Tito 1:9 - Seysyo No Tao

⁹ Pangozayan na o manoyong a nanao a apo ji Ama ta do to. Ta ori o ipakananao na so amraralay ni Yeso a tao a kano mangalalas a ji manganwanoyong a tao.

Tito 1:9 Kruisverwysings

Nimlivolivon 18:28

Ta mowyat a mapasapa do macinekanekad jya tao do Yotay a manci no Seysyo, do kanoyong ni Yeso a Misayya a nitovoy ni Ama ta do to.

1 Kedinto 14:24

Am no malovot kamo a mangononong so ciriciring na ni Ama ta do to a kasdep da no ji manaralay a tao am jyabo kaji da makanakman so raraten da, do pakamizngan da so ipanci nyo a ciriciring na ni Ama ta do to.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

2 Tesalonicya 2:15

Ori an manga kakteh an, makakdeng kamo so nakenakem an. O ninanao namen jinyo a ciriciring na ni Ama ta do to am meyyangay ori a kano ciriciring namen do teygami a miminen nyo a ahapen.

1 Timotay 1:10

mangzakza so icyatatao, mangzakza so kehngehngay na so kolit, manakaw so kanakan, manlita, mangononong so malas, jyanoyong so ipanci do pacicicyan a kano mapasala do manoyong a nanao.

1 Timotay 1:15

Yamanoyong o ciring eya an. Inaoy no si mamimin o tao a omahap so sya. Nimai si Yeso Kizisto do teyrahem a mahap so meyraraten a tao. Yaken rana am ney rako o raraten ko.

1 Timotay 1:19

So peyhanhanan mo ni Yeso a kahap mo so apiya nakenakem mo. Ta amyan so tao a mapasala so nakenakem da. Am ori o ikatarek na no anoyngan da.

1 Timotay 4:9

Manoyong o akman rana sang a ciring. So ikamimin ta mahap sya an.

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

2 Timotay 1:13

Pakanakmen mo o manoyong a nanao a ninanao ko rana jimo a pangozayan mo. Ji mo to nazibwan o nimahap mo a pangangarilawan a kano nakenakem mo ji Yeso Kizisto an. Ta ori o yongkad no macikaop ji Yeso Kizisto.

2 Timotay 2:2

Ahapen mo o nanao a nimamizing mo jyaken do tangain da no aro a tao a inanao mo so milamdam mo a makdeng so nakenakem a tao a kananao da so icyatatao da.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

2 Timotay 3:14

Am o mo nimahap rana yamanoyong a nanao am panekseken mo do onowned mo an. Ta mo katenngan sira o mo nipacinanawan an.

2 Timotay 4:3

Ta yamyan so araraw na no ji da ngapi so manoyong a nanao a to ngonongonong do apyahen da no nakem a ji rana mingsan so amizngen da.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Tito 2:1

Am imo rana am ji mo palasa o ipanvavaga mo so amraralay ni Yeso a tao an. Ta to mo mangozai o manoyong a nanao na ni Ama ta do to.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.

Ipaziman 2:25

Am ahapen nyo o yanyo na nimamizing a nanao ni Ama ta do to mangay do ikeypirwa ko a meyhekas do karawan.

Ipaziman 3:11

Ko na makeykai a mai. Am ori o ji nyo amtaji no kapangononong nyo do ciring ko an, a ji mamyapya no tao a mehes so azaw nyo a jyablis so onowned.

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.