1 यूहन्ना 3:8 - राना थारु नयाँ नियम

⁸ जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।

परमेस्वर को सच्चो वचन

⁸ जो कोई पाप करतै रहथै बौ सैतान को है, काहैकि सैतान सुरू सेई पाप करी है। परमेस्वर को लौड़ा जौ कारड़ से दिखाई दई, जो कि सैतान करी रहै बाको नास करै।

1 यूहन्ना 3:8 Kruisverwysings

मत्ती 12:28

अगर मए परमेश्वरको आत्मासे भुत भजातहओं तओ परमेश्वरको राज्य तुमरमे आइगओ हए।

मत्ती 13:38

खेत दुनियाके आदमी हएं, असल बीज राज्यके आदमी हएं। और उवाजओके बीज शैतानके आदमी हएं।

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

मर्कूस 1:24

बो अइसे कहात चिल्लान लागो, “हे नासरत गाउँको येशू, तुम हमके काहे परेसान करत हओ? का तुम हमके सत्यानाश करन आए हओ। मए तुमके चिनत हओं, तुम परमेश्वरको पबित्र सेवक हओ, जो परमेश्वरके घेनसे हओ।”

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

यूहन्ना 16:11

सल्लाहकार पापके बारेमे याद दिलाबैगो जाकेमारे, कि परमेश्वर पहिलीयएसे संसारको सासक शैतानकी शक्तिके दोषी ठहिराए डारी हए।”

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

कलस्सी 2:15

ख्रीष्ट येशू प्रधानतनके और सब अधिकारके शक्तिनके हराए दइ हए। और क्रूसमे मरके बा, जा प्रधानतनके और अधिकारके शक्तिनके सबके अग्गु लाज करबाए दइ, और बा इनसे जितिगओ।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

1 यूहन्ना 1:2

जा जीबन हियाँ पृथ्वीमे आओ, और हम बाके देखे, और बाकी गवाही देत हएं, और तुमके बा कभी फिर नाश नाए होन बारो जीबनके बारेमे परचार करत हएं, जो दौवाके सँग रहए, और हमर ठिन प्रकट भओ।

1 यूहन्ना 3:10

जहेसे परमेश्वरके सन्तान और शैतानके सन्तान जाने जात हएं। बे आदमी जो धार्मिक काम करत हएं बे परमेश्वरके घेनसे हएं, और बे आदमी जो अपने भइयासे प्रेम करत हएं बे परमेश्वरके घेनके हएं।

1 यूहन्ना 3:5

और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।