1 पतरस 3:16 - राना थारु नयाँ नियम

¹⁶ पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

परमेस्वर को सच्चो वचन

¹⁶ लेकिन भोलेपन और सम्मान के संग करौ। अपने मन कै सपा रखाबौ, ताकी जब तुमरो अपमान करो जाबै, तौ जो लोग मसीह के अगुवन के रूप मैं तुमरे अच्छे व्यवहार की बुराई करथैं, बे जो कहथैं बासे सरमाय जांगे।

1 पतरस 3:16 Kruisverwysings

मत्ती 5:11

धन्य हओ तुम, जब आदमी तुमके सतात हएं, बेज्जत करत हएं, और झुठ बोलके तुमर बिरुद्धमे सब किसिमको खराब बात कहात हएं। काहेकी तुम मिर चेला हओ।

प्रेरित 24:16

जहेमारे परमेश्वरमे और आदमीनमे मए सदादीन शुद्ध बिबेक धरन कोसिस करत हओं।

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”

रोमियों 9:1

मए ख्रीष्टमे सच्चो बात कहात हओं, झुठ नाए मस्कत हओं, और मिर बिबेक फिर पबित्र आत्मामे गवाही देतहए,

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

1 तिमोथी 1:19

तोके ख्रीष्टमे बिश्वास करे रहानके पणो और तोएमे एक शुद्ध बिबेक होन पणो। पर कुछ आदमी अपने शुद्ध बिबेकके त्याग दइ हएं, और बे ख्रीष्टमे बिश्वास करनके अपनी योग्यताके नाश करदइ हएं, ठिक उइसीयए जैसे एक जहाजको ठक्कर होनमे पुरा जहाजके नाश करदेत हए।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

2 तिमोथी 1:3

मए परमेश्वरके धन्यबाद देत हओं, जौनको मए और मेरे पुर्खा शुद्ध बिबेकसे सेवा करेहएं। जब फिर मए प्राथना करत हओं, तओ मए तिर नाउँ हमेसा याद करत हओं।

तीतुस 2:8

और बहे सिखा, जो सच्चो शिक्षा हए, और कोइ फिर बदनाम नाए करन बारो शिक्षा होबए, ताकी बे आदमी जो येशू ख्रीष्टके ताहीं तेरे कामके बिरोध करत हएं, बे लाजमे पणएं। ताकी बे हमर बारेमे कोइ फिर खराब बात नाए बतकाए पामएं।

हिब्रू 13:18

हमर ताहीं प्राथना करतए रहाओ, काहेकी हमके जरुर पता हए, कि हमर बिबेक शुद्ध हए, और हम हर समय सही काम करन चाँहत हएं।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

1 पतरस 2:19

काहेकी परमेश्वर हमसे खुसी होत हए, जब हम सहास करके बो दुखके सहात हएं जौन दुख हमके नाए मिलनके रहए। काहेकी हम परमेश्वरके बारेमे सोँचत हएं।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

1 पतरस 4:4

जहेमारे तुमर पुराने सँगी अचम्मो मानत हएं, जब तुम बिनके करन बारो दुष्ट कामनमे सामिल नाए होत हओ। बहेमारे बे तुमर बारेमे खराब बात मस्कत हएं।