1 पतरस 1:10 - राना थारु नयाँ नियम

¹⁰ जा अनुग्रहके बारेमे अगमबक्ता औ जद्धा जानन चाँहत रहएं। बे भबिष्यबाणी करीं, कि परमेश्वर तुमके बचानके ताहीं तुमर पक्षमे कैसे दयालु ब्यबहार करैगो, जौनको तुम योग्यके नाए रहओ। बे उत्तर पानके ताहीं ध्यानसे अध्यान करीं।

परमेस्वर को सच्चो वचन

¹⁰ जौ ऐसे उद्धार के बारे मैं है जोकै भविस्यवक्ता सतर्क हुई कै ढूँड़ीं और जाँची, और बे जौ अनुग्रह के बारे मैं भविस्यवाँड़ी करथैं जो परमेस्वर तुमकै देगो।

1 पतरस 1:10 Kruisverwysings

मत्ती 13:17

नेहात्तओ, मए तुमसे कहात हओं, तुम जो देखे हओ बो बात बहुत अगमबक्ता और धर्मीजन देखनके उत्कट इच्छा करत हएं, और जो तुम सुनत हओ बो सुननके ताहीं उत्कट इच्छा करत हएं, पर सुन नाएपाइं।”

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

लूका 10:24

काहेकी मए तुमसे कहात हओं, तुमर देखीभइ बातके, बहुत अगमबक्ता और धर्मी जनके देखन गजब मन रहए, पर बे नाए देख पाइं। और तुमर सुनीभइ बात सुननके गजब मन रहए, पर सुन नाएपाइं।”

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

यूहन्ना 5:39

तुम पबित्र-शास्त्र पढत हओ, काहेकी तुम जा सोँचत हओ, कि बोमे तुमके कभी फिर नाश नाए होन बारो जीबन मिलैगो। और जा बहे पबित्र-शास्त्र हए, जो मिर बारेमे गवाही देत हए।

यूहन्ना 7:52

पर औ जनै बोसे कहीं, “का तए फिर गालील परदेशको हए? पबित्र-शास्त्रमे ढुणके देख, तओ तए देखैगो, कि गालील परदेशसे अगमबक्ता कोइ नाए आबैगो।”

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 7:52

सबए अगमबक्तनके तुमर पुर्खा सताइं। और बे आदमी अगमबक्तनके मारडारीं, जौन ख्रीष्टके बारेमे अगमबाणी करी रहएं, जौन ख्रीष्ट धर्मी रहए। और जब ख्रीष्ट आओ तओ तुम बाके धोखा दए और बाके मारडारे।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

हिब्रू 11:40

काहेकी परमेश्वरके ठिन उनके ताहीं इकल्लो नाए, पर हमर ताहीं फिर एक असल योजना हए। परमेश्वर उनके हमसे इकल्लो सिद्ध बनानके चाँहत हए।

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।