1 यूहन्ना 2:1 - राना थारु नयाँ नियम

¹ मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

परमेस्वर को सच्चो वचन

¹ मैं जौ तुमकै, मेरे बालकौ लिखरौ हौं, ताकी तुम पाप नाय करौ; लेकिन अगर कोई पाप करथै, तौ हमरे झोने कोई है जो हमरो मदतेया है, जो हमरे घाँईं से दऊवा से प्रार्थना करथै। जौ आदमी ईसु मसीह है जो न्याई है।

1 यूहन्ना 2:1 Kruisverwysings

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

यूहन्ना 13:33

मेरे प्यारे लौंणा, मए कुछ देरतक इकल्लो औ तुमर सँग रएहओं। तुम मोके ढुणैगे, और जैसो मए यहूदी समुहनसे कहो, और हबए तुमसे फिर मए कहात हओं, जहाँ मए जएरहो हओं, हुवाँ तुम नाए आए पएहओ।”

यूहन्ना 14:16

मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 21:5

तओ येशू बिनसे कही, “मेरे प्यारे लौंणा, का तुमर ठिन कुछ खानके ताहीं हए?” बे जबाफ दइके कहीं, “नाए हए।”

यूहन्ना 5:14

जाके पिच्छु रोगसे अच्छो भओ आदमी, येशूके यरूशलेमको मन्दिरके आँगनमे मिलो, तओ येशू बोसे कही, “देख, तए रोगसे अच्छो भओ हए; फिरसे पाप मत् करीए, और अगर फिरसे पाप करो कहेसे कहुँ अइसो नाए होबए, कि तिर उपर औ जद्धा भारी बिपत्ति आए पणए।”

यूहन्ना 5:36

“मिर ठिन बप्तिस्मा देन बारो यूहन्नाको गवाहीसे बडो गवाही हए। बो काम, जौन मोके दौवा पुरा करनके ताहीं दइहए, बहे मिर बारेमे गवाही देतहए। जौन काम मए करत हओं, बो गवाही देनके दौवा मोके पठाइ हए।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

यूहन्ना 8:11

बो बैयर कही, “प्रभु, कोइ दण्ड नाए दइ।” येशू कही, “तओ मए फिर तोके दण्ड नाए देहओं, अब तए घर चलो जा, और फिर कभु पापमे जीबन मत् बितैए।”

प्रेरित 7:52

सबए अगमबक्तनके तुमर पुर्खा सताइं। और बे आदमी अगमबक्तनके मारडारीं, जौन ख्रीष्टके बारेमे अगमबाणी करी रहएं, जौन ख्रीष्ट धर्मी रहए। और जब ख्रीष्ट आओ तओ तुम बाके धोखा दए और बाके मारडारे।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

1 कोरिन्थी 15:34

जो ठिक हए बोके बारेमे ध्यानसे बिचार करओ, अबसे पाप मत् करओ; काहेकी तुम मैसे कुछ आदमी परमेश्वरके स्पष्ट रुपसे नाए जानत हएं।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

गलातियों 4:19

मेरे छोटे बालका, जौनके मए प्रेम करत हओं, मए तुमर मारे कठिनाइसे गुजर रहो हओं, जैसे कि मए फिरसे तुमके जनम दइ रहो हओं, और मए तबतक जा कठिनाइसे गुजरतए रहामंगो, जबतककी तुम ख्रीष्टके बरोबर नाए बन्जाओ।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

इफिसियों 4:26

अगर तुम गुस्साए जाबैगे तओ ध्यान देओ, कि तुम पाप नाए करओ। सुनिश्चित करओ, कि दिन खतम होनसे पहिले तुम गुस्सानके बन्द करदेबओ।

1 तिमोथी 2:5

काहेकी सिरफ एकए परमेश्वर हए, जो परमेश्वर और आदमीनके बीचमे मेलमिलाप करबाए सकत हए। बा येशू ख्रीष्ट हए, जो एक आदमीके रुपमे जनम लइ।

1 तिमोथी 3:14

मए जा चिट्ठी लिखतए, फिरसे मए तुमसे जल्दीए भेँट करन आसरा करत हओ। पर मए जे सब बात जहे कारणसे लिखत हओं,

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

याकूब 1:27

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।

याकूब 3:9

जहे जिभसे हम प्रभु और दौवा परमेश्वरको स्तुति करत हएं, और जहे जिभसे परमेश्वरको रुपमे सृष्टि करेभए आदमीनके सराप देत हएं।

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 यूहन्ना 3:18

हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

1 यूहन्ना 3:5

और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

1 यूहन्ना 3:7

मेरे प्यारे बालकाओ, कोइ आदमी तुमके छल नाए पाबए। जौन धार्मिकताके काम करत हए, बहे ख्रीष्ट जैसो धर्मी हए।

1 यूहन्ना 4:4

हे मेरे प्यारे बालकओ, तुम परमेश्वरके आदमी हओं, और तुम बे झुठे अगमबक्तनसे जितीगए हओ, काहेकी पबित्र आत्मा जो तुममे हए, बा शैतानसे बडो हए, जो जा संसारके आदमीनके उपर राज्य करत हए।

1 यूहन्ना 5:17

सब मेलके खराब काम पाप हएं, पर अइसे पाप फिर हएं, जौनके मृत्युमे नाए पुगात हए।

1 यूहन्ना 5:21

मेरे बालका, जौन चीज तुमके परमेश्वरको उपस्थितिसे दुर करत हए बो चीजसे दुर रहाओ।

3 यूहन्ना 1:4

जबही फिर मए जा सुनत हओं, कि बे आदमी, जो मेरे लौंणालौंणीया हानी हएं, बे बहे तरिकासे जिइनडटे हएं, जो सचमे परमेश्वर हमएं दिखाइ हए, तओ जा मोके औ खुसी बनाए देत हए।