्ति देन बारो परमेश्वर तुमरसँग रहाबैगो।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

2 थेसलोनिकी 2:14

परमेश्वर बहे अच्छो समाचारके प्रयोग करी, जौनको हम तुमके बचानके बुलाओट देनके ताहीं तुमर बीचमे परचार करे, ताकी तुम हमरे प्रभु येशू ख्रीष्टको महिमामे सहभागी हुइ पाबओ।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 तिमोथी 2:8

लगातार येशू ख्रीष्टके बारेमे सम्झत रहाओ, जो राजा दाऊदको बंशको हए। और परमेश्वर बाके मरो भओ मैसे जिन्दा करी; और जा बहे अच्छो समाचार हए, जो मए आदमीनके बीचमे परचार करत हओं।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

1 पतरस 5:3

और सासक कता तुमर जिम्मामे दइ आदमीनके उपर हुकुम मत् चलाओ, पर बिनके ताहीं असल उदाहरण होबओ।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

2 पतरस 1:19

जहेमारे हम अगमबक्तनके द्वारा लिखेभए पबित्र-शास्त्रमे औ जद्धा भरोसा करत हएं। अगर तुम जा सन्देशमे ध्यान दए कहेसे तुम अच्छो काम करैगे, काहेकी जा सुबेरे नाए होनतक अन्धकारमे चमकतए रहान बारो दिया कता हए, और सुबेरेको तारा संसारमे ज्योति लाओ कता, ख्रीष्टको ज्योति तुमर हृदयमे चम्कैगो।