Veydipi 1:5 - Seysyo No Tao

⁵ Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

Veydipi 1:5 Kruisverwysings

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Loma 11:17

O tao do Yotay am sira akman so kayo a meyngaran so kanlan a polcingen a kangay mapatolang so yangaw no jya nimowa kanlan. Inyo rana beken a tao do Yotay am kapalangayan nyo o yajya nipamowa kanlan. So yanyo ipacizanod do tao do Yotay a na ikarilaw ni Ama ta do to.

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Loma 15:26

Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

2 Kedinto 8:1

Manga kakteh ko do cinai, inaoy no si katenngan nyo o aryarilaw na ni Ama ta do to do peycyakyokyokayan na do Maciton.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Veydipi 1:12

Manga kakteh, ko kakdain inyo a makateneng jyaken a yamyan do pamemtengan. Cyaha, ta na ikapyapya a yasomidong jyaken a meylimwang no Mapasaray a Ciriciring na ni Ama ta do to.

Veydipi 1:16

Sira rana ya am sira mamimin a yamarilaw nyaken a yamakateneng jyaken a yana nipamnekan ni Ama ta do to a yamacinekanekad no Mapasaray a Ciriciring na.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Veydipi 2:22

Nyo katenngan o mina vazay na ni Timotay. Ta yanamen akmey meyyama a yamazikna a yameylimwang no Mapasaray a Ciriciring.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Veydimeng 1:17

Am ori an, no si anoyngan mo yaken a kagagan mo am akmey kataotao ko rana iya a taotawwen mo do vahay mo.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.