Luka 3:2 - Senoufo Supyire

² Ana ná Kayifu mú sí ɲyɛ sáragawwuubii ɲùŋufente na, lire yyeeni mà Zakari jyaŋi Yuhana yaha síwage e, Kile à u tun u sà a uru jwumpe yu.

Luka 3:2 Kruisverwysings

Macwo 11:7

Ɲyɛ Yuhana cyelempyiibil'à kàre ke, ka Yesu si wá na Yuhana kyaa yu sùpyir'á, u à jwo: «Canŋke yii ná ŋkàre síwage e ke, taha ɲyɛgɛ yii mpyi a kàr'a sà wíi kafɛɛge sí i ku ɲyàha la?

Macwo 26:3

Ɲyɛ ka Kile sáragawwuubii ɲùŋufeebii ná Yahutuubii kacwɔnribii si sà piye bínni Kile sáragawwuubii ɲùŋufembwɔhe Kayifu pyɛnge e,

Marika 1:2

Kile à fyânha a jwo u tùnntunŋi Ezayi sémɛŋi i: «Wíi, mii sí na tùnntunŋi tun mu yyaha na, u sà kuni yaa mu mɛɛ na,

Luka 1:80

Ɲyɛ uru pyàŋi mpyi na lyɛge, Kile Munaani sí i fànhe kaan u á. Ka u u ŋkwôro sige funŋke e fo mà sà nɔ u tèecyeeni na Izirayɛli shiinbii na.

Yuhana 1:23

Ka Yuhana si pi ɲwɔ shwɔ ná Kile tùnntunŋi Ezayi ɲwɔjwumpe e na: «Mɛjwul'à fworo síwage e fànha na “Yii kuro nintiile yal'a yaha Kafooŋi mɛɛ na.” Ɲyɛ mii Yuhana u ɲyɛ ná lire mɛjwuuni i.»

Yuhana 18:24

Ɲyɛ ka Ana si u cyempwɔ wuŋi tùugo sáragawwuubii ɲùŋufembwɔhe Kayifu yyére.

Kapyiiŋkii 4:6

Kile sáragawwuubii ɲùŋufembwɔhe Ana mú mpyi wani, mà bâra Kayifu ná Yuhanaŋi wabɛrɛ ná Alɛzandiri ná sáragawwuubii ɲùŋufembwɔhe pyɛngɛ shiinbii puni.